Isambulo 14:10 - iBhayibhili Elingcwele 1978

¹⁰ laye uzakunatha iwayini lolaka lukaNkulunkulu elilungisiweyo enkezweni yolaka lwakhe, lingaxutshaniswanga; uzakuhlutshwa ngomlilo langesolufa phambi kwezithunywa ezingcwele laphambi kweWundlu.

IBhayibhili Elingcwele LesiNdebele

¹⁰ laye uzanatha iwayini lentukuthelo kaNkulunkulu elithelwe ngamandla agcweleyo enkezweni yolaka lwakhe. Uzahlukuluzwa ngesolufa elitshisayo phambi kwezingilosi ezingcwele laphambi kweWundlu.

Isambulo 14:10 Referans Kwoze

U-Isaya 51:17

Vuka, vuka, usukume, wena Jerusalema, wena onathileyo esandleni seNkosi inkezo yolaka lwayo, wayinatha wayiminya, weze wasala eyendezela.

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

AmaHubo 75:8

Ngoba esandleni seNkosi kukhona imbiza egcwele iwayini eliphuphumayo lelihlukuziweyo; yona izakulithunga, lababi bonke bomhlaba banathe izibhidi zalo.

AmaHubo 11:6

Phezu kwababi uzakwehlisela amalahle omlilo lesolufa; lomoya otshisayo uzakuba yisabelo sabo.

Isambulo 20:10

loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

Isambulo 18:6

Phindiselani kulo njengokwenza kwalo, liphinde kabili okwemisebenzi yalo; liphinde kabili amandla enkezo exutshwe yilo.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

UJobe 21:20

Amehlo akhe kawabone ukuchitheka kwakhe, anathe ulaka lukaSomandla.

UDutheronomi 29:23

lonke ilizwe elitshiswe yisolufa letshwayi, elingelakho okuhlanyelweyo lokumilayo, lotshani, elichithwe njengeSodoma leGomora leAdima leZoboyimi, imizi eyachithwa yiNkosi ngentukuthelo yayo lolaka lwayo,

UGenesisi 19:24

INkosi yasinisa phezu kweSodoma leGomora isolufa lomlilo, kuvela eNkosini ezulwini.

UJuda 1:7

Ngokunjalo iSodoma leGomora lemizi yakhona eyenza ukuphinga njengazo, yazinikela enkanukweni ezingasizo zemvelo, yenziwa isibonelo ngokutshaywa ngomlilo ongapheliyo.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

Isambulo 18:3

ngoba izizwe zonke zidakiwe liwayini lokungcola kwalo, lamakhosi omhlaba aphingile lalo, labathengisi bomhlaba banothiswe yinotho yalo enkulu.

UHabhakhukhi 2:16

Wena uzazisuthisa ngehlazo endaweni yodumo; natha lawe, udakwe! Inkezo esesandleni seNkosi izafinyelela kuwe, lehlazo lehlele phezu kodumo lwakho.

UHezekhiyeli 20:48

Bonke abantu bazabona ukuthi mina Nkosi ngiwuphembile, kawuyikucimeka.

UJeremiya 25:27

Ubususithi kibo: INkosi yamabandla, uNkulunkulu kaIsrayeli, ithi: Nathani lidakwe, lihlanze, liwe, lingaphindi livuke futhi, ngenxa yempi engiyithumela phakathi kwenu.

U-Isaya 34:9

Imifula yaseEdoma izaphenduka ingcino, lomhlabathi wakhona uphenduke isolufa: ilizwe lonke lizakuba yingcino etshisayo.

U-Isaya 29:9

Mangalani, lithithibale, phumputhekani, libe yiziphofu, dakwani, kodwa lingadakwa liwayini, dayizelani, kodwa lingadayizeliswa butshwala.

UMatewu 26:39

Waqhubeka ingcosana, wawa phansi ngobuso bakhe, wakhuleka wathi: Baba, uba kungenzeka, kakudlule kimi linkezo; kodwa kungabi njengokuba ngithanda mina, kodwa njengokuba uthanda wena.

UMatewu 20:22

Kodwa uJesu waphendula wathi: Kalikwazi elikucelayo. Linganatha yini inkezo engizakuyinatha na? Bathi kuye: Singakwenza.

Izililo 4:21

Jabula uthabe, wena Edoma, ohlala elizweni laseUzi, inkezo izadlulela lakuwe, uzadakwa, uzinqunule.

UJeremiya 51:57

Ngizadakisa izikhulu zalo lezihlakaniphi zalo, ababusi balo, lezinduna zamabutho alo, lamaqhawe alo; bazalala ubuthongo obungapheliyo, bangavuki, kutsho iNkosi, eyiNkosi yamabandla.

UJeremiya 49:12

Ngoba iNkosi ithi: Uba labo ababengafanele ukuyinatha inkezo yokwahlulelwa bemele ukuyinatha, wena uzayekelwa ungatshaywa na? Kawuyikuyekelwa, kodwa lawe uzakuyinatha.

AmaHubo 91:8

Uzakukhangela nje ngamehlo ubone ukuphindiselwa kwababi.

AmaHubo 60:3

Abantu bakho ubazwise izinto ezinzima; usinathise iwayini elisenza sidayizele.

AmaHubo 37:34

Themba iNkosi, unamathele endleleni yayo, izakukuphakamisa, ulifuye ilizwe, ubukele ukuchithwa kwababi.

UJobe 18:15

Ethenteni lakhe kuyahlala okungesikho okwakhe, kuvuvuzelwe isolufa emzini wakhe.

AmaHubo 73:10

Ngakhoke abantu bayaphenduka babalandele, bavume konke abakutshoyo;

AmaHubo 52:6

Abalungileyo bazakubona besabe, bazakumhleka besithi:

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

UMakho 8:38

Ngoba ilowo lalowo olenhloni ngami langamazwi ami kulesisizukulwana esifebayo lesonakeleyo, leNdodana yomuntu izakuba lenhloni ngaye, nxa isiza enkazimulweni kaYise kanye lezithunywa ezingcwele.

Imisebenzi 10:22

Bathi: UKorneliya induna yekhulu, indoda elungileyo lemesabayo uNkulunkulu, ehlonitshwa yiso sonke isizwe sabaJuda, walayelwa yisithunywa esingcwele ukuba akubizele endlini yakhe, ezwe amazwi kuwe.

2 AbaseThesalonika 1:7

aliphe lina elihluphekayo ukuphumula kanye lathi ekwambulweni kweNkosi uJesu, evela ezulwini ngamalangabi omlilo, elezithunywa zamandla akhe.

Isambulo 15:7

Esinye sezidalwa ezine eziphilayo sanika izithunywa eziyisikhombisa imiganu yegolide eyisikhombisa, igcwele ulaka lukaNkulunkulu ophilayo kuze kube nininini.

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.

Isambulo 20:14

Kwathi ukuFa lendawo yabafileyo kwaphoselwa echibini lomlilo; lelichibi liyikufa kwesibili.

UMakho 9:44

lapho impethu yabo ingafi khona, lomlilo ungacimi khona].