Isambulo 22:5 - iBhayibhili Elingcwele 1978

⁵ Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

IBhayibhili Elingcwele LesiNdebele

⁵ Akusayikuba lobusuku futhi. Kaziyikukuswela ukukhanya kwesibane loba okwelanga ngoba iNkosi uNkulunkulu izazikhanyisela. Njalo zizabusa kuze kube nininini.

Isambulo 22:5 Referans Kwoze

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

AbaseRoma 5:17

Ngoba uba ngesiphambeko samuntu munye ukufa kwabusa ngalowo emunye, ikakhulu bona, abamukela ubunengi bomusa lobunengi besiphiwo sakhe sokulunga, bazakubusa ekuphileni ngalowo emunye, uJesu Kristu.

AmaHubo 36:9

Ngoba ukuwe umthombo wokuphila; ekukhanyeni kwakho siyakubona ukukhanya.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

Isambulo 18:23

lokukhanya kwesibane kakusayikukhanya phakathi kwakho; lelizwi lomyeni lomlobokazi kalisayikuzwakala phakathi kwakho; ngoba abathengisi bakho bebeyizikhulu zomhlaba, lezizwe zonke zikhohliswe yikuthakatha kwakho.

UMatewu 25:46

Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

U-Isaya 24:23

Laphoke inyanga izathuba, lelanga lifiphale, ngoba iNkosi yamabandla izabusa entabeni yaseZiyone laseJerusalema, ibonakalise inkazimulo yayo phambi kwezikhulu zayo.

U-Isaya 30:26

Futhi ukukhanya kwenyanga kuzakuba njengokukhanya kwelanga, lokukhanya kwelanga kuphindwe kasikhombisa, kube ngangokukhanya kwensuku eziyisikhombisa, mhla iNkosi ibopha amanxeba abantu bayo, ipholisa izilonda zemivimvinya yabo.

UZakhariya 14:7

Kuzakuba yimini kokuphela eyaziwa yiNkosi, kungabi lamini labusuku, ngoba kuzakuthi kusihlwa kube khona ukukhanya.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

Isambulo 20:6

Ubusisiwe, ungcwele olesabelo ekuvukeni kokuqala; phezu kwabanjalo ukufa kwesibili kakulamandla, kodwa bazakuba ngabapristi bakaNkulunkulu labakaKristu, bazakubusa kanye laye iminyaka eyinkulungwane.

Isambulo 21:11

ulenkazimulo kaNkulunkulu; ukukhanya kwawo kwakunjengelitshe elihle kakhulu elinjengelitshe elithiwa ijaspi, elicwazimula kakhulu.