Isambulo 14:14 - iBhayibhili Elingcwele 1978

¹⁴ Ngasengikhangela, ngabona iyezi elimhlophe, kuhlezi phezu kwalo ofana omuntu elomqhele wegolide ekhanda lakhe, ephethe isikela ebukhali esandleni sakhe.

IBhayibhili Elingcwele LesiNdebele

¹⁴ Ngakhangela khonapho phambi kwami kwakuleyezi elimhlophe njalo phezu kweyezi lelo kwakuhlezi ofana lendodana yomuntu elomqhele wegolide ekhanda lakhe lesikela ebukhali esandleni sakhe.

Isambulo 14:14 Referans Kwoze

UDanyeli 7:13

Ngabona emibonweni ebusuku kufika lamayezi aphezulu ofanana lendodana yomuntu, wafika koyisimakade, wasondezwa phambi kwakhe.

U-Isaya 19:1

Leli yilizwe ngeGibithe. Khangela, iNkosi ikhwele eyezini elilejubane, iza eGibithe; izithombe zaseGibithe zizathuthumela phambi kwayo, lenhliziyo yabaseGibithe iphelelwe ngamandla.

Isambulo 1:13

phakathi kwezinti zezibane kukhona ofana lomuntu, embethe ingubo ekhawula enyaweni, ezibophe ngeqhele legolide esifubeni sakhe;

AmaHebheru 2:9

Kodwa siyambona uJesu owenziwa waba mncinyane okwesikhatshana kulezithunywa ethwesiwe umqhele wobukhosi, lowodumo ngenxa yenhlupheko yokufa, ukuze ngomusa kaNkulunkulu ezwe ukufa ngenxa yabo bonke.

ULukha 21:27

Kubeng’khona bezakuyibona iNdodana yomuntu isiza eyezini, ilamandla lenkazimulo enkulu.

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

AmaHubo 97:2

Iphahliwe ngamayezi lomnyama; ukulunga lokwahlulela kuyisisekelo sesihlalo sayo sobukhosi.

Isambulo 6:2

Ngakhangela, ngabona ibhiza elimhlophe, oligadileyo ephethe umtshoko; wanikwa umqhele, waphuma engonqobayo lokuyakunqoba.

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

AmaHubo 21:3

Wayihlangabeza ngezibusiso zokuhle, wayethwesa umqhele wegolide elihle ekhanda layo.

Isambulo 20:11

Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.

Isambulo 19:12

Amehlo akhe afana lamalangabi omlilo, lasekhanda lakhe kukhona imiqhele eminengi; ulebizo elilotshiweyo elingaziwa muntu, kodwa nguye kuphela.

Isambulo 11:17

besithi: Siyakubonga, Nkosi Nkulunkulu, Somandla, okhona lowayekhona, ngoba uthethe amandla akho amakhulu, waqala ukubusa.

Isambulo 10:1

Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

UMakho 4:29

Nxa esevuthiwe amabele, ufaka ingqamu masinyane, ngoba ukuvuna sekufikile.

UMatewu 13:30

Yekelani kukhule kokubili ndawonye, kuze kuvunwe; ngesikhathi sokuvuna ngizakuthi kwabavunayo: Buthani kuqala umfaba liwubophe izinyanda ukuba utshiswe; kodwa amabele liwabuthele esihudlwini sami.