Isambulo 16:19 - iBhayibhili Elingcwele 1978

¹⁹ Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

IBhayibhili Elingcwele LesiNdebele

¹⁹ Idolobho elikhulu lehlukana laba yizigaba ezintathu, amadolobho ezizwe abhidlika. UNkulunkulu wakhumbula iBhabhiloni eliKhulu walinika inkezo yewayini egcwele ukuvutha kolaka lwakhe.

Isambulo 16:19 Referans Kwoze

Isambulo 18:5

ngoba izono zalo zifinyelele ezulwini, loNkulunkulu ukhumbule ukungalungi kwalo.

Isambulo 18:10

Azakuma khatshana ngokwesaba ukuhlupheka kwalo esithi: Maye, maye kuwe muzi omkhulu waseBabiloni! Ngesikhatshana kufikile kuwe ukuthonisiswa kwakho.

Isambulo 17:18

Owesifazana ombonileyo ungumuzi omkhulu obusa phezu kwamakhosi omhlaba.

Isambulo 18:21

Isithunywa esilamandla safukula ilitshe elinjengelokuchola, saliphosela olwandle sisithi: Ngokunjalo iBabiloni umuzi omkhulu lizakuphoselwa phansi ngamandla, lingabe lisafunyanwa.

Isambulo 18:2

Samemeza ngelizwi elikhulu sisithi: Liwile, liwile iBabiloni elikhulu! Seliyindawo yokuhlala omoya ababi, indawo yokuhlala omoya bonke abangcolileyo lezinyoni zonke ezingcolileyo lezizondekayo;

Isambulo 17:5

ebunzini lakhe kwakulotshiwe ibizo eliyimfihlakalo lokuthi: IBabiloni elikhulu, unina weziphingi lowamanyala wonke omhlaba.

UDanyeli 4:30

yathi: Kakusilo yini leliBabiloni elikhulu engalakha ngamandla ami amakhulu, laba ngumuzi wenkosi, laba lodumo lobukhosi bami na?

UJeremiya 25:26

lawo wonke amakhosi asenyakatho akhatshana laseduze ngokulandelana, lemibuso yonke yomhlaba ekhona emhlabeni. Ngemva kwabo inkosi yaseBabiloni izakunatha.

Isambulo 11:8

Lezidumbu zabo zizakusala zidindilizile emigwaqweni yomuzi omkhulu othiwa ngokomoya iSodoma leGibithe, lapho iNkosi yabo yabethelwa khona.

U-Isaya 49:26

Ngizakwenza abacindezeli bakho badle eyabo inyama, badakwe ngelabo igazi kungathi badakwe liwayini. Ng’khona bonke abantu bazakwazi ukuthi mina ngiyiNkosi, loMsilisi wakho, loMhlengi wakho, uMninimandla kaJakobe.

Isambulo 17:1

Kwasekusiza kimi esinye isithunywa sezithunywa eziyisikhombisa ezazilemiganu eyisikhombisa, sathi kimi: Woza lapha, ngikutshengise ukuthonisiswa kwesiphingi esikhulu esihlezi phezu kwamanzi amanengi,