Isambulo 18:6 - iBhayibhili Elingcwele 1978

⁶ Phindiselani kulo njengokwenza kwalo, liphinde kabili okwemisebenzi yalo; liphinde kabili amandla enkezo exutshwe yilo.

IBhayibhili Elingcwele LesiNdebele

⁶ Lipheni njengokupha kwalo; buyiselani ngokuphindiweyo kulokho elikwenzileyo. Thelani kabili isilinganiso enkezweni yalo.

Isambulo 18:6 Referans Kwoze

UJeremiya 50:29

Bizani abaphatha imitshoko, balwe leBabiloni bonke abakwazi ukutshoka; lihanqeni inxa zonke, kungabi khona ophunyukayo, liliphindisele njengezenzo zalo, lenze kulo njengakho konke elikwenzileyo; ngoba liyidelele iNkosi, oNgcwele kaIsrayeli.

AmaHubo 137:8

Babiloni, wena mchithi, ubusisiwe ozakuphindisela kuwe izenzo zakho kithi.

UJeremiya 50:15

Memezani kulo inxa zonke; selizinikele, inqaba zalo sezidilikile, lemiduli yalo ibhidliziwe; ngoba lokho kuyimpindiselo yeNkosi; phindiselani kulo, lenze kulo njengokwenza kwalo.

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

Isambulo 14:10

laye uzakunatha iwayini lolaka lukaNkulunkulu elilungisiweyo enkezweni yolaka lwakhe, lingaxutshaniswanga; uzakuhlutshwa ngomlilo langesolufa phambi kwezithunywa ezingcwele laphambi kweWundlu.

UJeremiya 51:24

Ngizaliphindisela iBabiloni labo bonke abakhileyo eKaladiya okubi kwabo konke abakwenzileyo eZiyone phambi kwenu, kutsho iNkosi.

Isambulo 17:4

Owesifazana wayembethe okububende lokubomvu, ececiswe ngegolide langamatshe amahle langamangqongqo aligugu, ephethe esandleni sakhe inkezo yegolide igcwele amanyala lokungcola kokuphinga kwakhe;

UZakhariya 9:12

Buyelani enqabeni yenu, lina zibotshwa esezilethemba; lamhla ngiyalitshela ukuthi ngizalibusisa ngokuphindwe kabili.

UJeremiya 17:18

Kabayangeke labo abangizingelayo, kodwa mina kangingayangeki, kabadideke, kodwa mina kangingadideki; behlisele usuku olubi, ubabhubhise ngokupheleleyo.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

2 uTimothi 4:14

UAleksandro umkhandi wethusi wangenzela okubi okunengi; iNkosi izakumbuyisela ngokwemisebenzi yakhe.

UJeremiya 51:49

IBabiloni limele ukuwa ngenxa yabafileyo bakoIsrayeli, njengokuba ngeBabiloni abantu babulawa emhlabeni wonke.

Isambulo 17:2

aphinga laso amakhosi omhlaba, labakhileyo emhlabeni badakwe liwayini lokuphinga kwaso.

Isambulo 13:10

Uba ekhona okumele athunjwe, uzakuthunjwa; lobulalayo ngomkhonto uzakubulawa ngomkhonto. Nanti ithuba lokubekezela lokusebenzisa ukukholwa kwabangcwele.

U-Isaya 40:2

Misani iJerusalema isibindi, limemeze kulo ukuthi insuku zalo zobunzima seziphelile, lokuthi lithethelelwe ububi balo, ngoba lamukelisiwe esandleni seNkosi okuphindwe kabili ngazo zonke izono zalo.

U-Isaya 61:7

Endaweni yehlazo lenu lizakwabelwa ngokuphindiwe kabili endaweni yokudunyazwa kwenu lizajabula ngesabelo senu; ngakhoke elizweni lenu lesabelo esiphindiwe kabili, libe lokuthokoza okungapheliyo.

AmaHubo 28:4

Ubanike njengokwenza kwabo, lanjengobubi bezenzo zabo; ubanike njengokwenza kwezandla zabo, ubaphindisele abakwenzileyo.

Isambulo 18:20

Thokoza ngawo wena zulu, lani bangcwele labaphostoli labaprofethi; ngoba uNkulunkulu uwuthonisisile, waliphindisela.

Izililo 3:64

Uzabaphindisela, Nkosi, ngokufanele izenzo zabo.