AmaHubo 47:5 - iBhayibhili Elingcwele 1978

⁵ UNkulunkulu wenyukile ngokuhlokoma, iNkosi yenyukile ngokukhala kophondo.

IBhayibhili Elingcwele LesiNdebele

⁵ UNkulunkulu usekhuphukile phakathi komsindo wentokozo, uThixo uphakathi kokukhala kwamacilongo.

AmaHubo 47:5 Referans Kwoze

AmaHubo 68:33

kuyo ekhwele phezu kwamazulu ayekhona kusukela endulo; khangelani, iyazwakalisa ilizwi layo, ilizwi layo elilamandla.

1 AbaseThesalonika 4:16

ngoba iNkosi uqobo izakwehla ivela ezulwini ngomdumo, ngokumemeza kwesithunywa, langokukhala kophondo lukaNkulunkulu; labafileyo kuKristu bazakuvuka kuqala;

1 AbaseKhorinte 15:52

ngesikhatshana, ngokuqwayiza kwelihlo, ekukhaleni kophondo lokucina; ngoba uphondo luzakukhala, abafileyo bazakuvuswa bengelakubola, thina sizakuphendulwa.

AmaHubo 150:3

Mdumiseni ngokukhalisa uphondo, limdumise ngomhube lechacho,

AmaHubo 78:65

Yasivuka iNkosi njengokade elele, njengomuntu olamandla oklabalaliswa liwayini.

2 USamuyeli 6:15

Ngokunjaloke uDavida layo yonke indlu yakoIsrayeli bawuletha umtshokotsho weNkosi ngokumemeza langokukhala kophondo.

UJoshuwa 6:5

Lapho bekhalisa kakhulu impondo zenqama, lingawezwa amazwi azo, abantu kabamemeze kakhulu, umduli womuzi uzadilikela phansi; abantu bazangena, kube yilowo lalowo aqonde phambili nje.

AmaNani 23:21

Ububi kabufunyaniswanga kuJakobe, lokuhlupheka kakubonakalanga kuIsrayeli. INkosi uNkulunkulu wabo ilabo, kumenyezelwa phakathi kwabo ukuthi iyinkosi.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

AmaHubo 98:6

Ngophondo langokukhala komhlanga hlokomani ngokuthokoza phambi kweNkosi uNkulunkulu.

AmaHubo 81:3

Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.

1 ImiLando 16:42

OHemani loJeduthuni babelezimpondo lezigubhu zokuhlabelela, lezinto zokutshayela uNkulunkulu. Amadodana kaJeduthuni abekwa esangweni.

1 ImiLando 15:28

Ngakhoke bonke abakoIsrayeli bawuletha umtshokotsho wesivumelwano seNkosi ngokumemeza langokukhala kwezimpondo lokwezigubhu, betshaya amachacho lemihubhe.

1 ImiLando 15:24

OShebaniya loJoshafati loNethaneli loAmasayi loZekariya loBenaya loEliyezeri abapristi babezakhalisa izimpondo phambi komtshokotsho kaNkulunkulu. UObedi‐Edoma loJehiya labo babengabagcini bamasango omtshokotsho wesivumelwano.

UHezekhiyeli 20:6

Ngalolosuku ngafunga kibo ukuba ngibakhuphe elizweni laseGibithe, ngibese elizweni engabadingela lona, ilizwe eligcwele uchago lenyosi, ilizwe elihle kulawo wonke amazwe.

uAmosi 8:7

INkosi ifungile ngokuzigqaja kukaJakobe, yathi: Impela kangiyikuzikhohlwa izenzo zabo kuze kube nininini.

UMalaki 2:3

Ngizakhalimela inzalo yenu, ngilithele ngomswane ebusweni, umswane weminikelo yenu, ngilixotshe ebusweni bami.