Isambulo 20:10 - iBhayibhili Elingcwele 1978

¹⁰ loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.

IBhayibhili Elingcwele LesiNdebele

¹⁰ Omubi owayebakhohlisile waphoselwa echibini lesolufa elivuthayo, lapho okwakuphoselwe khona isilo lomphrofethi wamanga. Bazakutsha emini lebusuku kuze kube nininini.

Isambulo 20:10 Referans Kwoze

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

UMatewu 25:46

Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

Isambulo 20:8

aphumele ukuduhisa izizwe ezisemagumbini amane omhlaba, azibuthele ekulweni izimpi zikaGogi loMagogi, ubunengi bazo bungangetshebetshebe lolwandle.

Isambulo 16:13

Ngabona kuphuma emlonyeni womgobho, lasemlonyeni wesilo, lasemlonyeni womprofethi wamanga, imimoya engcolileyo emithathu efana lamaxoxo.

UDanyeli 7:11

Ngasengikhangela ngenxa yomsindo wamazwi okuzincoma ayekhulunywa luphondo. Ngisakhangele, isilo sabulawa, lomzimba waso wachithwa, wanikelwa ukutshiswa ngomlilo.

UMatewu 7:15

Xwayani abaprofethi bamanga abeza kini bembathise okwezimvu, kodwa ngaphakathi bazimpisi eziphangayo.

Isambulo 9:17

Ngawabona ngokunje amabhiza labagadi bawo embonweni wami; babefake izivikelo zesifuba ezibomvu, leziluhlaza, lezingumthubi; amabhiza ayelamakhanda anjengawezilwane, lasemilonyeni yawo kwaphuma umlilo, lentuthu, lesolufa.

UMakho 9:44

lapho impethu yabo ingafi khona, lomlilo ungacimi khona].