Isambulo 1:17 - iBhayibhili Elingcwele 1978

¹⁷ Ngathi ukumbona ngawela ngasezinyaweni zakhe ngaba njengofileyo; kodwa wasebeka isandla sakhe sokunene phezu kwami esithi: Ungesabi; mina ngingowokuqala lowokucina,

IBhayibhili Elingcwele LesiNdebele

¹⁷ Kwathi ngimbona ngawela ezinyaweni zakhe njengofileyo. Wabeka isandla sakhe sokunene phezu kwami, wathi: “Ungesabi. Mina ngiyisiQalo lesiPhetho.

Isambulo 1:17 Referans Kwoze

U-Isaya 44:6

INkosi, uMbusi kaIsrayeli, loMhlengi wakhe, iNkosi yamabandla, ithi: Ngingowokuqala lowokucina; ngaphandle kwami kakukho omunye unkulunkulu.

Isambulo 22:13

NginguAlfa loOmega, owokuqala lowokucina, isiqalo lesicino.

U-Isaya 41:4

Ngubani oveze lokhu, wakwenza, obiza izizukulwana kusukela ekuqaleni na? Kuyimi iNkosi engingowokuqala, engilokho nginjalo lasekucineni.

U-Isaya 48:12

Ngilalela, wena Jakobe, lawe Israyeli engikubizileyo. Nginguye, ngingowokuqala lowokucina.

Isambulo 2:8

Lakuso isithunywa sebandla eliseSemerna loba uthi: Nanku akutshoyo owokuqala lowokucina, owake wafa, kodwa osephila, uthi:

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

UDanyeli 10:15

Esekhulumile kimi lawomazwi, ngakhangelisa ubuso bami phansi, ngaba yisimungulu.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

UMatewu 28:4

Abalindi bathuthumela ngokusesaba, baba njengabafileyo.

UDanyeli 10:12

Wasesithi kimi: Ungesabi, Daniyeli, ngoba kusukela osukwini lokuqala owazama ngalo ukusebenzisa ingqondo yakho ukuba uqedisise, wazithoba phambi kukaNkulunkulu wakho, amazwi akho ezwakele, ngizile ngenxa yamazwi akho.

U-Eksodasi 20:20

UMose wathi ebantwini: Lingesabi; ngoba uNkulunkulu ufikile ukuba alilinge, ukuze limesabe, lingoni.

U-Eksodasi 14:13

UMose wathi ebantwini: Lingesabi; manini liqine, libone ukukhulula kweNkosi ezakulenzela khona lamuhla; ngoba amaGibithe eliwabonayo lamuhla, kalisayikuwabona futhi.

UGenesisi 15:1

Emva kwalokhu ilizwi leNkosi lafika kuAbrama ngombono, lathi: Ungesabi wena Abrama, ngiyisihlangu sakho; umvuzo wakho uzakuba mkhulu kakhulu.

UJohane 21:20

UPetro ephenduka wabona umfundi uJesu amthandayo elandela, yena futhi owayeyeme esifubeni sakhe ekudleni owathi: Nkosi, ngubani ozakukunikela na?

UJohane 13:23

Kwathi omunye wabafundi yena uJesu amthandayo, wayeyeme esifubeni sikaJesu.

UHabhakhukhi 3:16

Ngiyezwa, kuthuthumela umzimba wami, indebe zami ziqhaqhazele ngenhlokomo; ukubola kungena emathanjeni ami, kutshayane amadolo ami. Ngizakulindela ngokuthula ukuba usuku lokuhlupheka lufike phezu kwalabo abasihlaselayo.

U-Eksodasi 3:6

Wathi futhi: NginguNkulunkulu kayihlo, uNkulunkulu kaAbrahama, uNkulunkulu kaIsaka, uNkulunkulu kaJakobe. UMose wafihla ubuso bakhe, ngoba wayesesaba ukumkhangela uNkulunkulu.

UMatewu 14:27

Kodwa uJesu wakhuluma labo masinyane esithi: Manini isibindi; yimi, lingesabi.

UMatewu 28:5

Kodwa isithunywa sathi kwabesifazana: Lingesabi lina; ngoba ngiyazi ukuthi lidinga uJesu obebethelwe;

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

AmaHubo 139:5

Ungizingelezile emuva langaphambili, ngesandla sakho uyangivikela.

Izililo 3:57

Wasondela kimi lapho ngikhuleka kuwe, wathi: Ungesabi.