AmaHubo 146:9 - iBhayibhili Elingcwele 1978

⁹ INkosi iyazigcina izihambi, isekele umfelwakazi lezintandane; kodwa indlela yababi iyayichitha.

IBhayibhili Elingcwele LesiNdebele

⁹ UThixo uyabalinda abezizweni asekele izintandane labafelokazi, kodwa anyampise izindlela zababi.

AmaHubo 146:9 Referans Kwoze

AmaHubo 68:5

UYise wezintandane lomvikeli wabafelwakazi nguNkulunkulu endlini yakhe engcwele.

AmaHubo 147:6

INkosi iyabalulamisa abacindezelweyo, iyawisela phansi ababi.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UJeremiya 49:11

Tshiya izintandane zakho, ngizazilondoloza, abafelwakazi bakho kabathembe kimi.

Izaga 15:25

INkosi idiliza indlu yozigqajayo, kodwa ilondoloze indawo yomfelwakazi.

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.

Izaga 4:19

kodwa indlela yababi injengomnyama omkhulu, kabazi ukuthi kuyini okubakhubekisayo.

AmaHubo 145:20

Inkosi iyabalondoloza bonke abayithandayo; kodwa ababi izakubabhubhisa.

1 AbaseKhorinte 3:19

Ngoba ukuhlakanipha komhlaba kuyibuthutha kuNkulunkulu. Kulotshiwe ukuthi: Ubamba abahlakaniphileyo ebuqilini babo;

UHosiya 14:3

IAsiriya kaliyikusisiza, kasisayikugada amabhiza; kasisayikutsho kuzo izithombe zethu ukuthi: UnguNkulunkulu wethu. Kuwe intandane iyafumanisa umusa.

AmaHubo 18:26

kohlambulukileyo uyaziveza uhlambulukile; lakongaqondanga uyaziveza ungaqondanga.

U-Esta 9:25

Kodwa kwathi lapho lindaba ifika enkosini, yaloba umthetho ukuba icebo elibi likaHamani ayelenzele abaJuda lehlele phezu kwakhe; yena lamadodana akhe balengiswa ogodweni.

U-Esta 7:10

Basebemlengisa kulologodo ayelulungisele uMoridekayi. Ngemva kwalokho kwasekudeda ukuthukuthela kwenkosi.

U-Esta 5:14

UZereshi umkakhe labo bonke abangane bakhe bathi kuye: Akumbelwe ugodo ubude balo bube zingalo ezingamatshumi amahlanu, kucelwe enkosini ekuseni ukuba uMoridekayi alengiswe kulo, ubusuhamba lenkosi edilini ulomoya omuhle. UHamani wabona ukuthi lokhu kuhle, waselumbelake ugodo.

2 USamuyeli 17:23

Lapho uAhithofeli ebona ukuthi ukweluleka kwakhe kakulandelwanga, wabophela ubabhemi wakhe, wasuka waya ekhaya emzini wakhe; eselungisile izinto zomuzi wakhe, waseziphanyeka, wafa, wangcwatshelwa elibeni likayise.

2 USamuyeli 15:31

Kwabikwa kuDavida kwathiwa: UAhithofeli uphakathi kwabahlamuke loAbisalomu. UDavida wakhuleka wathi: Nkosi, ake uphendule amacebo kaAhithofeli abe yibuthutha.

UDutheronomi 16:11

Endaweni iNkosi ezakuyikhetha ukuba lidunyiselwe kiyo lizakuthokoza phambi kwayo lina lamadodana enu lamadodakazi enu, lenceku zenu lencekukazi zenu, lomLevi ohlala emizini yenu, lowezizweni, lentandane, lomfelwakazi, abahlala kini.

AmaHubo 10:14

Uyabona wena, yebo, uyabona ukukhathazeka lenhlupheko ukuze ukubeke ezandleni zakho. Ongelamandla uyazinikela kuwe; wena ungumsizi wezintandane.