Isambulo 2:3 - iBhayibhili Elingcwele 1978

³ Ulokubekezela; waqinisela ngenxa yebizo lami, kawudinwanga.

IBhayibhili Elingcwele LesiNdebele

³ Ubekezele waqinisela ebunzimeni ngenxa yebizo lami, kawaze wadinwa.

Isambulo 2:3 Referans Kwoze

AmaHebheru 10:36

Ngoba lifanele ukubekezela, ukuze kuthi seliyenzile intando kaNkulunkulu lamukeliswe okwathenjiswayo.

AmaHebheru 12:1

Ngakhoke lathi, lokhu sihanqwe lixuku elingaka labofakazi, asilahle konke okusindayo lesono esithandele kangaka kithi, sigijime ngokubekezela lokhukuncintanisana esikumiselweyo,

AbaseGalathiya 6:9

Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

AbaseKholose 1:11

Aliqinise ngamandla wonke ngokwamandla obukhosi bakhe, kuze kube khona ukubekezela lesineke lokujabula ezintweni zonke,

UJohane 15:21

Kodwa bazakukwenza konke lokhu ngenxa yebizo lami, ngoba bengamazi ongithumileyo.

1 AbaseKhorinte 13:7

Uthando lubekezelela izinto zonke, lukholwa izinto zonke, luthemba izinto zonke, lukhuthazelela izinto zonke.

Isambulo 3:10

Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.

AmaHebheru 6:15

Ngokunjalo kwathi uAbrahama esebekezele, wakuzuza okwathenjiswayo.

AmaHebheru 6:12

ukuze lingabi ngabavilaphayo, kodwa libalingise labo abathi ngokukholwa langokubekezela badla ilifa lesithembiso.

AmaHebheru 6:10

Ngoba uNkulunkulu kasuye ongalunganga ukuba akhohlwe umsebenzi wenu lothando elalubonakalisa ngenxa yakhe ngokusebenzela abangcwele, njengoba lisakwenza.

1 uTimothi 4:10

Sisebenzela lokho, siyatshikatshika, ngoba sithembele kuNkulunkulu ophilayo onguMsilisi wabo bonke abantu, ikakhulu bona abakholwayo.

2 AbaseThesalonika 3:13

Bazalwane, lingadinwa yikwenza okuhle.

2 AbaseKhorinte 4:16

Ngakhoke kasidinwa. Loba umuntu wethu wangaphandle ebhubha, umuntu wethu wangaphakathi wenziwa abe mutsha insuku zonke.

2 AbaseKhorinte 4:1

Ngakhoke, lokhu siyinikiwe linkonzo ngobubele bukaNkulunkulu, kasidinwa.

AbaseRoma 12:12

Thokozani ethembeni; libekezele ekuhluphekeni; liphikelele ekukhulekeni.

AbaseRoma 8:25

Kodwa uba sithemba lokho esingakuboniyo, sikulindela ngokubekezela.

ULukha 14:27

Yilowo lalowo ongathwali isiphambano sakhe, angilandele, angebe ngumfundi wami.

AmaHubo 37:7

Thula phambi kweNkosi, ulindele yona; ungazikhathazi ngolenhlanhla, ngomuntu owenza amacebo amabi.

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

2 UPhethro 1:6

lasekwazini ukuzithinta, lasekuzithinteni ukubekezela, lasekubekezeleni ukukhonza uNkulunkulu,

1 AbaseThesalonika 1:3

sikhumbula phambi kukaNkulunkulu wethu uBaba izenzo zenu zokukholwa, lomsebenzi wenu wothando, lokuqina kwethemba lenu eNkosini uJesu Kristu.

2 AbaseKhorinte 11:23

Bayizikhonzi zikaKristu na? Ngikhulumisa okohlanya, ngiyiso kakhulu mina kulabo bonke. Ngoba ngibe sekusebenzeni nzima kulabo, ngibe sekubotshweni kanengi kulabo, ngibe sekutshayweni okukhulu, ngaba sengozini zokufa ngezikhathi ezinengi.

