AmaHubo 20:7 - iBhayibhili Elingcwele 1978

⁷ Abanye bathemba inqola zokulwa, abanye bathemba amabhiza, kodwa thina sithemba ibizo leNkosi uNkulunkulu wethu.

IBhayibhili Elingcwele LesiNdebele

⁷ Abanye bathemba izinqola zempi, abanye amabhiza, kodwa thina sithemba ibizo likaThixo uNkulunkulu wethu.

AmaHubo 20:7 Referans Kwoze

UJeremiya 17:5

INkosi ithi: Uqalekisiwe umuntu othemba abantu, othemba emandleni abantu, olenhliziyo edela iNkosi.

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

Izaga 21:31

Ibhiza lingalungiselwa usuku lokulwa, kodwa yiNkosi enika ukunqoba.

2 ImiLando 32:8

Yena ulamandla omuntu, kodwa thina sileNkosi uNkulunkulu wethu ukusisiza lokusilwela. Abantu bazuza isibindi ngamazwi kaHezekiya inkosi yakoJuda.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

AmaHubo 45:17

Ibizo lakho ngizakulenza likhunjulwe ezizukulwaneni zonke; ngakhoke izizwe zizakukubonga kuze kube nini lanini.

U-Isaya 30:16

Kodwa lina lithi: Atshi, sizabaleka ngamabhiza. Ngakhoke balekani. Lithi njalo: Sizakhwela amabhiza alejubane. Ngakhoke labalixotshayo bazakuba lejubane elikhulu.

2 ImiLando 13:16

AbakoIsrayeli babaleka phambi kwabakoJuda, uNkulunkulu wabanikela ezandleni zabo.

1 USamuyeli 13:5

AmaFilistiya abuthana ukuba alwe loIsrayeli, ayelenqola zokulwa eziyizinkulungwane ezingamatshumi amathathu, labagadi bamabhiza abayizinkulungwane eziyisithupha, lamabutho alingana letshebetshebe elisokhunjini lolwandle ngobunengi; afika, amisa eMikimashi, ngasempumalanga kweBeti‐Aveni.

2 USamuyeli 10:18

AmaSiriya abaleka phambi kukaIsrayeli; uDavida wabulala amaSiriya ezinqola zokulwa angamakhulu ayisikhombisa, labamabhiza abazinkulungwane ezingamatshumi amane, walimaza uShobaki induna yempi, wafela khona lapho.

2 USamuyeli 8:4

UDavida wathumba kuye abamabhiza abayinkulungwane lamakhulu ayisikhombisa, lamabutho ahamba ngenyawo abayizinkulungwane ezingamatshumi amabili; waquma imisipha yawo wonke amabhiza enqola zokulwa, kodwa watshiya amabhiza alingana izinqola zokulwa ezilikhulu.

1 USamuyeli 2:10

Izitha zeNkosi zizabhujiswa; oPhezukonke uzaduma esezulwini, ahlulele emhlabeni wonke, anike amandla inkosi yakhe, aphakamise amandla ogcotshiweyo wakhe.

UJobe 39:11

Ungathembela kuyo ngoba amandla ayo emakhulu, ungayiyekelela umsebenzi wakho na?

AmaHubo 28:8

INkosi ingamandla abantu bayo, iyinqaba yokukhululwa kogcotshiweyo wayo.