Isambulo 9:4 - iBhayibhili Elingcwele 1978

⁴ Kwathiwa singoni utshani bomhlaba, leyodwa into eluhlaza, lesisodwa isihlahla, kuphela labobantu abangelalo uphawu lukaNkulunkulu emabunzini abo.

IBhayibhili Elingcwele LesiNdebele

⁴ Zazitshelwe ukuthi zingalimazi tshani basemhlabeni loba olunye ulutho olwamilayo loba isihlahla, kodwa kuphela labobantu ababengelalo uphawu lukaNkulunkulu emabunzini abo.

Isambulo 9:4 Referans Kwoze

UHezekhiyeli 9:4

yathi kuye: Dabula phakathi komuzi waseJerusalema, ufake uphawu emabunzini abantu ababubulayo bekhala ngawo wonke amanyala enziwa phakathi kwawo.

Isambulo 14:1

Ngasengikhangela, ngabona iWundlu limi entabeni yaseZiyone, kumi kanye lalo abayizinkulungwane ezilikhulu lamatshumi amane lane, abalotshwe ibizo lalo lelikaYise emabunzini abo.

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.

Isambulo 6:6

Ngasengisizwa kungathi yilizwi phakathi kwezidalwa ezine eziphilayo lisithi: Ingcebethu yamabele izakuthengwa ngendibilitshi ezilitshumi, lezingcebethu ezintathu zebhali zizakuthengwa ngendibilitshi ezilitshumi; kodwa ungoni amafutha lewayini.

UHezekhiyeli 9:6

libulale liqede amaxhegu, amajaha lezintombi, abantwana abancinyane labesifazana; kodwa lingathinti loyedwa olophawu, liqalise endlini yami engcwele. Baqala ngamadoda amadala ayephambi kwethempeli.

U-Eksodasi 12:23

Ngoba iNkosi izadabula ilizwe ukuba ibulale amaGibithe; nxa ibona igazi emgubazini lasensikeni zombili zomnyango, izakudlula lowomnyango ingavumeli umbulali ukuba angene ezindlini zenu ukulibulala.

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

UMatewu 24:24

Ngoba kuzakuvela okristu bamanga labaprofethi bamanga, benze izibonakaliso ezinkulu lezimangaliso, ukuze kuthi nxa kungenzeka baduhise labakhethiweyo.

AmaHubo 76:10

Ulaka lwabantu luzakwandisa udumo lwakho; uzalugqoka.

UJobe 1:12

INkosi yasisithi kuSathane: Khangela konke alakho kusemandleni akho; kodwa ungamthinti yena uqobo. Wasesukake uSathane phambi kweNkosi.

UJobe 1:10

Kawumvikelanga inxa zonke yena lendlu yakhe kanye lakho konke alakho na? Ubusisile imisebenzi yakhe, lemfuyo yakhe yandile elizweni.

UJobe 2:6

INkosi yathi kuSathane: Khangela, usemandleni akho; utshiye ukuphila kwakhe kuphela.

Isambulo 7:1

Emva kwalokhu ngabona izithunywa ezine zimi emagumbini womane omhlaba, zibambe imimoya emine yomhlaba ukuze kungavunguzi moya emhlabeni, lasolwandle, lakwesisodwa isihlahla.