AmaHubo 15:5 - iBhayibhili Elingcwele 1978

⁵ ongabolekisi imali yakhe ukuze azuze umvuzo, longamukeli umvuzo ngongelacala. Owenza lezizinto kayikunyikinywa kuze kube nininini.

IBhayibhili Elingcwele LesiNdebele

⁵ owebolekisa imali yakhe engadingi inzuzo njalo owalayo ukuthengwa ukuze kwetheswe umlandu kongelacala. Lowo owenza lezizinto akayikuzanyazanyiswa lanini.

AmaHubo 15:5 Referans Kwoze

UDutheronomi 16:19

Lingonakalisi ukulunga, lingabandlululi muntu, lingamukeli umvuzo wokuthengwa, ngoba uphumputhekisa amehlo abahlakaniphileyo, wonakalise indaba yabalungileyo.

U-Eksodasi 22:25

Uba liseboleka umyanga othile ebantwini bami imali, lingamphathi njengomebolekisi, lingathathi inzalo kuye.

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

UHezekhiyeli 18:8

engabolekisi ukuba azuze inzuzo, engathathi umvuzo, ezinqanda kokubi, ahlulele ngokuqondileyo phakathi komuntu lomuntu,

UJohane 13:17

Uba likwazi lokhu libusisiwe uba likwenza.

Izaga 12:3

Kakulamuntu ongamiswa yibubi, kodwa kakulalutho olungaquphula impande zabalungileyo.

AmaHubo 112:6

Ngoba olungileyo kayikunyikinywa; uzakukhunjulwa kuze kube nini lanini.

AmaHubo 106:3

Babusisiwe bona abenza okufaneleyo, abenza ukulunga ngazo zonke izikhathi.

AmaHubo 55:22

Wethulele phezu kweNkosi umthwalo wakho, yona izakukusekela; kayiyikuvuma lanini ukuba olungileyo anyikinywe.

AmaHubo 16:8

Ngikhangele iNkosi njalonjalo; ngoba ingakwesokunene sami, kangiyikunyikinywa.

UMatewu 26:15

wathi: Lizakunginikani aluba ngimnikela kini na? Basebemnika inhlamvu zesiliva ezingamatshumi amathathu.

UMikha 7:3

Izandla zabo zikhuthalele ukwenza okubi, isikhulu lomahluleli bathengwa ngemali, loyisikhulu wahlulela ngokuthanda kwakhe, kuhlanekelwe ukulunga.

UHezekhiyeli 18:27

Futhi nxa umuntu omubi ephenduka ebubini bakhe abenzileyo, enze okufaneleyo lokulungileyo, uzasilisa ukuphila kwakhe.

UHezekhiyeli 18:17

izinqande kokubi, ingathathi inzuzo lomvuzo, igcine imithetho yami, ihambe ngezimiso zami, kayiyikufela izono zikayise, kodwa izakuphila impela.

U-Isaya 33:15

Yena ohamba ngokulunga, akhulume ngobuqotho, ozonda ukuzuza inzuzo ngokucindezela, owala ukwamukela imali yokuthengwa, owala ukuchitha igazi, locimeza amehlo akhe ukuba angafumani ithuba lokwenza okubi;

U-Eksodasi 22:24

luvuthe ulaka lwami, ngilibulale empini, omkenu babe ngabafelwakazi labantwana benu babe yizintandane.

UDutheronomi 23:21

Nxa lisenza isithembiso eNkosini uNkulunkulu wenu, lingalibali ukusigcwalisa; ngoba impela iNkosi uNkulunkulu wenu izakukubiza kini; ukungasigcwalisi kuzakuba yisono senu.

1 USamuyeli 12:3

Sengikhonake; fakazani ngami phambi kweNkosi uNkulunkulu logcotshiweyo wayo. Ngubani engimthathele inkabi yakhe, loba ubabhemi wakhe na? Ngikhohlise bani na? Ngicindezele bani na? Ngiwamukele kubani umvuzo wokuthengwa ukuze ngivale amehlo ami ngawo na? Ngitshelani, ngizakukubuyisela kini.

Izaga 10:30

Olungileyo kasoze asuswe endaweni yakhe, kodwa omubi kayikuhlala elizweni.

Izaga 15:27

Ozuza inzuzo embi wehlisela inkathazo phezu komuzi wakhe, ozonda umvuzo wokuthengwa uzakuphila.