Isambulo 4:11 - iBhayibhili Elingcwele 1978

¹¹ Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.

IBhayibhili Elingcwele LesiNdebele

¹¹ “Ufanele, Nkosi yethu loNkulunkulu wethu, ukwamukela udumo lenhlonipho kanye lamandla, ngoba wena wadala izinto zonke, njalo zadalwa ngentando yakho, njalo zilabo ubukhona bazo.”

Isambulo 4:11 Referans Kwoze

Isambulo 5:12

Lifanele iWundlu elahlatshwayo ukwamukela amandla lenotho, lokuhlakanipha, lokunqoba, lodumo, lobukhosi, lokudunyiswa.

U-Isaya 40:28

Kawazi yini, kawukezwa na? INkosi inguNkulunkulu ongelakuphela, inguMdali womhlaba wonke. Kayipheli amandla ikhathale, lemicabango yayo ingeqedisiswe muntu.

Izaga 16:4

INkosi yenzile konke kube lomsebenzi wakho; lababi yabenzela usuku lokuchitheka.

Isambulo 10:6

safunga yena ophilayo kuze kube nininini, owadala izulu lakho konke okukulo, lomhlaba lakho konke okukuwo, lolwandle lakho konke okukulo, sathi: Kakusayikuphuzwa;

Isambulo 14:7

Sathi ngelizwi elikhulu: Mesabeni uNkulunkulu, limdumise, ngoba isikhathi sokuthonisisa kwakhe sesifikile; limkhonze yena owenza izulu lomhlaba lolwandle lemithombo yamanzi.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;

AmaHebheru 1:10

Lokuthi: Wena Nkosi, wabeka isisekelo somhlaba ekuqaleni, amazulu angumsebenzi wezandla zakho.

UGenesisi 1:1

Ekuqaleni uNkulunkulu wadala izulu lomhlaba.

AbaseRoma 11:36

Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.

Abase-Efesu 3:9

lokubakhanyisela bonke abantu ukuthi liyini icebo lemfihlakalo ebifihliwe kuNkulunkulu owadala izinto zonke kusukela ekudatshulweni kwesikhathi,

Imisebenzi 14:15

Madoda, likwenzelani lokhu na? Lathi singabantu abanjengani ngokwemvelo, sililethele ivangeli ukuze liphenduke kulokho okuyize, liphendukele kuNkulunkulu ophilayo owenza izulu lomhlaba, lolwandle, lakho konke okukukho,

UJeremiya 32:17

E Nkosi Nkulunkulu! Kunguwe owenze izulu lomhlaba ngamandla akho amakhulu langengalo yakho elamandla. Kakukho okungakwahlula wena

AmaHubo 18:3

Ngizakhuleka eNkosini efanele ukudunyiswa, ngikhululwe ezitheni zami.

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

Imisebenzi 17:24

UNkulunkulu owenza umhlaba lakho konke okukuwo, yena oyiNkosi yezulu lomhlaba, kahlali emathempelini enziwe ngabantu;

2 USamuyeli 22:4

Ngizakhuleka eNkosini efanele ukudunyiswa, ngikhululwe ezitheni zami.

Isambulo 5:2

Ngasengibona isithunywa esilamandla simemeza ngelizwi elikhulu sisithi: Ngubani ofanele ukuvula lincwadi lokuqhaqha impawu zayo na?

UJobe 36:3

Ngizathatha izinto ezinengi ukusekela ukukhuluma kwami, lapho ngimela ukulunga koMenzi wami.

AmaHubo 68:34

Nikani udumo kuNkulunkulu, obukhosi bakhe buphezu kukaIsrayeli, lamandla akhe asemayezini.

AmaHebheru 1:2

Kodwa kulezinsuku zokucina ukhulume kithi ngeNdodana ayimise ibe yindlalifa yezinto zonke, yona adala ngayo futhi umhlaba.

UJeremiya 10:11

Tshono kubo uthi: Onkulunkulu abangenzanga iphezulu lomhlaba bazabhubha emhlabeni langaphansi kwezulu.

U-Isaya 40:26

Phakamiselani amehlo enu phezulu libone; ngubani owenza izinkanyezi leziyana na? Nguye ozikhupha njengebutho, azibize zonke ngamabizo azo; ngenxa yobukhulu bamandla akhe, ngoba eqinile, kayikho leyodwa esilelayo.

UDutheronomi 32:4

UliDwala, lomsebenzi wakhe uphelele, ngoba zonke indlela zakhe ziyikulunga. UnguNkulunkulu othembekileyo, ongelabubi, ulungile, uqotho.

U-Eksodasi 20:11

Ngoba ngensuku eziyisithupha iNkosi yenza izulu lomhlaba lolwandle lakho konke okukukho, yaphumula ngosuku lwesikhombisa; ngalokhu iNkosi yalubusisa usuku lwesikhombisa, yalwenza lwaba ngcwele.

Isambulo 1:6

lowasenza saba ngumbuso labapristi kuNkulunkulu uYise, kakube kuye ubukhosi lamandla kuze kube nininini. Ameni.

Isambulo 19:1

Emva kwalokho ngezwa kungathi yilizwi elikhulu lexuku elikhulu ezulwini lisithi: Haleluya! Ukunqoba, lobukhosi, lamandla kungokukaNkulunkulu wethu,