Isambulo 13:11 - iBhayibhili Elingcwele 1978

¹¹ Ngasengibona esinye isilo siphuma emhlabeni, silempondo ezimbili ezinjengezewundlu, sakhuluma njengomgobho.

IBhayibhili Elingcwele LesiNdebele

¹¹ Ngabuya ngabona esinye isilo siphuma emhlabeni. Sasilempondo ezimbili njengewundlu, kodwa sikhuluma njengomgobho.

Isambulo 13:11 Referans Kwoze

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

UMatewu 7:15

Xwayani abaprofethi bamanga abeza kini bembathise okwezimvu, kodwa ngaphakathi bazimpisi eziphangayo.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Isambulo 16:13

Ngabona kuphuma emlonyeni womgobho, lasemlonyeni wesilo, lasemlonyeni womprofethi wamanga, imimoya engcolileyo emithathu efana lamaxoxo.

Isambulo 13:17

ukuba kungabi khona othengayo loba othengisayo, uba engelalo uphawu olulibizo lesilo loba isibalo sebizo laso.

Isambulo 11:7

Kuzakuthi sebebuqedile ubufakazi babo, isilo esiphuma emgodini ongelamkhawulo silwe labo, sibanqobe, sibabulale.

AbaseRoma 16:18

ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.

Isambulo 12:17

Umgobho wamthukuthelela owesifazana, wasuka wayakulwa labaseleyo benzalo yakhe, labo abagcina imilayo kaNkulunkulu labafakazela uJesu.

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

Isambulo 17:8

Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.

UDanyeli 8:3

Ngaphakamisa amehlo ami, ngabona inqama imi okhunjini lomfula. Yayilempondo ezimbili, impondo zombili zazinde, olwesibili lulude ukwedlula olunye.

Isambulo 13:1

Ngasengibona isilo sikhuphuka olwandle, silempondo ezilitshumi lamakhanda ayisikhombisa lemiqhele elitshumi empondweni zaso, kukhona lebizo eliyinhlamba emakhanda aso.

Isambulo 13:4

Abantu bawukhonza umgobho, ngoba wanika isilo amandla awo; basikhonza lesilo besithi: Ngubani ofana lesilo? ngubani ongalwa laso na?