Isambulo 12:4 - iBhayibhili Elingcwele 1978

⁴ umsila wawo wadonsa ingxenye yesithathu yezinkanyezi zomkhathi, waziphosela emhlabeni. Umgobho wema phambi kowesifazana obesezakubeletha, ukuze kuthi lapho esebelethile, udle umntwana wakhe.

IBhayibhili Elingcwele LesiNdebele

⁴ Umsila wawo wakhucula ingxenye yesithathu yezinkanyezi emkhathini waziphosela emhlabeni. Umgobho wema phambi kowesifazane owayesezabeletha ukuze kuthi umntwana angazalwa uhle umtshwabadele.

Isambulo 12:4 Referans Kwoze

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

UJohane 8:44

Lina lingabakayihlo uSathane, lithanda ukwenza inkanuko zakhe. Yena wayengumbulali kusukela ekuqaleni, kemi eqinisweni, ngoba iqiniso kalikho kuye. Nxa eqamba amanga, ukhuluma njengesimo sakhe, ngoba engumqambi wamanga loyise wamanga.

Isambulo 9:19

Ngoba amandla amabhiza asemilonyeni lasemisileni yawo; imisila yawo injengenyoka, ilamakhanda, alimaza ngayo.

Isambulo 9:10

sasilemisila efana leyabofezela elendonsi, lasemisileni yaso kukhona amandla aso okona abantu inyanga ezinhlanu.

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.

1 UPhethro 5:8

Phaphamani lilinde; ngoba isitha senu, uSathane, siyahambahamba njengesilwane esibhongayo sidinga esingabadla.

U-Eksodasi 1:16

yathi: Nxa libelethisa amaHeberu, lapho libona ebeletha indodana, liyibulale; kodwa uba kuyindodakazi, lingayibulali.

Isambulo 17:18

Owesifazana ombonileyo ungumuzi omkhulu obusa phezu kwamakhosi omhlaba.

U-Isaya 27:1

Ngalolosuku iNkosi izakutshaya uLeviyathani, inyoka ephaphayo, inyoka ethandelayo, imtshaye ngomhedla wayo olukhuni lomkhulu lolamandla, ibulale lumgobho osolwandle.

Isambulo 8:8

Isithunywa sesibili salukhalisa uphondo; kwaphoselwa olwandle ulutho olunjengentaba enkulu evutha umlilo.

Isambulo 8:9

Kwathi ingxenye yesithathu yolwandle yaphenduka yaba ligazi, kwafa ingxenye yesithathu yezidalwa eziphilayo ezisolwandle, kwafa ingxenye yesithathu yemikolo.

Isambulo 8:10

Isithunywa sesithathu salukhalisa uphondo; kwasekusiwa kuvela ezulwini inkanyezi enkulu ikhanya njengesibane, yawela phezu kwengxenye yesithathu yemifula laphezu kwemithombo yamanzi.

Isambulo 8:11

Ibizo lenkanyezi lalithiwa nguMhlonyane; ingxenye yesithathu yamanzi yaba njengomhlonyane, labantu abanengi bafa bebulawa ngamanzi, ngoba ayesebaba.

Isambulo 8:12

Isithunywa sesine salukhalisa uphondo; kwatshaywa ingxenye yesithathu yelanga, leyenyanga, leyezinkanyezi, ukuze kufiphale ingxenye yesithathu yokukhanya kwazo; kwafiphala ingxenye yesithathu yokukhanya kwemini kanye lokwasebusuku.

Isambulo 12:7

Kwaba khona ukulwa ezulwini; uMikayeli lezithunywa zakhe balwa lomgobho. Umgobho ulezithunywa zawo lawo walwa,

Isambulo 13:2

Isilo engasibonayo sasinjengengwe, inyawo zaso zazinjengezebhere, lomlomo waso unjengowesilwane. Umgobho wasinika amandla awo lesihlalo sawo sobukhosi lokubusa okukhulu.

Isambulo 13:4

Abantu bawukhonza umgobho, ngoba wanika isilo amandla awo; basikhonza lesilo besithi: Ngubani ofana lesilo? ngubani ongalwa laso na?

Isambulo 16:13

Ngabona kuphuma emlonyeni womgobho, lasemlonyeni wesilo, lasemlonyeni womprofethi wamanga, imimoya engcolileyo emithathu efana lamaxoxo.

Isambulo 20:2

Sawubamba umgobho, inyoka enguSathane loMubi, sawubopha okweminyaka eyinkulungwane;