AmaHubo 128:1 - iBhayibhili Elingcwele 1978

¹ Babusisiwe bonke abayesabayo iNkosi, abahamba endleleni zayo.

IBhayibhili Elingcwele LesiNdebele

¹ Babusisiwe bonke abamesabayo uThixo, abahamba ngezindlela zakhe.

AmaHubo 128:1 Referans Kwoze

AmaHubo 119:1

Babusisiwe abandlela zabo ziqotho, abahamba ngomlayo weNkosi.

AmaHubo 112:1

Dumisani iNkosi! Ubusisiwe umuntu oyesabayo iNkosi, othokoza kakhulu ngemithetho yayo.

ULukha 1:50

Isihawu sakhe sikuzo zonke izizukulwana zalabo abamesabayo.

AmaHubo 103:13

Njengoyise ehawukela abantwana bakhe, ngokunjaloke iNkosi iyabahawukela bona abayesabayo.

Imisebenzi 9:31

Ngakho ibandla laba lokuthula kulo lonke elaseJudiya, lelaseGalili, lelaseSamariya, lakheka, lihamba ngokwesaba kweNkosi, landa ngokuqiniswa nguMoya oNgcwele.

AmaHubo 147:11

Kodwa iNkosi ijabulela labo abayesabayo, labo abathemba uthando lwayo olungapheliyo.

AmaHubo 127:1

Uba iNkosi ingayakhi indlu, basebenzela ize abayakhayo. Uba iNkosi ingawulondolozi umuzi, kuyize ukulinda komlindi.

AmaHubo 115:13

izakubusisa labo bonke abayesabayo, abancinyane labakhulu.

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.

AmaHubo 103:17

Kodwa uthando olungapheliyo lweNkosi lumi kuze kube nininini kubo abayesabayo, lokulunga kwayo kumi kuze kube sebantwaneni babantwana,

AmaHubo 125:1

Labo abathemba iNkosi banjengentaba yeZiyone engasukiyo, kodwa emi kuze kube nininini.

AmaHubo 120:1

Ekuhluphekeni kwami ngakhuleka eNkosini, yangiphendula.

AmaHubo 119:3

abangenzi ukungalungi, kodwa behamba endleleni zayo.

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

AmaHubo 121:1

Ngizakuphakamisela amehlo ami ezintabeni. Usizo lwami luzakuvela ngaphi na?

AmaHubo 124:1

Uba iNkosi ibingasimelanga — katsho uIsrayeli athi —

AmaHubo 103:1

Ibonge iNkosi, mphefumulo wami, lakho konke okuphakathi kwami kakubonge ibizo layo elingcwele.

AmaHubo 126:1

Lapho iNkosi ibuyisa abathunjiweyo eZiyone, saba njengabaphuphayo.

AmaHubo 81:13

Kungathi abantu bami bengangilalela, loIsrayeli ahambe endleleni zami!

AmaHubo 123:1

Ngiyaphakamisela kuwe amehlo ami, wena ohlezi esihlalweni sobukhosi phezulu.

AmaHubo 122:1

Ngathokoza lapho besithi kimi: Asiye endlini yeNkosi.

UDutheronomi 28:3

Lizabusiswa emzini, libusiswe futhi ensimini.

2 USamuyeli 22:22

Ngoba ngizilondolozile indlela zeNkosi, kangimukanga kuNkulunkulu wami ngokubi.