Isambulo 11:15 - iBhayibhili Elingcwele 1978

¹⁵ Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

IBhayibhili Elingcwele LesiNdebele

¹⁵ Ingilosi yesikhombisa yakhalisa icilongo layo kwasekusiba lamazwi amakhulu ezulwini, ayesithi: “Umbuso wasemhlabeni usube ngumbuso weNkosi yethu loKhristu wayo, njalo izabusa kuze kube nininini.”

Isambulo 11:15 Referans Kwoze

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

Isambulo 12:10

Ngasengisizwa ilizwi elikhulu ezulwini lisithi: Khathesi ukunqoba lamandla lobukhosi ngokukaNkulunkulu wethu, lokubusa kukaKristu wakhe, sekufikile; ngoba uphoselwe phansi ummangaleli wabazalwane bethu obamangalelayo emini lebusuku phambi kukaNkulunkulu.

Isambulo 10:7

kodwa lapho sesifikile isikhathi sokuba isithunywa sesikhombisa sikhalise uphondo lwaso, kuzabe sekugcwalisekile imfihlakalo yecebo likaNkulunkulu ayithembisa ezincekwini zakhe abaprofethi.

UZakhariya 14:9

INkosi izakuba yinkosi yomhlaba wonke; ngalolosuku iNkosi izakubanye lebizo layo libe linye.

Isambulo 19:1

Emva kwalokho ngezwa kungathi yilizwi elikhulu lexuku elikhulu ezulwini lisithi: Haleluya! Ukunqoba, lobukhosi, lamandla kungokukaNkulunkulu wethu,

ULukha 1:33

uzakubusa phezu kwendlu kaJakobe kuze kube nininini, lombuso wakhe kawuzukuba lakuphela.

U-Eksodasi 15:18

INkosi izakubusa kuze kube nini lanini.

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

Isambulo 16:17

Isithunywa sesikhombisa sathululela emoyeni okusemganwini waso; kwezwakala ilizwi elikhulu livela ethempelini esihlalweni sobukhosi lisithi: Sekwenzekile!

AmaHebheru 1:8

Kodwa ngeNdodana uthi: Isihlalo sakho sobukhosi, Nkulunkulu, simi kuze kube nininini, intonga yokulunga iyintonga yombuso wakho.

UMikha 4:7

Abaqhulayo ngizakubenza babe lixukwana labaseleyo, labadeliweyo babe yisizwe esilamandla; iNkosi izakubabusa entabeni yaseZiyone, kusukela khathesi kuze kube nininini.

AmaHubo 86:9

Izizwe zonke ozenzileyo zizakuza zikhothame phambi kwakho, Nkosi, zidumise ibizo lakho.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

Isambulo 19:6

Ngasengisizwa kungathi yilizwi lexuku elikhulu, linjengomdumo wamanzi amanengi lokuduma okulamandla lisithi: Haleluya! Ngoba iNkosi uNkulunkulu wethu, uSomandla, uyabusa.

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.

ULukha 15:10

Ngithi kini: Ngokunjaloke kukhona ukuthokoza phambi kwezithunywa zikaNkulunkulu ngesoni sinye nje esiphendukayo.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

U-Isaya 27:13

Kuzakuthi ngalolosuku kutshaywe uphondo olukhulu, lalabo ababelahlekile elizweni laseAsiriya labaxotshelwe elizweni laseGibithe bazakuza, bayikhonze iNkosi entabeni engcwele eJerusalema.

AmaHubo 146:10

INkosi izakubusa kuze kube nininini, uNkulunkulu wakho, Ziyone, kuze kube sezizukulwaneni zonke. Dumisani iNkosi!

AmaHubo 110:4

INkosi ifungile, kayiyikuzisola, yathi: Wena ungumpristi kokuphela ngokwendlela kaMelkizedeki.

AmaHubo 72:11

Amakhosi wonke azakuwa phansi phambi kwayo, izizwe zonke ziyikhonze.

AmaHubo 2:2

Amakhosi omhlaba azimisele, lababusi bahlanganisa icebo lokuba balwe leNkosi logcotshiweyo wayo, besithi:

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 9:13

Isithunywa sesithupha salukhalisa uphondo; ngezwa ilizwi livela ezimpondweni ezine zealtare legolide eliphambi kukaNkulunkulu,

Isambulo 9:1

Isithunywa sesihlanu salukhalisa uphondo; ngabona inkanyezi ivela ezulwini, iwela emhlabeni, yanikwa ikhiye yomgodi ongelamkhawulo.

Isambulo 8:12

Isithunywa sesine salukhalisa uphondo; kwatshaywa ingxenye yesithathu yelanga, leyenyanga, leyezinkanyezi, ukuze kufiphale ingxenye yesithathu yokukhanya kwazo; kwafiphala ingxenye yesithathu yokukhanya kwemini kanye lokwasebusuku.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

UHosiya 2:23

Ngizakumhlanyela uIsrayeli elizweni abe yisivuno sami. Ngizamhawukela uLo‐Ruhama, ngithi kuLo‐Ami: Lina lingabantu bami; yena athi: Wena unguNkulunkulu wethu.

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

U-Isaya 55:5

Khangela, uzakubiza izizwe ongazaziyo, lezizwe ezingakakwazi zizagijimela kuwe, ngenxa yeNkosi, uNkulunkulu wakho, oNgcwele kaIsrayeli, ngoba ikwenze waba lodumo.

U-Isaya 44:23

Thokozani, lina mazulu, iNkosi ikwenzile; lijabule, lina zindawo ezizikileyo zomhlaba; lihlabele, lina zintaba, lawe gusu lazo zonke izihlahla ezikuwe. Ngoba iNkosi isimhlengile uJakobe, izakudunyiswa koIsrayeli.

ULukha 15:6

Esefikile ekhaya ameme abangane bakhe lomakhelwane bakhe, athi kibo: Thokozani lami, ngoba ngiyifumene imvu yami ebilahlekile.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

AmaHubo 82:8

Vuka, Nkulunkulu! wahlulele umhlaba; ngoba wena izizwe zonke zingezakho.

uObadiya 1:21

Abasilileyo bakhwele entabeni yaseZiyone ukubusa intaba kaEsawu; iNkosi yiyo ezakubusa.

UMatewu 24:31

Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

Imisebenzi 4:26

Amakhosi omhlaba azihlela, lababusi bahlangana ndawonye ukuhlanganyela iNkosi loGcotshiweyo wayo.

UHezekhiyeli 47:5

Walinganisa futhi ingalo eziyizinkulungwane, aba ngumfula engahluleka ukuwuchapha, ngoba amanzi ayesephakeme, esilingene ukuntsheza, esengumfula owawungeke wachatshwa.