Isambulo 8:12 - iBhayibhili Elingcwele 1978

¹² Isithunywa sesine salukhalisa uphondo; kwatshaywa ingxenye yesithathu yelanga, leyenyanga, leyezinkanyezi, ukuze kufiphale ingxenye yesithathu yokukhanya kwazo; kwafiphala ingxenye yesithathu yokukhanya kwemini kanye lokwasebusuku.

IBhayibhili Elingcwele LesiNdebele

¹² Ingilosi yesine yakhalisa icilongo layo, kwathi ingxenye yesithathu yelanga yatshaywa, lengxenye yesithathu yenyanga kanye lengxenye yesithathu yezinkanyezi, okwenza ingxenye yesithathu yalokhu yaphenduka yaba mnyama. Ingxenye yesithathu yemini yayingelakukhanya, kanye lengxenye yesithathu yobusuku.

Isambulo 8:12 Referans Kwoze

UJoweli 2:31

Ilanga lizaphenduka umnyama, lenyanga ibe ligazi, lungakafiki usuku lweNkosi olukhulu lolwesabekayo.

U-Isaya 13:10

Inkanyezi zezulu kaziyikukhanya; ilanga lizakuba mnyama ekuphumeni kwalo, lenyanga kayisayikukhanya.

UJoweli 2:10

Nxa besiza, umhlaba uyanyikinyeka phambi kwabo, lephezulu lithuthumele. Ilanga lenyanga kuphenduka kube mnyama, lezinkanyezi kucime ukukhanya kwazo.

Isambulo 6:12

Ngasengibona lapho livula uphawu lwesithupha, kwaba khona ukuzamazama okukhulu komhlaba; ilanga laphenduka laba mnyama, njengelembu lokuzila, lenyanga yaba bomvu njengegazi;

Isambulo 9:18

Ngalezizifo ezintathu kwabulawa ingxenye yesithathu yabantu ngomlilo langentuthu langesolufa, okwaphuma emilonyeni yawo.

Isambulo 9:15

Zasezikhululwa izithunywa ezine ezazilungiselwe lezizikhathi losuku lenyanga lomnyaka ukuba zibulale ingxenye yesithathu yabantu.

UMakho 13:24

Kodwa ngalezonsuku emva kwalokhokuhlupheka ilanga lizakufiphala, lenyanga kayiyikukhanya,

UMatewu 24:29

Masinyane emva kokuhlupheka kwalezonsuku ilanga lizakufiphala, lenyanga kayiyikukhanya, lenkanyezi zizakuwa ezulwini, lamandla ezulu azakuzanyazanyiswa.

UJoweli 3:15

Ilanga lenyanga kuzaphenduka kube mnyama, lezinkanyezi kucime ukukhanya kwazo.

Isambulo 12:4

umsila wawo wadonsa ingxenye yesithathu yezinkanyezi zomkhathi, waziphosela emhlabeni. Umgobho wema phambi kowesifazana obesezakubeletha, ukuze kuthi lapho esebelethile, udle umntwana wakhe.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

ULukha 21:25

Kuzakuba khona isibonakaliso elangeni lasenyangeni lasezinkanyezini; lasemhlabeni usizi luzakwehlela izizwe, zidideke kakhulu ngenxa yokuduma kolwandle lamavinqo,

UMakho 15:33

Emini kwaba mnyama elizweni lonke, kwaze kwaba yiawa yesithathu ntambama.

UMatewu 27:45

Kusukela emini kwaba mnyama emhlabeni wonke kwaze kwaba yiawa yesithathu ntambana.

UJeremiya 4:23

Ngakhangela umhlaba, wawuze ungelalutho, lephezulu lalingelakukhanya.

Imisebenzi 2:20

Ilanga lizakuphenduka umnyama, lenyanga ibe ligazi, lungakafiki usuku olukhulu loludumisekayo lweNkosi.

uAmosi 8:9

Ngalolosuku, itsho iNkosi uNkulunkulu, ngizatshonisa ilanga emini, ngenze kube mnyama emhlabeni emini ekhanyayo.

U-Isaya 24:23

Laphoke inyanga izathuba, lelanga lifiphale, ngoba iNkosi yamabandla izabusa entabeni yaseZiyone laseJerusalema, ibonakalise inkazimulo yayo phambi kwezikhulu zayo.

Isambulo 16:10

Isithunywa sesihlanu sathululela okusemganwini waso phezu kwesihlalo sesilo; lombuso waso waba semnyameni. Abantu baxhanxatha inlimi zabo ngenxa yobuhlungu,