AmaHubo 39:6 - iBhayibhili Elingcwele 1978

⁶ Umuntu uhamba njengesithunzi nje; uyahlupheka ngeze; ubutha imfuyo, kodwa kazi ukuthi ngubani ozakuyidla.

IBhayibhili Elingcwele LesiNdebele

⁶ Umuntu uhambahamba njengesithunzi nje; uyatshikatshika, kodwa konke akwenzayo kuyize lodwa; ubuthelela inotho engazi ukuthi izakuba ngekabani.

AmaHubo 39:6 Referans Kwoze

UmTshumayeli 2:26

Ngoba uNkulunkulu uyamnika umuntu omthokozisayo ukuhlakanipha lolwazi lokuthokoza; kodwa isoni uyasinika umsebenzi wokubutha lokubuthelela ukuze sinike yena othokozisa uNkulunkulu. Lalokho lakho kulize lamaya.

UJakhobe 4:14

Kanti okwakusasa kalikwazi. Ukuphila kwenu kuyini na? Kunjengenkungu ebonakala okwesikhatshana, ibisinyamalala.

1 AbaseKhorinte 7:31

labasebenzisa okomhlaba babe njengabangakusebenzisiyo; ngoba isimo salumhlaba siyedlula.

UmTshumayeli 12:13

Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.

UmTshumayeli 5:14

leyonotho ichitheke ngonyanya omubi, azale umntwana engaselalutho.

1 UPhethro 5:7

Lethulele phezu kwakhe izinkathazo zenu zonke, ngoba uyalikhathalela.

ULukha 12:29

Lanike lingadingi elizakukudla lelizakukunatha; lingakhathazeki.

U-Isaya 55:2

Lichithelani imali yenu kulokho okungeyisikho ukudla, lamaholo enu kulokho okunganelisiyo na? Ngizwisisani, lidle okuhle, lizithokozise ngezibondlo.

UmTshumayeli 12:8

Ize leze, kutsho umtshumayeli, konke kulize.

UmTshumayeli 2:8

ngazibuthela isiliva legolide okwakuvela enothweni yamakhosi leyamazwe; ngazidingela abahlabeleli abesilisa labesifazana, labafazi abanengi abangafiswa ngumuntu.

UmTshumayeli 1:14

Ngikubonile konke okwenziwayo ngaphansi kwelanga; konke kulize lamaya.

Izaga 13:22

Olungileyo utshiyela abantwana babantwana bakhe ilifa, kodwa inotho yesoni ibekelwa abalungileyo.

AmaHubo 127:2

Kuyize kini ukuba livuke ekuseni liphuze ukuphumula, lidle ukudla kokusebenza nzima; ngoba iNkosi iyamnika ubuthongo emthandayo.

1 UPhethro 1:24

Ngoba kuthiwa: Abantu bonke banjengotshani, lobukhosi babo bonke bunjengamaluba otshani; utshani buyabuna, lamaluba awohloke,

UJakhobe 5:3

Igolide lenu lesiliva senu kuthombile, lokuthomba kwakho kuzakuba yibufakazi ngakini, kudle inyama yemizimba yenu njengomlilo. Lithi lizibekela inotho yezinsuku zokuphela.

Izaga 27:24

ngoba imfuyo kayiyikuhlala kokuphela, lenotho kayihlali kuzo zonke izizukulwana.

Izaga 23:5

Uba uyiphisekela inotho, ingamila izimpiko isuke, iphaphele phezulu njengokhozi.

UJobe 7:7

Nkulunkulu, khumbula ukuba ukuphila kwami kungumoya, kangiyikuphinda ngibone okuhle.

UJobe 7:16

Ngiyanengwa yikuphila kwami, kangifisi ukuhlala kokuphela. Akungiyekele, ngoba insuku zami zingumoya nje.

UJobe 14:1

Umuntu ozelwe ngowesifazana insuku zakhe zilutshwana, zigcwele inhlupheko.

AmaHubo 89:48

Ngubani ongaphila kokuphela angaboni ukufa na? Ngubani olamandla okukhulula umphefumulo wakhe endaweni yabafileyo na?

AmaHubo 144:4

Umuntu unjengomoya, insuku zakhe zinjengesithunzi esidlulayo.

UmTshumayeli 11:10

Susa ukusola engqondweni yakho, ukhuphe ukukhathazeka emzimbeni wakho, ngoba ubutsha lobujaha bulize.

ULukha 12:26

Ngakhoke nxa lingelamandla okwenza into encinyane nje, liphisekelani ngokunye na?