AmaHubo 149:3 - iBhayibhili Elingcwele 1978

³ Kabadumise ibizo layo ngokusina, bayitshayele isigubhu lechacho.

IBhayibhili Elingcwele LesiNdebele

³ Kabadumise ibizo lakhe ngokusina, batshaye amagedla lamachacho.

AmaHubo 149:3 Referans Kwoze

UJeremiya 31:13

Kuzakuthi izintombi zithokoze ekusineni, amajaha labadala bajabule kanyekanye. Ngizaphendula ukukhala kwabo kube yikuthokoza, ngizakubaduduza, ngibanike ukuthokoza endaweni yosizi;

AmaHubo 81:2

Hlabelani ingoma, litshaye isigubhu, lomhubhe okhala mnandi kanye lechacho.

U-Eksodasi 15:20

UMiriyamu umprofethikazi, udadewabo kaAroni, wasithatha isigubhu sakhe; bonke abesifazana baphuma bemlandela, bephethe izigubhu, begida.

AmaHubo 30:11

Uphendule ukukhala kwami kwaba yikusina; ungikhuphile izingubo zami zokulila, wangambathisa ukuthokoza,

2 USamuyeli 6:16

Kwathi lapho umtshokotsho weNkosi ungena emzini kaDavida, uMikhali indodakazi kaSawuli walunguza ngewindi, wabona inkosi uDavida egiya, esina phambi kweNkosi, wayeyisa enhliziyweni yakhe.

2 USamuyeli 6:14

UDavida wasina phambi kweNkosi ngamandla akhe wonke; wayegqoke ingubo yamahlombe yelembu elihle.

Abahluleli 11:34

UJefta wayafika emzini wakhe eMizipa. Kwaphuma indodakazi yakhe ukumhlangabeza, itshaya ichacho igida; yayinguye yedwa umntanakhe; ngaphandle kwayo wayengelandodana lendodakazi.

AmaHubo 33:2

Dumisani iNkosi ngechacho, lihlabelele kuyo ngechacho elilentambo ezilitshumi.

U-Ezra 3:10

Lapho abakhi sebebekile isisekelo sethempeli leNkosi, abapristi beqgoke izambatho zabo bephethe impondo zokukhaliswa basondela kanye lamaLevi, amadodana kaAsafi, elezigubhu ukuba badumise iNkosi, ngendlela eyamiswa nguDavida inkosi yakoIsrayeli.

1 ImiLando 16:42

OHemani loJeduthuni babelezimpondo lezigubhu zokuhlabelela, lezinto zokutshayela uNkulunkulu. Amadodana kaJeduthuni abekwa esangweni.

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

1 ImiLando 25:6

Bonke babephethwe nguyise ekuhlabeleni ethempelini ngezigubhu langamachacho langemihubhe enkonzweni yendlu kaNkulunkulu. OAsafi loJeduthuni loHemani babengaphansi kwenkosi.

2 ImiLando 20:28

Bangena eJerusalema betshaya amachacho lemihubhe lezimpondo zokukhaliswa, baya ethempelini.

AmaHubo 81:3

Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.

AmaHubo 87:7

Abahlabelayo labasinayo bathi: Wena Ziyone, ungumthombo wezibusiso zethu zonke.

UJeremiya 31:4

Ngizakubuya ngikwakhe, wakheke, wena ntombi Israyeli. Uzavunula, uthathe amachacho akho, ungene ekugideni kwabathokozayo.