Isambulo 13:2 - iBhayibhili Elingcwele 1978

² Isilo engasibonayo sasinjengengwe, inyawo zaso zazinjengezebhere, lomlomo waso unjengowesilwane. Umgobho wasinika amandla awo lesihlalo sawo sobukhosi lokubusa okukhulu.

IBhayibhili Elingcwele LesiNdebele

² Isilo engasibonayo sasinjengengwe, kodwa silenyawo ezifana lezebhele lomlomo onjengowesilwane. Umgobho wanika isilo leso amandla awo lesihlalo sawo sobukhosi kanye lamandla amakhulu.

Isambulo 13:2 Referans Kwoze

Isambulo 20:2

Sawubamba umgobho, inyoka enguSathane loMubi, sawubopha okweminyaka eyinkulungwane;

Isambulo 17:12

Impondo ezilitshumi ozibonileyo zingamakhosi alitshumi angakanikwa amandla obukhosi, kodwa azakwamukeliswa kanye lesilo umbuso abe ngamakhosi okwesikhathi.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

1 UPhethro 5:8

Phaphamani lilinde; ngoba isitha senu, uSathane, siyahambahamba njengesilwane esibhongayo sidinga esingabadla.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

Isambulo 13:4

Abantu bawukhonza umgobho, ngoba wanika isilo amandla awo; basikhonza lesilo besithi: Ngubani ofana lesilo? ngubani ongalwa laso na?

Isambulo 12:15

Lenyoka yakhupha amanzi emlonyeni wayo emva kowesifazana kungathi ngumfula ukuba immukise.

Isambulo 12:13

Kwathi umgobho usubonile ukuthi uphoselwe phansi emhlabeni wazingela owesifazana owayezele umntwana wesilisa.

Isambulo 16:10

Isithunywa sesihlanu sathululela okusemganwini waso phezu kwesihlalo sesilo; lombuso waso waba semnyameni. Abantu baxhanxatha inlimi zabo ngenxa yobuhlungu,

uAmosi 5:19

Kunjengomuntu obalekele isilwane, ehlangane lebhere, loba angene endlini abambelele ngesandla emdulini, alunywe yinyoka.

UJeremiya 13:23

UmEtiyopiya angasiphendula yini isigogo sakhe, kumbe ingwe ingaphendula amabala ayo? Ng’khonake lani lingenza okuhle lina elejwayele ukwenza okubi.

UJeremiya 5:6

Ngakhoke isilwane sasehlathini sizababulala, babhujiswe yimpisi yasenkangala, lengwe iyicathamele imizi yabo, bonke abaphuma kiyo bazakubanjwa; ngoba iziphambeko zabo zinengi, lokuhlehlela kwabo emuva kwandile.

U-Isaya 5:29

Bazabhonga njengesilwane, lanjengemidlwane yesilwane; babhavume babambe impango yabo, babaleke layo, kungabi khona obemukayo.

Izaga 28:15

Umbusi omubi obusa abantu abangelamandla unjengesilwane esibhongayo lebhere elizingelayo.

Izaga 17:12

Kungcono ukuhlangana lebhere elithathelwe imidlwane yalo, kulesithutha ebuthutheni baso.

AmaHubo 22:21

Ngophula emlonyeni wesilwane, lomphefumulo wami empondweni zenyathi.

2 AmaKhosi 2:24

Wanyemukula, wathi ukuba ababone wabaqalekisa ngebizo leNkosi. Kwaphuma ehlathini amabhere amabili amasikazi, abulala abangamatshumi amane lambili kulabo abafanyana.

UHabhakhukhi 1:8

Amabhiza aso alejubane kulezingwe, ayesabeka kulempisi ehamba kusihlwa; abagadi bamabhiza aso baqhubekela phambili, bevela elizweni elikhatshana, bandize njengokhozi oluphuthuma ukudla.

uAmosi 3:12

INkosi ithi: Njengalokho umalusi ekhupha emlonyeni wesilwane imilenze emibili loba isiqa sendlebe, ngokunjaloke abakoIsrayeli abahlala eSamariya bazakhutshwa, abalala emibhedeni elezingubo ezinhle.

UHosiya 11:10

Bazayilandela iNkosi ezabhonga njengesilwane; yebo, izabhonga, lamadodana ayo azavela entshonalanga ngokuphangisa.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 13:12

Amandla wonke esilo sokuqala siyawasebenzisa phambi kwaso, senza ukuba umhlaba labakhileyo kuwo bakhonze isilo sokuqala esilenxeba lokufa elapholayo.