Isambulo 4:3 - iBhayibhili Elingcwele 1978

³ Lohleziyo wayefana lelitshe elithiwa ijaspi, lelithiwa ikorneliya, ukukhangeleka kwakhe; lomchilowamakhosikazi ofana lelitshe elithiwa iemeraldi wawuzingelezele isihlalo sobukhosi.

IBhayibhili Elingcwele LesiNdebele

³ Lowo owayehlezi lapho wayefana lejaspa lekhaneliya. Umchilowamakhosikazi owawufana le-emeralidi wawuzingeleze isihlalo sobukhosi.

Isambulo 4:3 Referans Kwoze

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

Isambulo 21:11

ulenkazimulo kaNkulunkulu; ukukhanya kwawo kwakunjengelitshe elihle kakhulu elinjengelitshe elithiwa ijaspi, elicwazimula kakhulu.

Isambulo 10:1

Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

UHezekhiyeli 28:13

WawuseEdeni, insimu kaNkulunkulu, ucecile ngawo wonke amatshe amahle, ngitsho ikorneliya letopazi lejaspi lekrisolite leberila leonikse lesafire lerubi le‐emeraldi. Amahlwayi akho ayengawegolide, lamasongo owawuwagqizile ayenzelwe wena ngosuku lokuzalwa kwakho.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

U-Eksodasi 24:10

bambona uNkulunkulu wakoIsrayeli; kwakukhona ngaphansi kwenyawo zakhe okungathi ngamatshe amasafire agandelweyo, acwebileyo njengezulu.

U-Eksodasi 39:11

umzila wesibili waba le‐emeraldi lesafire lendayimana;

U-Eksodasi 28:18

umzila wesibili ube le‐emeraldi lesafire lendayimana,

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

UHezekhiyeli 10:1

Ngasengibona ngasemkhathini owawungaphezu kwamakherubi okunjengelitshe elithiwa yisafire kufana lesihlalo sobukhosi.