Isambulo 3:19 - iBhayibhili Elingcwele 1978

¹⁹ Bonke engibathandayo ngiyabasola ngibatshaye; ngakhoke tshisekela ukuphenduka.

IBhayibhili Elingcwele LesiNdebele

¹⁹ Labo engibathandayo ngiyabakhuza ngibajezise. Ngakho-ke, woba lokutshiseka uphenduke.

Isambulo 3:19 Referans Kwoze

1 AbaseKhorinte 11:32

Kodwa nxa sithonisiswa, siyatshaywa yiNkosi, ukuze singalahlwa kanye lomhlaba.

Isambulo 2:5

Ngakhoke khumbula lapho uwe khona, uphenduke, wenze imisebenzi owayenza kuqala. Uba kungenjalo, ngizakuza kuwe, ngilususe uluthi lwesibane sakho endaweni yalo, uba ungaphenduki.

UJobe 5:17

Ubusisiwe lowomuntu uNkulunkulu amlayayo; ngalokhoke ungakudeleli ukukhuza kukaSomandla.

2 AbaseKhorinte 7:11

Khangelani, khona lokhokudabukiswa kwenu okungendlela kaNkulunkulu kuveze kini ukukhuthala okungaka, lokuziphendulela, lokuthukuthela, lokwesaba, lokusilangatha, lokutshiseka, lokuthanda ukuba kwenziwe ukulunga. Kukho konke lazibonakalisa ukuthi kalilacala.

UJeremiya 31:18

Ngimzwile uEfrayimi ekhala esithi: Ungitshayile, ngatshaywa njengethole elingathambanga; ngibuyisa ukuze ngibuye, ngoba wena uyiNkosi uNkulunkulu wami.

UJeremiya 10:24

Siqondisa, wena Nkosi, kodwa kube ngokufaneleyo, kungabi ngolaka lwakho, funa usenze sibe yinto engesilutho.

UJeremiya 7:28

Uzakuthi kibo: Yiso lesisizwe esingalalelanga ilizwi leNkosi, uNkulunkulu waso, esingavumanga ukulaywa; leqiniso liphelile, lasuswa emlonyeni waso.

U-Isaya 26:16

Nkosi, sakudinga sisekuhluphekeni, sakhuleka kuwe lapho sitshaywa.

Izaga 22:15

Ubuthutha bunamathele enhliziyweni yomntwana; ukumtshaya ngoswazi kuyabususa kuye.

Izaga 15:32

Owala ukulaywa uyazidelela, kodwa olalela ukukhuzwa uzuza ukuqedisisa.

AmaHubo 69:9

Ngoba ukutshisekela indlu yakho kungidlile, lenhlamba yabakuthukayo yehlele phezu kwami.

AmaHubo 39:11

Lapho ulaya umuntu umkhuza ngenxa yesono, okuligugu kuye uyakuqeda njengenondo; impela ilowo lalowomuntu ungumoya nje.

UDutheronomi 8:5

Yazini enhliziyweni zenu ukuthi njengalokhu umuntu elaya indodana yakhe, ngokunjalo iNkosi uNkulunkulu wenu iyalilaya lani.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AbaseRoma 12:11

Khuthalani lingadinwa; livuthe emoyeni; likhonze iNkosi.

UJeremiya 30:11

Ngoba mina ngilawe ukukukhulula, kutsho iNkosi. Ngoba ngizachitha ngokupheleleyo zonke izizwe engikuhlakazele phakathi kwazo, kodwa wena kangiyikukubhubhisa ngokupheleleyo; ngizakukukhuza ngokufaneleyo, kangiyikukuyekela.

AmaHubo 94:10

Yena olaya izizwe kabalayi na? Yena ofundisa abantu kalakwazi na?

AmaHubo 6:1

Nkosi, ungangikhuzi ngokuthukuthela kwakho, ungangitshayi ngolaka lwakho.

2 USamuyeli 7:14

Mina ngizakuba nguyise, yena ibe yindodana yami. Uba esenza okubi, ngizayitshaya ngentonga esetshenziswa ngabantu, ngimtshaye imivimvinya njengokutshaya kwabantu.

2 AbaseKhorinte 6:9

njengabangaziwayo, kanti saziwa kakhulu; njengabafayo, kanti khangelani, sisekhona; njengabalaywa ngokuhlupheka, kanti kasibulawa;

UJohane 2:17

Abafundi bakhe bakhumbula ukuba kulotshiwe ukuthi: Ukutshisekela indlu yakho kuyangidla.

Izaga 15:10

Otshiya indlela elungileyo uzajeziswa kakhulu, ozonda ukukhuzwa uzakufa.

AbaseGalathiya 4:18

Kuhle ukuthi litshisekelelwe ngenxa yolutho oluhle insuku zonke, kungabi nxa ngikhona kini kuphela.

UZefaniya 3:2

Kawulaleli lizwi, kawamukeli kulaywa, kawuthembeli eNkosini, kawusondeli kuNkulunkulu wawo.

UJeremiya 2:30

Kwaba yize ukubatshaya kwami abantwana benu, kabakwamukelanga ukulaywa. Umkhonto wenu ubadlile abaprofethi bakho njengesilwane esichithayo.

UMatewu 25:7

Zasezivuka lezontombi zonke, zalungisa izibane zazo.