Isambulo 22:17 - iBhayibhili Elingcwele 1978

¹⁷ UMoya lomlobokazi bathi: Woza! Lozwayo lokhu katsho athi: Woza! Lowomileyo keze. Othandayo kathathe amanzi okuphila ngesihle.

IBhayibhili Elingcwele LesiNdebele

¹⁷ UMoya lomlobokazi bathi, “Woza!” Ozwayo katsho athi, “Woza!” Loba ngubani owomileyo, keze; njalo loba ngubani ofisayo, kathathe isipho esingahlawulelwayo samanzi okuphila.

Isambulo 22:17 Referans Kwoze

UJohane 4:14

kodwa lowo onatha amanzi engizakumnika wona kasayikoma; amanzi engizakumnika wona azakuba ngumthombo ogobhozayo phakathi kwakhe, kube yikuphila okungapheliyo.

Isambulo 21:6

Wasesithi kimi: Sekwenzekile. NginguAlfa loOmega, ukuqala lokucina. Owomileyo ngizakumnathisa ngesihle emthonjeni wamanzi okuphila.

UJohane 7:37

Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi, anathe.

U-Isaya 12:3

Ngokuthokoza uzakukha amanzi emithonjeni yokukhululwa.

UJohane 4:10

UJesu wathi kuye: Uba ubusazile isiphiwo sikaNkulunkulu lokuthi ungubani othi kuwe: Nginathisa; ubuzakucela kuye, yena ubezakukunika amanzi aphilisayo.

AmaHubo 34:8

Zwanini libone ukuthi iNkosi ilungile. Ubusisiwe lowomuntu ophephela kuyo.

U-Isaya 2:5

Wena ndlu kaJakobe, wozani sihambe ekukhanyeni kweNkosi.

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,

Isambulo 21:9

Kwasekusiza esinye isithunywa kweziyisikhombisa ezazilemiganu eyisikhombisa egcwele izifo eziyisikhombisa, sakhuluma lami sisithi: Woza lapha, ngikutshengise umlobokazi, umkaWundlu.

Isambulo 21:2

Ngabona umuzi ongcwele, iJerusalema elitsha, usehla uvela ezulwini kuNkulunkulu, ulungisiwe njengomlobokazi ocecele umkakhe.

AbaseRoma 3:24

Balungisiswa ngesihle ngomusa wakhe, ngokuhlengwa okukuKristu Jesu

U-Isaya 2:3

labantu abanengi bazakuza bathi: Wozani sikhwele entabeni yeNkosi; siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma umlayo eZiyone, lelizwi leNkosi eJerusalema.

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

UJeremiya 50:5

Bazabuza indlela eya eZiyone, bekhangele ngakulo, bathi: Wozani, sizihlanganise leNkosi ngesivumelwano esingapheliyo esingayikukhohlakala.

1 AbaseKhorinte 2:12

Thina kasemukelanga umoya womhlaba kodwa semukele umoya ovela kuNkulunkulu, ukuze sikwazi esikuphiwa ngesihle nguNkulunkulu.

UMikha 4:2

lezizwe ezinengi zizakufika zithi: Wozani sikhwele entabeni yeNkosi, siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma ukufundisa eZiyone, lelizwi leNkosi eJerusalema.

UJohane 4:29

Wozani libone umuntu ongitshele konke engikwenzileyo; kungaba nguye uKristu lo, kambe?

UHezekhiyeli 47:1

Wasengibuyisela ngasemnyango wethempeli, ngabona amanzi egobhoza ngaphansi kwedundulu lomnyango wethempeli eqonda empumalanga, ngoba ithempeli lalikhangele impumalanga; amanzi ayegeleza ngakwesokunene ngeningizimu kwealtare.

UJohane 4:11

Wathi kuye: Nkosi, kawulalutho lokukha, lomthombo uyatshona, uwathathaphi pho lamanzi aphilisayo na?

Isambulo 7:17

ngoba iWundlu elingaphakathi kwesihlalo sobukhosi lizakuba ngumalusi wabo, libaholele emithonjeni yamanzi okuphila; loNkulunkulu uzakwesula inyembezi zonke emehlweni abo.

Isambulo 14:13

Ngasengisizwa ilizwi elivela ezulwini lisithi: Loba uthi: Babusisiwe abafileyo befela eNkosini kusukela kulesisikhathi. Impela babusisiwe, kutsho uMoya; bazaphumula ekutshikatshikeni kwabo; ngoba imisebenzi yabo iyabalandela.

UJohane 1:37

Abafundi ababili bezwa ekhuluma lokhu, bamlandela uJesu.