AmaHubo 96:4 - iBhayibhili Elingcwele 1978

⁴ Ngoba yinkulu iNkosi, ifanele ukudunyiswa kakhulu, iyesabeka ukwedlula onkulunkulu bonke.

IBhayibhili Elingcwele LesiNdebele

⁴ Ngoba umkhulu uThixo, ufanele ukudunyiswa ngokuphindiweyo; kumele esatshwe ngaphezu kwabonkulunkulu bonke.

AmaHubo 96:4 Referans Kwoze

AmaHubo 145:3

INkosi yinkulu, ifanele ukudunyiswa kakhulu, lobukhulu bayo bungehlolisiswe.

AmaHubo 18:3

Ngizakhuleka eNkosini efanele ukudunyiswa, ngikhululwe ezitheni zami.

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.

AmaHubo 95:3

Ngoba iNkosi inguNkulunkulu omkhulu, iyiNkosi enkulu phezu kwabonkulunkulu bonke.

AmaHubo 89:7

uNkulunkulu owesabekayo emhlanganweni wabangcwele, omkhulu lowesabekayo kubo bonke abahlala laye na?

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

AmaHubo 86:10

Ngoba wena umkhulu, wenza izinto ezimangalisayo, unguNkulunkulu wena wedwa.

AmaHubo 48:1

Yinkulu iNkosi, ifanele ukudunyiswa kakhulu emzini kaNkulunkulu wethu osentabeni yayo engcwele.

ULukha 12:5

Kodwa ngizakulitshengisa elifanele ukumesaba: Mesabeni lowo othi esebulele, abe lamandla okuphosela esihogweni. Yebo, ngithi kini: Mesabeni lowo.

AmaHubo 66:5

Wozani libone izenzo zikaNkulunkulu; kuyesabeka ukwenza kwakhe phakathi kwabantu.

U-Eksodasi 18:11

Khathesi sengisazi ukuthi iNkosi yinkulu kulabo bonke onkulunkulu, yebo kulokho amaGibithe ayezigabisa ngakho.

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.

AmaHubo 76:7

Wena, yebo wena, uyesabeka. Ngubani ongema phambi kwakho lapho usuthukuthela na?

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

1 USamuyeli 4:8

Maye babo! Ngubani ozakusophula ezandleni zalaba onkulunkulu abatshaya amaGibithe ngazo zonke izifo enkangala?

2 ImiLando 2:4

Sengizimisele ukwakhela ibizo leNkosi uNkulunkulu wami indlu, ngiyahlukanisele iNkosi ukuba ngitshisele khona impepha elephunga elihle, lokunikela insuku zonke izinkwa ezahlukaniselwe uNkulunkulu, leminikelo yokutshiswa ekuseni lantambama, langamaSabatha, langezikhathi zokuthwasa kwenyanga, langezikhathi zemikhosi emisiweyo yeNkosi uNkulunkulu wethu, njengokumiselwe uIsrayeli kuze kube nininini.

AmaHubo 150:2

Mdumiseni ngenxa yezenzo zakhe zamandla, limdumise ngenxa yobukhulu bakhe obungelinganiswe.

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.