Ingoma 1:4 - iBhayibhili Elingcwele 1978

⁴ Ngidonsa, sigijime; ungingenise endlini yakho, nkosi. Sizekujabula sithokoze ngawe, sibabaze uthando lwakho ukwedlula iwayini; kufanele ukuba uthandwe.

IBhayibhili Elingcwele LesiNdebele

⁴ Ngithatha uhambe lami, kasiphangise! Inkosi kayingingenise endlini yayo. Siyathokoza njalo siyajabula ngawe; sizalubabaza uthando lwakho okudlula iwayini. Kabazenzi ukuba bakuthande!

Ingoma 1:4 Referans Kwoze

UJohane 6:44

Kakho ongeza kimi, uba uBaba ongithumileyo engamdonsi; mina ngizakumvusa ngosuku lokucina.

UHosiya 11:4

Ngabadonsa ngamagoda omusa langezintambo zothando, ngenza kibo njengomuntu ophakamisela umntwana emlonyeni ukumanga, ngakhothama kibo, ngabanika ukudla.

UJohane 12:32

Minake, nxa ngiphakanyiswa emhlabeni, ngizakudonsela bonke abantu kimi.

UJeremiya 31:3

iNkosi yabonakala kuye ikhatshana. Ngikuthandile ngothando olungapheliyo, ngakhoke ngithembekile kuwe.

AmaHebheru 12:1

Ngakhoke lathi, lokhu sihanqwe lixuku elingaka labofakazi, asilahle konke okusindayo lesono esithandele kangaka kithi, sigijime ngokubekezela lokhukuncintanisana esikumiselweyo,

ULukha 22:19

Wathatha isinkwa, esebongile, wasihlephuna, wabanika esithi: Lokhu kungumzimba wami, [owanikelelwa lina; yenzani lokhu ukuba lingikhumbule.

ULukha 2:10

Isithunywa sathi kibo: Lingesabi; ngoba ngililethele indaba ezinhle zokuthokoza okukhulu okuzakuba kibo bonke abantu,

UMatewu 25:10

Kwathi zisaya ukuthenga, wafika umyeni. Ezasezilungele ukungena zangena laye emthimbeni; kwavalwa umnyango.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

U-Isaya 63:7

Ngizalandisa ngothando olungapheliyo lweNkosi, ngiyidumise, ngakho konke iNkosi esenzele khona, lobuhle obukhulu ebenzele indlu kaIsrayeli, esenzele bona ngomusa wayo, langobukhulu bothando lwayo olungapheliyo.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

U-Isaya 45:25

Kanti inzalo kaIsrayeli izakunqoba, ithokoze ngeNkosi.

U-Isaya 25:8

Izakuqeda ukufa kokuphela. INkosi uNkulunkulu izakwesula inyembezi emehlweni wonke, isuse lehlazo labantu bayo emhlabeni wonke; ngoba iNkosi ikhulumile.

Ingoma 3:4

Sengidlule kancinyane ngamfumana yena othandwa yinhliziyo yami. Ngambamba, kangivumanga ukuba ahambe ngaze ngamletha endlini kamama, endlini yakhe owangizalayo.

AmaHubo 149:2

UIsrayeli kathokoze ngoMenzi wakhe, lamadodana aseZiyone athabe eNkosini yawo.

Abase-Efesu 2:6

Wasivusa kanye loKristu Jesu, wasihlalisa kanye laye ezulwini,

UZefaniya 3:14

Hlabela kakhulu, wena Ziyone, umemeze, Israyeli. Thokoza, uthabe ngenhliziyo yakho yonke, wena Jerusalema.

AmaHubo 119:60

Ngiyaphangisa, kangilibali ukugcina imithetho yakho.

AmaHubo 119:32

Ngizagijima endleleni yemithetho yakho, ngoba uzakhulisa ukuqedisisa kwami.

AmaHubo 111:4

Yenzile ukuba imisebenzi yayo emangalisayo ikhunjulwe; iNkosi ilomusa lesihawu.

AmaHubo 63:5

Umphefumulo wami uzakusutha kungathi usuthi umnkantsho lamahwahwa, lomlomo wami uzakukudumisa ngezingoma ezithabisayo.

AmaHubo 48:9

Sikhumbula uthando lwakho olungapheliyo, Nkulunkulu, siphakathi kwethempeli lakho.

AmaHubo 42:4

Ngikhumbula lezizinto ngidabuke inhliziyo, ukuthi ngangihamba lamaxuku, ngiwakhokhele odwendweni lokuya endlini kaNkulunkulu ngenhlokomo yezingoma zokubonga, ixuku eligida umkhosi.

1 UPhethro 1:8

Yena liyamthanda lingambonanga, elithi lakhathesi lingamboni likholwe kuye, lithokoze ngentokozo enkulu engakhulumekiyo,

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

Abase-Efesu 6:24

Umusa kawube labo bonke abathanda iNkosi yethu uJesu Kristu ngothando olungapheliyo.

Ingoma 4:10

Lumnandi kangaka uthando lwakho, dadewethu lomlobokazi wami! Luhle kangakanani uthando lwakho kulewayini, lephunga lamagcobo akho kulamakha wonke.