Isambulo 11:2 - iBhayibhili Elingcwele 1978

² Kodwa ungalinganisi iguma elingaphandle kwethempeli, ulitshiye ngaphandle; ngoba linikiwe izizwe, zona zizakunyathela phansi umuzi ongcwele inyanga ezingamatshumi amane lambili.

IBhayibhili Elingcwele LesiNdebele

² Kodwa utshiye iguma langaphandle ungalilinganisi ngoba liphiwe abeZizweni. Bazanyathela idolobho elingcwele izinyanga ezingamatshumi amane lambili (42).

Isambulo 11:2 Referans Kwoze

Isambulo 12:6

lowesifazana wabalekela enkangala, lapho okwakulendawo ayeyilungiselwe nguNkulunkulu, ukuba ondliwe khona insuku eziyinkulungwane lamakhulu amabili lamatshumi ayisithupha.

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

Isambulo 11:3

Ngizakubanika ofakazi bami ababili amandla okutshumayela insuku eziyinkulungwane lamakhulu amabili lamatshumi ayisithupha begqoke amasaka.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

Isambulo 21:2

Ngabona umuzi ongcwele, iJerusalema elitsha, usehla uvela ezulwini kuNkulunkulu, ulungisiwe njengomlobokazi ocecele umkakhe.

U-Isaya 52:1

Vuka, vuka, uhlome amandla akho, wena Ziyone! wambathe ingubo zakho ezinhle, wena Jerusalema, umuzi ongcwele! Ngoba kakusayikungena kuwe ongasokanga longcolileyo.

Isambulo 22:19

Uba umuntu ephungula amazwi esiprofethi alotshiweyo kulincwadi, uNkulunkulu uzakuphungula isabelo sakhe esihlahleni sokuphila lasemzini ongcwele, izinto ezilotshiweyo kulincwadi.

UMatewu 27:53

sebephumile emalibeni emva kokuvuka kwakhe, bangena emzini ongcwele, babonakala kwabanengi.

UMatewu 5:13

Lina lilitshwayi emhlabeni; kodwa uba itshwayi seliduma, lizakuvuselelwa ngani na? Kalisasizi lutho, kuphela ukulahlwa ngaphandle, linyathelwe ngabantu.

UMatewu 4:5

USathane wasemthatha wamusa emzini ongcwele; wammisa engqongeni yethempeli,

UDanyeli 8:10

Lwakhula lwaba lukhulu lwaze lwafinyelela ezinkanyezini zaphezulu; lwazidilizela phansi ezinye inkanyezi, lwazinyathela.

UHezekhiyeli 42:20

Walinganisa indawo zozine. Lalilomduli olizingelezeleyo, uzingalo ezingamakhulu amahlanu ubude, lezingalo ezingamakhulu amahlanu ububanzi, ukwahlukanisa okungcwele lokungangcwele.

Isambulo 11:11

Kwathi emva kwalezonsuku ezintathu ezilengxenye yosuku umoya wokuphila ovela kuNkulunkulu wangena kibo; basebesukuma besima ngenyawo zabo, abababonayo behlelwa yikwesaba okukhulu.

AmaHebheru 10:29

Pho, lithi ufanele ukutshaywa okungakanani lowo onyathela phansi iNdodana kaNkulunkulu, edelela igazi lesivumelwano enziwe waba ngcwele ngalo, ehlambaza uMoya womusa, na?

UDanyeli 7:19

Ngasengithanda ukwazi iqiniso mayelana lesilo sesine esasehlukile kwezinye zonke, sisesabeka kakhulu, silamazinyo ensimbi lenzipho zethusi, esadla safohloza, sahlifiza okuseleyo ngenyawo zaso.

Izililo 1:10

Isitha selula izandla zaso ukuthatha konke okuhle kwalo. Libonile izizwe zihlasela indlu yalo engcwele, zona owazalela ukungena phakathi kwebandla lakho.

U-Isaya 48:2

Kanti lizibiza ngokuthi lingabantu bomuzi ongcwele, lithembela kuNkulunkulu kaIsrayeli, obizwa ngokuthi yiNkosi yamabandla.

AmaHubo 79:1

Nkulunkulu, abezizwe sebengenile elizweni lakho; balingcolisile ithempeli lakho elingcwele, balidilizile iJerusalema.

AmaNani 14:34

Lahlola ilizwe insuku ezingamatshumi amane; usuku luzalingana lomnyaka, ngakho lizathwala ububi benu iminyaka engamatshumi amane, lize lazi ukuthi kunjani nxa lingidelela.

U-Isaya 5:5

Sengizakulitshela engizakukwenza esivinini sami. Ngizakuqhaqha uthango lwaso ukuze sidliwe, ngidilize umduli waso ukuze sigxotshwe.

UHezekhiyeli 4:6

Lapho usuziphelelisile lezonsuku, uzalala phansi ngokwesibili, kodwa ngomhlubulo wangakwesokunene, uthwale ukona kwakoJuda insuku ezingamatshumi amane; usuku olulodwa ngilumisele umnyaka.

UDanyeli 8:13

Ngasengisizwa isithunywa sikhuluma, lesinye esathi kuleso esikhulumayo: Koze kube nini lumbono usiba khona owomnikelo otshiswa insuku zonke na? Koze kube nini isono esichithayo sisenziwa na? Koze kube nini kuyekelwa indawo engcwele lezinkanyezi ukuba zinyathelwe phansi na?

UDanyeli 8:14

Sathi kuso: Kuzaze kube yizikhathi zokuhlwa lezokusa eziyizinkulungwane ezimbili lamakhulu amathathu zokunikelwa kweminikelo; besekulungiswa indawo engcwele.

Isambulo 21:10

Sahamba lami ngigcwele uMoya, saya entabeni ende, sangitshengisa umuzi ongcwele waseJerusalema usehlela phansi uvela ezulwini kuNkulunkulu,