Isambulo 9:20 - iBhayibhili Elingcwele 1978

²⁰ Abaseleyo babantu abangabulawanga yilezizifo kabaphendukanga emisebenzini yezandla zabo ukuba bangakhonzi omoya ababi, lezithombe zegolide, lezesiliva, lezethusi, lezelitshe, lezesihlahla, izinto ezingaboniyo lezingezwayo lezingahambiyo.

IBhayibhili Elingcwele LesiNdebele

²⁰ Abanengi boluntu ababengabulawanga yizifo lezi kabazange baphenduke emisebenzini yezandla zabo; kabayekelanga ukukhonza amadimoni lezithombe zegolide lezesiliva lezethusi, lezamatshe kanye lezezigodo, izithombe ezingeke zibone loba zizwe loba zihambe.

Isambulo 9:20 Referans Kwoze

UDanyeli 5:23

kodwa umelene leNkosi yaphezulu; kwalethwa lezitsha zendlu yayo phambi kwakho; wena lezikhulu zakho labomkakho labanye abafazi bakho lanathela kuzo iwayini. Wadumisa onkulunkulu besiliva labegolide labethusi labensimbi labezigodo labamatshe, abangaboniyo labangezwayo labangaziyo; kodwa uNkulunkulu ophethe ngesandla sakhe umphefumulo wakho lezindlela zakho zonke ezingezakhe kawumdumisanga.

UDutheronomi 31:29

Ngoba ngiyazi ukuthi emva kokufa kwami lizakona, liphambuke endleleni engililaye yona; lizakwehlelwa ngokubi ngensuku ezizayo, ngoba lizakwenza okubi emehlweni eNkosi, liyithukuthelise ngomsebenzi wezandla zenu.

Isambulo 9:21

Futhi kabaphendukanga ekubulaleni kwabo, lasekuthakatheni kwabo, lasekuphingeni kwabo, lasekwebeni kwabo.

1 uTimothi 4:1

UMoya utsho ngokusobala ukuba ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi,

Imisebenzi 19:26

njalo liyabona, liyazi futhi ukuba kakusikho lapha eEfesu kodwa kuphose ukuba kube kulo lonke elaseAsiya uPawuli lo ubaphambukisile abantu ngokubenza bakholwe ukuthi kayisibo onkulunkulu abenziwe ngezandla.

Imisebenzi 7:41

Benza ithole ngalezonsuku, baletha umhlatshelo esithombeni, bajabula ngemisebenzi yezandla zabo.

UJeremiya 1:16

Ngizabagweba ngenxa yabo bonke ububi babo ngokungihlamuka kwabo. Batshisela abanye onkulunkulu impepha, bakhonza imisebenzi yezandla zabo.

2 AbaseKhorinte 12:21

Ngilovalo lokuthi ekufikeni kwami futhi uNkulunkulu wami angithobise phambi kwenu, ngililele abanengi abonileyo ngaphambili, abangaphendukanga kukho ukungcola lobufebe lamanyala abakwenzileyo.

UJeremiya 51:17

Bonke abantu bayizithutha, kabalakwazi; wonke umkhandi uyangiswa yizithombe zakhe, ngoba izithombe zakhe ziyinkohliso, kazilamphefumulo.

Imisebenzi 17:29

Ngakhoke lokhu siyinzalo kaNkulunkulu, kakufanele ukuba sinakane ukuthi ubuNkulunkulu bunjengegolide ingabe isiliva loba ilitshe okwenziweyo ngeminwe langokunakana kwabantu.

UMatewu 21:32

Ngoba uJohane wafika kini ngendlela yokulunga, kalikholwanga kuye; kodwa abathelisi lezifebe bakholwa kuye; kodwa lina lanxa selikubonile, kaliphendukanga emva kwalokho, ukuba likholwe kuye.

UJeremiya 44:8

Kungani lingithukuthelisa ngezithombe zenu, litshisela abanye onkulunkulu impepha eGibithe lapho selihlala khona, ukuze libhujiswe, liphenduke into yokuthukwa leyokuhlekwa phakathi kwazo zonke izizwe zasemhlabeni na?

UJeremiya 25:6

lingalandeli abanye onkulunkulu ukubasebenzela lokubakhonza, ukuba lingivuse ulaka ngezithombe elizenzileyo. Kangiyikulenzela okubi.

UJeremiya 5:3

Nkosi, amehlo akho kawathandi ukubona iqiniso na? Wena ubatshayile, kodwa kabezwanga ubuhlungu; ubaqothule, kodwa bala ukulaywa. Benza inhliziyo zabo zaba lukhuni kulelitshe, bala ukuphenduka.

AmaHubo 106:37

Banikela amadodana lamadodakazi abo ezithombeni;

2 ImiLando 34:25

Ngoba bangidelile, batshisela abanye onkulunkulu impepha, ukuze bangithukuthelise ngezithombe zabo abazenzayo; ngakho ulaka lwami luzakwehlela phezu kwalindawo, lungadedi.

2 AmaKhosi 22:17

Ngoba bangidelile, batshisela abanye onkulunkulu impepha, ukuba bangithukuthelise ngazo zonke izithombe zabo. Ngakho intukuthelo yami izakuvutha ngalindawo, ingadedi.

UDutheronomi 32:17

Bahlabela omoya ababi abangesibo onkulunkulu, onkulunkulu ababengabazi, onkulunkulu abatsha abasand’ukuvela, ababengesatshwa ngokhokho babo.

Isambulo 16:8

Isithunywa sesine sathululela elangeni okusemganwini waso; lavunyelwa ukutshisa abantu ngomlilo.

U-Isaya 41:7

Umbazi umisa umkhandi isibindi, lalowo ololonga ngesando ammise isibindi obethela ndawonye isithombe, esithi: Kunanyathiselwe kuhle; ekubethela ngezipikili ukuze kuqine.

U-Isaya 2:8

Ilizwe labo ligcwele izithombe; bakhuleka emisebenzini yezandla zabo, lakukho okwenziwe yiminwe yabo.

2 ImiLando 28:22

Linkosi uAhazi isithwele nzima yandisa ukona kwayo eNkosini uNkulunkulu,

ULevi 17:7

Ngakhoke kabasayikuhlabela omoya ababi imihlatshelo yabo, ababesiya kubo ukuphinga sebengidela. Lokhu kuzakuba yisimiso esingelakuphela kubo ezizukulwaneni zabo.

UDutheronomi 4:28

Lapho lizakukhonza onkulunkulu abenziwe ngezandla zabantu ngezihlahla langamatshe, abangaboniyo, abangezwayo, abangadliyo labanganukiyo.

UDanyeli 5:4

Banatha iwayini, badumisa onkulunkulu begolide labesiliva labethusi labensimbi labesigodo labelitshe.

UMikha 5:13

ngibulale izithombe zenu, ngaphule insika zenu zokukhonzela phakathi kwenu; kalisayikuphinda likhothamele umsebenzi wezandla zenu,

Isambulo 9:19

Ngoba amandla amabhiza asemilonyeni lasemisileni yawo; imisila yawo injengenyoka, ilamakhanda, alimaza ngayo.

Isambulo 15:1

Ngasengibona esinye isibonakaliso ezulwini esikhulu lesimangalisayo, izithunywa eziyisikhombisa zilezifo eziyisikhombisa zokucina, ngoba lwapheleliswa ngazo ulaka lukaNkulunkulu.