Isambulo 1:13 - iBhayibhili Elingcwele 1978

¹³ phakathi kwezinti zezibane kukhona ofana lomuntu, embethe ingubo ekhawula enyaweni, ezibophe ngeqhele legolide esifubeni sakhe;

IBhayibhili Elingcwele LesiNdebele

¹³ njalo phakathi kwezinti zezibane kwakulomuntu owayenjengendodana yomuntu, egqoke isembatho esasifika phansi ezinyaweni zakhe, ibhanti legolide libophe isifuba sakhe.

Isambulo 1:13 Referans Kwoze

UDanyeli 7:13

Ngabona emibonweni ebusuku kufika lamayezi aphezulu ofanana lendodana yomuntu, wafika koyisimakade, wasondezwa phambi kwakhe.

UDanyeli 10:16

Kwathi okunye okufanana lomuntu kwathinta umlomo wami; ngavula umlomo wami, ngakhuluma. Ngathi kulowo omi phambi kwami: Nkosi yami, ngenxa yombono ngifikelwe yibuhlungu, kangiselawo amandla.

Isambulo 15:6

kwaphuma ethempelini izithunywa eziyisikhombisa zilezifo eziyisikhombisa, zambethe okumhlophe kakhulu, lezifuba zazo zibotshwe ngamaqhele egolide.

Isambulo 14:14

Ngasengikhangela, ngabona iyezi elimhlophe, kuhlezi phezu kwalo ofana omuntu elomqhele wegolide ekhanda lakhe, ephethe isikela ebukhali esandleni sakhe.

ULevi 8:7

UAroni wamambathisa ibhatshi, wambopha ngebhanti, wamgqokisa isigqoko lengubo yamahlombe, wambopha ngebhanti elalukiweyo lengubo yamahlombe, wayibophela kuye ngalo.

UDanyeli 7:9

Ngisakhangele, kwabekwa izihlalo zobukhosi, kwahlala oyisimakade; izambatho zakhe zazimhlophe njengongqoqwane, lenwele zekhanda lakhe zinjengoboya bezimvu obuhlambulukileyo; isihlalo sakhe sobukhosi singamalangabi omlilo, lamavili aso enjengomlilo ovuthayo.

U-Isaya 11:5

Ukulunga kuzakuba libhanti lokhalo lwakhe, lobuqotho bube libhanti lokhalo lwakhe.

AmaHebheru 4:15

Ngoba kasilaye umpristi omkhulu ongelakuzwelana lobuthakathaka bethu, kodwa owalingwa kukho konke njengathi, kanti kalasono.

U-Eksodasi 39:5

Ibhanti elalukiweyo elikuyo elokuyibopha okhalweni lenziwa ukuba lifanane layo, ngelembu elihle lentambo ephothiweyo yegolide leluhlaza leyibubende lebomvu, njengalokhu iNkosi ebimlayile uMose.

Isambulo 2:1

Kuso isithunywa sebandla eliseEfesu loba ukuthi: Nanku akutshoyo lowo ophethe inkanyezi eziyisikhombisa esandleni sakhe sokunene, ohamba phakathi kwezinti zezibane zegolide eziyisikhombisa;