AmaHubo 42:8 - iBhayibhili Elingcwele 1978

⁸ Emini iNkosi iyangiphatha ngothando lwayo olungapheliyo; ebusuku ngiyahlabela ingoma yayo, umkhuleko wami kuNkulunkulu wokuphila kwami.

IBhayibhili Elingcwele LesiNdebele

⁸ Emini uThixo uyaluqondisa uthando lwakhe ebusuku ingoma yakhe ikhona kimi umkhuleko kuNkulunkulu wempilo yami.

AmaHubo 42:8 Referans Kwoze

AmaHubo 149:5

Abathembekileyo kabathokoze ngenxa yokunqoba kwabo, bahlabele ngokujabula emacansini abo.

AmaHubo 63:6

Lapho ngikhumbula wena ekulaleni kwami, ngicabanga ngawe emilindweni yasebusuku.

AmaHubo 16:7

Ngiyayibonga iNkosi engilulekayo; lasebusuku inhliziyo yami iyangilaya.

UJobe 35:10

Kodwa kakho othi: Ungaphi uNkulunkulu uMenzi wami, owenza amahubo okuthokoza azwakale ebusuku,

UDutheronomi 28:8

INkosi izakuthuma isibusiso sayo phezu kwenu, eziphaleni zenu lakukho konke elizakukwenza, ilibusise elizweni iNkosi uNkulunkulu wenu elinika lona.

AmaHubo 133:3

Kufana lamazolo aseHermoni, awela entabeni zaseZiyone. Ngoba iNkosi yalaya khona isibusiso esiyikuphila okungapheliyo.

AbaseKholose 3:3

Ngoba lafa, ukuphila kwenu kufihliwe loKristu kuNkulunkulu.

Imisebenzi 16:25

Kodwa phakathi kobusuku uPawuli loSilasi babekhuleka bedumisa uNkulunkulu ngamahubo, lezibotshwa zazibalalele.

UMatewu 8:8

Kodwa induna yekhulu yaphendula yathi: Nkosi, kangifanele ukuba ungene ngaphansi kophahla lwami; kodwa tshono ilizwi nje, inceku yami izakusiliswa.

AmaHubo 44:4

Wena uyiNkosi yami loNkulunkulu wami, onika uJakobe ukunqoba.

U-Isaya 30:29

Kodwa lina lizahlabela ingoma njengasebusuku lapho kugujwa umkhosi ongcwele, lithokoze enhliziyweni, loba njengalapho abantu betshaya umhubhe, besiya entabeni yeNkosi, eDwaleni likaIsrayeli.

AmaHubo 77:6

Ngiyakhumbula enhliziyweni yami ebusuku, ngiyacabanga, ngizibuze ngithi:

AmaHubo 57:3

UNkulunkulu uzakuthumela uthando lwakhe olungapheliyo lobuqotho bakhe. Uzakuthuma esezulwini, angisize; uzakubayangisa labo abangifihlizayo.

AmaHubo 27:1

INkosi iyikukhanya kwami lokukhululwa kwami; ngizakwesaba bani na? INkosi iyinqaba yokuphila kwami; ngizakwesaba bani na?

AmaHubo 32:7

Wena uyindawo yami yokucatsha, uyangilondoloza ekuhluphekeni, ungiphahle ngamahubo okukhululwa.

ULevi 25:21

ngizakwenza ukuba libusiswe ngomnyaka wesithupha, ukuze ilizwe lithele izithelo zeminyaka emithathu.

2 USamuyeli 22:5

Amavinqo okufa angizingeleza, lezikhukhula zokubhujiswa zangethusa,

AmaHubo 88:8

Wenze abanakwethu bangidele; wangenza ngaba yinto eyesabekayo kubo; ngivalelwa ukuba ngingaphumi,

AmaHubo 124:4

ngabe amanzi amanengi asikhukhula, lezimpophoma zedlula phezu kwethu,

UJona 2:4

Ngasengisithi: Ngixotshiwe ebusweni bakho; ngizabuya ngilibone kanjani ithempeli lakho elingcwele na?