2 AbaseKhorinte 5:9

Ngalokhoke, loba sisekhaya loba singekho, sizimisele ukuyithokozisa.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

ULukha 18:1

Wabatshela umfanekiso wokuthi bafanele ukukhuleka, bengadinwa.

ULukha 8:15

Okusemhlabathini omuhle yilabo abathi belizwile ilizwi, balibambe ngenhliziyo enhle lelungileyo, bathele izithelo ngokubekezela.

AmaHebheru 13:13

Ngakhoke asiphumele kuye ngaphandle komuzi, sithwale ihlazo lakhe.

1 uTimothi 5:17

Abadala bebandla abaphatha kuhle kakuthiwe bafanele ukuhlonitshwa ngokuphindiweyo, ikakhulu labo abakhuthalela ukutshumayela lokufundisa.

2 AbaseThesalonika 3:8

kasidlanga nje kudla komuntu kodwa satshikatshikeka, sisebenza ubusuku lemini ukuba singabi ngumthwalo kini,

2 AbaseThesalonika 3:5

INkosi ayiqondise inhliziyo zenu othandweni lukaNkulunkulu lasekubekezeleni kukaKristu.

1 AbaseThesalonika 2:9

Liyakhumbula, bazalwane, ukusebenza lokutshikatshikeka kwethu, sisebenza ubusuku lemini, ukuze singabi ngumthwalo lakoyedwa wenu, lapho silitshumayeza ivangeli likaNkulunkulu.

AbaseFiliphi 4:3

Ngiyakuncenga lawe, mnakwethu oqotho, siza labo abesifazana, ngoba basebenza kakhulu kanye lami evangelini, kanye loKlementi lezinye izisebenzi amabizo azo asencwadini yokuphila.

AbaseFiliphi 2:16

libambelele ngokuqinileyo elizwini lokuphila ukuba ngibe lokuzincoma osukwini lukaKristu ngokuthi kangigijimelanga ize, kangisebenzelanga ize.

AbaseGalathiya 6:2

Thwalisanani imithwalo yenu, ligcwalise umlayo kaKristu ngokwenza njalo.

2 AbaseKhorinte 10:15

Kasizincomi ngokudlulayo ngomsebenzi owenziwe ngabanye, kodwa silethemba lokuthi ngokukhula kokukholwa kwenu indawo yomsebenzi wethu izakukhuliswa phakathi kwenu,

2 AbaseKhorinte 6:5

lasekutshayweni, lasekubotshweni, laseziphithiphithini, lasekusebenzeni nzima, sihamba singalali singadli.

AbaseRoma 16:12

Bingelelani uTrifina loTrifosa abasebenzela iNkosi. Bingelelani uPersisi othandekayo owayisebenzela kakhulu iNkosi.

ULukha 21:19

Ngokubambelela kwenu lizakuzuza ukuphila kwenu.

UMakho 15:21

Bambamba ngamandla umuntu, othiwa nguSimoni waseKureni, uyise kaAleksandro loRufusi, owayesedlula evela egangeni, ukuba athwale isiphambano sakhe.

UMikha 7:9

Ngizathwala intukuthelo yeNkosi, ngoba ngonile kuyo, ize imele indaba yami, ingenzele ukulunga. Izakungikhuphela ekukhanyeni, ngibone ukukhululwa kwayo.

AmaHubo 69:7

Ngoba ngithelwe lihlazo ngenxa yakho, ihlazo lisibekele ubuso bami.

1 AbaseThesalonika 5:12

Kodwa siyalincenga, bazalwane, ukuba libahloniphe labo abasebenza phakathi kwenu, abaliphetheyo eNkosini, labalelulekayo,

1 AbaseKhorinte 16:16

ngiyalincenga ukuba lizehlisele ngaphansi kwabanjalo labo bonke abasebenza kanye labo.

ULukha 5:5

USimoni waphendula wathi: Nkosi, sitshikatshike ubusuku bonke, kasibambanga lutho; kodwa ngelizwi lakho ngizakwehlisa amambule.