Isambulo 7:1 - iBhayibhili Elingcwele 1978

¹ Emva kwalokhu ngabona izithunywa ezine zimi emagumbini womane omhlaba, zibambe imimoya emine yomhlaba ukuze kungavunguzi moya emhlabeni, lasolwandle, lakwesisodwa isihlahla.

IBhayibhili Elingcwele LesiNdebele

¹ Emva kwalokhu ngabona izingilosi ezine zimi emagumbini womane omhlaba, zivimbele imimoya emine yomhlaba zisenqabela loba yiwuphi umoya ukuvunguza elizweni loba olwandle loba kwesinye isihlahla.

Isambulo 7:1 Referans Kwoze

UMatewu 24:31

Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

UDanyeli 7:2

wathi: Ngabona embonweni wami ebusuku imimoya evela inxa zonke, iqubula ulwandle olukhulu.

UJeremiya 49:36

ngehlisele phezu kweElamu imimoya emine evela engonsini ezine zaphezulu, ngibahlakazele abaseElamu kuyo yonke leyomimoya; kakuyikuba khona isizwe lesisodwa abangeyikuxotshelwa kuso abaseElamu.

UMakho 13:27

izakuthuma izithunywa zayo, iqoqe abakhethiweyo bayo emimoyeni emine, kusukela emikhawulweni yomhlaba kuze kube semikhawulweni yezulu.

UDanyeli 8:8

Impongo yazikhukhumeza kakhulu; kodwa kwathi isilamandla, uphondo lwayo olukhulu lwephuka, endaweni yalo kwaphuma impondo ezine eziqaphileyo zikhangele ngasemagumbini amane ephezulu.

UHezekhiyeli 37:9

Yasisithi kimi: Tshumayela emoyeni, tshumayela ndoda, uthi emoyeni: INkosi uNkulunkulu ithi: Woza moya, uvele endaweni zonke, uphefumulele kulaba ababuleweyo ukuba baphile.

UHezekhiyeli 7:2

Ndoda, mina Nkosi uNkulunkulu ngithi elizweni lakoIsrayeli: Ukuphela kuyeza, ukuphela kuyeza emagumbini womane elizwe.

U-Isaya 27:8

Ngokubaxotsha langokubasa ekuthunjweni ibatshayile abantu bayo; yabasusa ngomoya wayo olamandla ngokuphephetha komoya wasempumalanga.

Isambulo 9:14

lisithi kuso isithunywa sesithupha esasilophondo: Khulula izithunywa ezine ezibotshiweyo ngasemfuleni omkhulu iYufrathi.

U-Isaya 11:12

Izakuziphakamisela uphawu izizwe, ibuthe abaxotshiweyo bakoIsrayeli labahlakazekileyo bakoJuda, ibabuthe ezingonsini zozine zomhlaba.

Isambulo 7:3

sisithi: Lingoni umhlaba lolwandle lezihlahla, size sibeke uphawu lukaNkulunkulu wethu emabunzini ezinceku zakhe.

Isambulo 9:4

Kwathiwa singoni utshani bomhlaba, leyodwa into eluhlaza, lesisodwa isihlahla, kuphela labobantu abangelalo uphawu lukaNkulunkulu emabunzini abo.

UZakhariya 6:1

Ngabuya ngaphakamisa amehlo ami, ngabona inqola zokulwa ezine ziphuma phakathi kwentaba ezimbili ezazingezethusi.

UJona 1:4

INkosi yathumela umoya omkhulu olwandle, kwaba khona isiphepha esikhulu, lomkolo wafuna ukudabuka phakathi.

Isambulo 6:6

Ngasengisizwa kungathi yilizwi phakathi kwezidalwa ezine eziphilayo lisithi: Ingcebethu yamabele izakuthengwa ngendibilitshi ezilitshumi, lezingcebethu ezintathu zebhali zizakuthengwa ngendibilitshi ezilitshumi; kodwa ungoni amafutha lewayini.

U-Isaya 27:3

Mina Nkosi, ngingumlondolozi waso, ngiyasithelela isikhathi sonke; ngisilondoloze ebusuku lemini, funa kube khona osonayo.

UDanyeli 11:4

Izakwanela ukuvela nje, umbuso wayo uchithwe wahlukaniswe izigaba ezine, kodwa unganikwa inzalo yayo, ungabuswa njengokubusa kwayo. Ngoba umbuso wayo uzasitshunwa, unikwe abanye ngaphandle kwalaba.

UZakhariya 6:5

Isithunywa sangiphendula sathi: Lokhu kuyimimoya emine yaphezulu esuka ekumeni phambi kweNkosi yomhlaba wonke.

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.

Isambulo 20:8

aphumele ukuduhisa izizwe ezisemagumbini amane omhlaba, azibuthele ekulweni izimpi zikaGogi loMagogi, ubunengi bazo bungangetshebetshebe lolwandle.