Isambulo 19:20 - iBhayibhili Elingcwele 1978

²⁰ Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

IBhayibhili Elingcwele LesiNdebele

²⁰ Kodwa isilo sathunjwa ndawonye lomphrofethi wamanga owayenze izibonakaliso ezimangalisayo emele sona. Ngalezi zibonakaliso wabedukisa labo ababebekwe uphawu lwesilo bakhonza umfanekiso waso. Sona lomphrofethi wamanga baphoselwa bephila echibini lomlilo wesolufa ovuthayo.

Isambulo 19:20 Referans Kwoze

Isambulo 20:10

loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 14:10

laye uzakunatha iwayini lolaka lukaNkulunkulu elilungisiweyo enkezweni yolaka lwakhe, lingaxutshaniswanga; uzakuhlutshwa ngomlilo langesolufa phambi kwezithunywa ezingcwele laphambi kweWundlu.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

Isambulo 17:12

Impondo ezilitshumi ozibonileyo zingamakhosi alitshumi angakanikwa amandla obukhosi, kodwa azakwamukeliswa kanye lesilo umbuso abe ngamakhosi okwesikhathi.

UDutheronomi 29:23

lonke ilizwe elitshiswe yisolufa letshwayi, elingelakho okuhlanyelweyo lokumilayo, lotshani, elichithwe njengeSodoma leGomora leAdima leZoboyimi, imizi eyachithwa yiNkosi ngentukuthelo yayo lolaka lwayo,

UGenesisi 19:24

INkosi yasinisa phezu kweSodoma leGomora isolufa lomlilo, kuvela eNkosini ezulwini.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.

UDanyeli 8:24

Izakuba lamandla amakhulu, ilethe ukuchitheka okwesabekayo, iphumelele kulokho ekwenzayo, ichithe amaqhawe labantu babangcwele.

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

U-Isaya 34:9

Imifula yaseEdoma izaphenduka ingcino, lomhlabathi wakhona uphenduke isolufa: ilizwe lonke lizakuba yingcino etshisayo.

AmaHubo 11:6

Phezu kwababi uzakwehlisela amalahle omlilo lesolufa; lomoya otshisayo uzakuba yisabelo sabo.

Isambulo 19:19

Ngabona isilo, lamakhosi omhlaba lezimpi zawo zibuthanele ukulwa laye ogade ibhiza kanye lezimpi zakhe.

UDanyeli 11:45

Izamisa amathente ayo obukhosi phakathi kolwandle lentaba enhle engcwele. Kodwa izakufa, kungekho ongayisiza.

UJobe 18:15

Ethenteni lakhe kuyahlala okungesikho okwakhe, kuvuvuzelwe isolufa emzini wakhe.

UDanyeli 8:26

Umbono wezikhathi zokuhlwa lezokusa osulandisiwe uliqiniso. Kodwa kawube yimfihlo, ngoba ungowensuku ezinengi ezizayo.

UMatewu 7:15

Xwayani abaprofethi bamanga abeza kini bembathise okwezimvu, kodwa ngaphakathi bazimpisi eziphangayo.

Isambulo 9:17

Ngawabona ngokunje amabhiza labagadi bawo embonweni wami; babefake izivikelo zesifuba ezibomvu, leziluhlaza, lezingumthubi; amabhiza ayelamakhanda anjengawezilwane, lasemilonyeni yawo kwaphuma umlilo, lentuthu, lesolufa.

UJoshuwa 8:23

Kodwa inkosi yaseAyi bayithumba, bayisa kuJoshuwa.

UHezekhiyeli 24:5

Thatha okuhle emhlanjini, ukuthelele inkuni ngaphansi kwayo, ukuze imbiza ibile iphuphume, kuze kuvuthwe lamathambo.