Isambulo 21:1 - iBhayibhili Elingcwele 1978

¹ Ngasengibona izulu elitsha lomhlaba omutsha; ngoba izulu lokuqala lomhlaba wokuqala kwasekudlulile, lolwandle lungasekho.

IBhayibhili Elingcwele LesiNdebele

¹ Ngabuya ngabona “izulu elitsha lomhlaba omutsha,” ngoba izulu lakuqala lomhlaba wakuqala kwasekudlule njalo ulwandle lwalungasekho.

Isambulo 21:1 Referans Kwoze

2 UPhethro 3:13

Kodwa ngokwesithembiso sakhe silindele izulu elitsha lomhlaba omutsha okukhona kuwo ukulunga.

U-Isaya 66:22

Njengalokhu iphezulu elitsha lomhlaba omutsha engizakukwenza kuzakuma kokuphela phambi kwami, kutsho iNkosi, ngokunjaloke inzalo yakho lebizo lakho kuzakuma kokuphela.

Isambulo 21:5

Wasesithi ohlezi esihlalweni sobukhosi: Khangela, ngenza konke kube kutsha. Wathi: Bhala lokhu, ngoba lamazwi aqinisile aqotho.

2 UPhethro 3:10

Kodwa usuku lweNkosi luzakufika njengesela, kuthi izulu lidlule ngokuhlokoma okukhulu, konke kuncibilikiswe ngumlilo, lomhlaba lemisebenzi ekuwo kuzakutsha.

Isambulo 20:11

Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.

U-Isaya 27:1

Ngalolosuku iNkosi izakutshaya uLeviyathani, inyoka ephaphayo, inyoka ethandelayo, imtshaye ngomhedla wayo olukhuni lomkhulu lolamandla, ibulale lumgobho osolwandle.

UDanyeli 7:3

Kwaphuma olwandle izilo ezine ezinkulu ezingafananiyo.

Isambulo 13:1

Ngasengibona isilo sikhuphuka olwandle, silempondo ezilitshumi lamakhanda ayisikhombisa lemiqhele elitshumi empondweni zaso, kukhona lebizo eliyinhlamba emakhanda aso.

U-Isaya 57:20

Kodwa ababi banjengolwandle olutshukumayo; ngoba kalulakuphumula, lamanzi alo akhafula udaka lengcekeza.

U-Isaya 51:11

Abahlengiweyo beNkosi bazakubuya, bangeneeZiyone behlabela; lokuthokoza okungapheliyo kube ngumqhele wamakhanda abo; bazazuza ukuthokoza lokujabula, usizi lokububula kuzakuphela.

AbaseRoma 8:21

lokuthi lokho okudaliweyo kuzakukhululwa ebugqilini bokubhubha, kuzuze inkululeko lenkazimulo yabantwana bakaNkulunkulu.

Isambulo 6:14

lomkhathi wagoqeka njengomqulu wencwadi egoqwayo, lezintaba lezihlenge zonke zasuswa endaweni zazo.