Isambulo 16:14 - iBhayibhili Elingcwele 1978

¹⁴ Yona ingomoya ababi abenza izibonakaliso, abaphuma ukuya emakhosini omhlaba wonke ukuwahlanganisela ekulweni ngosuku olukhulu lukaNkulunkulu, uSomandla. —

IBhayibhili Elingcwele LesiNdebele

¹⁴ Yimimoya yamadimoni eyenza izibonakaliso ezimangalisayo njalo iyahamba iye emakhosini omhlaba wonke iwaqoqela impi ngosuku olukhulu lukaNkulunkulu uSomandla.

Isambulo 16:14 Referans Kwoze

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

1 uTimothi 4:1

UMoya utsho ngokusobala ukuba ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi,

Isambulo 20:8

aphumele ukuduhisa izizwe ezisemagumbini amane omhlaba, azibuthele ekulweni izimpi zikaGogi loMagogi, ubunengi bazo bungangetshebetshebe lolwandle.

1 UJohane 5:19

Siyazi ukuthi thina singabakaNkulunkulu, lokuthi umhlaba wonke usemandleni kaSathane.

UJakhobe 3:15

Lokhu kakusikho ukuhlakanipha okuvela phezulu, kodwa kungokomhlaba, kungokwenyama lokwabomoya ababi.

Isambulo 16:16

Bawahlanganisela amakhosi endaweni ethiwa ngesiHeberu iArmagedoni.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

UJohane 8:44

Lina lingabakayihlo uSathane, lithanda ukwenza inkanuko zakhe. Yena wayengumbulali kusukela ekuqaleni, kemi eqinisweni, ngoba iqiniso kalikho kuye. Nxa eqamba amanga, ukhuluma njengesimo sakhe, ngoba engumqambi wamanga loyise wamanga.

2 AbaseThesalonika 2:9

Ukufika koMubi kungumsebenzi kaSathane; kuzakuba ngawo wonke amandla, lezibonakaliso lezimangaliso zamanga,

UMakho 13:22

Kuzavela okristu bamanga labaprofethi bamanga, benze izibonakaliso lezimangaliso, ukuze kuthi nxa kungenzeka baduhise abakhethiweyo.

UMatewu 24:24

Ngoba kuzakuvela okristu bamanga labaprofethi bamanga, benze izibonakaliso ezinkulu lezimangaliso, ukuze kuthi nxa kungenzeka baduhise labakhethiweyo.

Isambulo 3:10

Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.

AbaseRoma 1:8

Kuqalake ngibonga uNkulunkulu wami ngoJesu Kristu ngani lonke, ngoba ukukholwa kwenu kunconywa emhlabeni wonke.

Isambulo 16:7

Ngasengisizwa ialtare lisithi: Yebo, Nkosi Nkulunkulu, Somandla, kuqotho kulungile ukuthonisisa kwakho.

Isambulo 13:3

Elinye lamakhanda aso kwakungathi lilenxeba elibangela ukufa, kodwa inxeba laso laphola; umhlaba wonke wasilandela isilo umangele.

Isambulo 6:17

ngoba usuku olukhulu lolaka lwabo selufikile; ngobani abalamandla okuma na?

UHezekhiyeli 14:9

Uba umprofethi ekhohliseka, akhulume ilizwi, mina Nkosi ngimkhohlisile lowomprofethi; ngizaphakamisela isandla sami, ngimbhubhise phakathi kwabantu bami uIsrayeli.

ULukha 2:1

Kwathi ngalezonsuku kwaphuma isimemezelo kuKesari uAgastasi sokuba kubalwe ilizwe lonke.

1 AmaKhosi 22:6

Inkosi yakoIsrayeli yasibuthanisa abaprofethi ababengamakhulu amane, yathi kubo: Ngiyehlasela iRamothi‐Gileyadi kumbe ngingayi na? Bona bathi: Hamba, ngoba iNkosi izalinikela esandleni sakho.

UMatewu 24:14

Lelivangeli lombuso lizakutshunyayelwa emhlabeni wonke kube yibufakazi ezizweni zonke, andubana kufike ukuphela.

UJoshuwa 11:5

Wonke lamakhosi ahlanganisa amabutho awo, eza amisa ngasemanzini aseMeroma, ukuba alwe loIsrayeli.