Isambulo 19:12 - iBhayibhili Elingcwele 1978

¹² Amehlo akhe afana lamalangabi omlilo, lasekhanda lakhe kukhona imiqhele eminengi; ulebizo elilotshiweyo elingaziwa muntu, kodwa nguye kuphela.

IBhayibhili Elingcwele LesiNdebele

¹² Amehlo akhe anjengomlilo ovuthayo njalo ekhanda lakhe kulemiqhele eminengi. Ulebizo elilotshwe kuye elingaziwa muntu ngaphandle kwakhe yena ngokwakhe.

Isambulo 19:12 Referans Kwoze

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.

ULukha 10:22

Konke ngikunikelwe nguBaba; kakho owaziyo ukuthi iNdodana ingubani, kuphela uYise, lokuthi uYise ungubani, kuphela iNdodana, lalowo iNdodana ethanda ukumambulela yena.

Isambulo 1:14

ikhanda lakhe lenwele zakhe kwakumhlophe njengoboya bezimvu obunjengongqoqwane, lamehlo akhe enjengamalangabi omlilo,

UMatewu 11:27

Konke ngikunikelwe nguBaba; kakho oyaziyo iNdodana, kuphela uYise; kakho futhi omaziyo uYise, kuphela iNdodana lalowo iNdodana ethanda ukumambulela yena.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

Isambulo 3:12

Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.

AmaHebheru 2:9

Kodwa siyambona uJesu owenziwa waba mncinyane okwesikhatshana kulezithunywa ethwesiwe umqhele wobukhosi, lowodumo ngenxa yenhlupheko yokufa, ukuze ngomusa kaNkulunkulu ezwe ukufa ngenxa yabo bonke.

U-Isaya 9:6

Ngoba sizalelwe umntwana, sinikiwe indodana: izanikwa amandla obukhosi, ibizwe ngokuthi: UMluleki omangalisayo, uNkulunkulu olamandla, uBaba ongelakuphela, iNkosi yokuthula.

AmaHubo 8:5

Kanti wamenza waba ngaphansi kukaNkulunkulu kancinyane, wamethwesa umqhele wobukhosi lodumo.

Isambulo 12:3

Kwabonakala esinye isibonakaliso ezulwini; kwaba khona umgobho omkhulu obomvu, olamakhanda ayisikhombisa lempondo ezilitshumi, lemiqhele eyisikhombisa isemakhanda awo;

UZakhariya 9:16

INkosi uNkulunkulu wabo izakubakhulula ngalolosuku, ngoba bangumhlambi wayo labantu bayo, ngoba njengeziceco ezinhle zomqhele, bazakhanya elizweni lakhe.

Abahluleli 13:18

Isithunywa seNkosi sathi kuye: Ulibuzelani ibizo lami lokhu lona liyamangalisa na?

U-Eksodasi 23:21

Siqaphele, ulalele ilizwi laso; ungasivukeli, ngoba kasiyikukuthethelela isiphambeko sakho; ngoba ibizo lami likuso.

UGenesisi 32:29

UJakobe wambuza wathi: Ngitshela ibizo lakho. Wathi: Ulibuzelani ibizo lami na? Wambusisa khona lapho.

Isambulo 6:2

Ngakhangela, ngabona ibhiza elimhlophe, oligadileyo ephethe umtshoko; wanikwa umqhele, waphuma engonqobayo lokuyakunqoba.

U-Isaya 62:3

Uzakuba ngumqhele omuhle ophethwe yiNkosi, lomqhele wobukhosi ophethwe nguNkulunkulu wakho.

Isambulo 13:1

Ngasengibona isilo sikhuphuka olwandle, silempondo ezilitshumi lamakhanda ayisikhombisa lemiqhele elitshumi empondweni zaso, kukhona lebizo eliyinhlamba emakhanda aso.

UMatewu 21:5

Tshonini kuZiyone ukuthi: Khangela, iNkosi yakho iyeza kuwe, imnene, ikhwele ubabhemi lethole, inkonyane kababhemi.

Ingoma 3:11

Phumani, lina madodakazi aseJerusalema, liphume lani, madodakazi aseZiyone, liyibone inkosi uSolomoni, ithwele umqhele eyawuthwaliswa ngunina mhla wosuku lomthimba wayo, mhla wosuku lokuthokoza kwayo.

Izaga 30:4

Ngubani owake wenyukela ezulwini, wabuye wehla na? Ngubani oqoqe umoya ngezandla zakhe na? Ngubani ogoqele amanzi engutsheni na? Ngubani omise yonke imikhawulo yomhlaba na? Ngubani ibizo lakhe, ngubani ibizo lendodana yakhe, uba ulazi na?

UDanyeli 10:6

Umzimba wakhe wawunjengelitshe elithiwa yiberila, lobuso bakhe bunjengokuphazima kombane, lamehlo akhe enjengezibane ezivuthayo, ingalo lemibala yakhe kunjengokukhazimula kwethusi elikhazimulayo, lokuzwakala kwelizwi lakhe kunjengomsindo wexuku.

UJohane 17:11

Kangisekho emhlabeni mina, basemhlabeni bona, mina ngiyeza kuwe. Baba oNgcwele, balondoloze ebizweni lakho labo onginike bona, ukuze babe munye njengathi simunye.

UJohane 17:12

Lapho ngiselabo ngabalondoloza ebizweni lakho, labo onginike bona, ngibalindile; kakho kibo olahlekileyo, kuphela indodana yokulahlwa, ukuba kugcwaliseke umbhalo.

Abase-Efesu 1:21

ngaphezu kwakho konke ukubusa, lobukhulu, lamandla, lobukhosi, laphezu kwamabizo wonke aphathwayo, kungesikho kulesisikhathi kuphela kodwa lesikhathini esizayo.