Isambulo 21:11 - iBhayibhili Elingcwele 1978

¹¹ ulenkazimulo kaNkulunkulu; ukukhanya kwawo kwakunjengelitshe elihle kakhulu elinjengelitshe elithiwa ijaspi, elicwazimula kakhulu.

IBhayibhili Elingcwele LesiNdebele

¹¹ Lakhanyisa ngenkazimulo kaNkulunkulu, ukucwebezela kwalo kwakufana lokwelitshe eliligugu, njengejaspa, licwebezela njengelitshe elikhanyisayo.

Isambulo 21:11 Referans Kwoze

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 4:6

laphambi kwesihlalo sobukhosi kwakukhona okunjengengilazi kufana longqoqwane. Phakathi kwesihlalo sobukhosi labadala kwakukhona izidalwa ezine eziphilayo ezilamehlo ngemuva langaphambili, zizingelezele isihlalo sobukhosi.

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,

UHezekhiyeli 1:22

Ngaphezu kwamakhanda ezidalwa eziphilayo kwakukhona okunjengomkhathi kucwazimula njengelitshe elihle elithiwa yikristali, kwendlaliwe ngaphezu kwamakhanda azo.

Isambulo 4:3

Lohleziyo wayefana lelitshe elithiwa ijaspi, lelithiwa ikorneliya, ukukhangeleka kwakhe; lomchilowamakhosikazi ofana lelitshe elithiwa iemeraldi wawuzingelezele isihlalo sobukhosi.

UHezekhiyeli 48:35

Inxa zonke zomuzi zizakuba zingalo eziyizinkulungwane ezilitshumi laficaminwembili. Ibizo lomuzi kusukela nje lizakuthiwa. INkosi ilapho.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

U-Isaya 4:5

INkosi izakwenza phezu kwendawo yentaba yaseZiyone laphezu kwemihlangano yayo iyezi emini, lentuthu lokukhanya kwamalangabi omlilo ebusuku; ngoba phezu kwakho konke kuzakuba khona inkazimulo enjengesivikelo,

UJobe 28:17

Igolide lengilazi kungelingane lakho, futhi kungenaniswe ngezinto ezinhle zegolide elihle.

Isambulo 15:8

Ithempeli lagcwala intuthu evela ebukhosini bukaNkulunkulu lasemandleni akhe; kakukho owayengangena ethempelini zingakapheli izifo eziyisikhombisa zezithunywa eziyisikhombisa.

UHezekhiyeli 43:2

Inkazimulo kaNkulunkulu kaIsrayeli yavelela ngasempumalanga, lomdumo wokuza kwakhe wawunjengowamanzi amanengi, lomhlaba wakhanya ngenkazimulo yakhe.

UHezekhiyeli 28:16

Ngenxa yobunengi bokuthenga kwakho wagcwala ulunya, wasusona. Ngakuxotsha njengento engcolileyo entabeni kaNkulunkulu, lekherubi lokukulinda lakukhupha phakathi kwamatshe avutha umlilo.