AmaHubo 12:3 - iBhayibhili Elingcwele 1978

³ Kungathi iNkosi ingaquma yonke imilomo ekhohlisayo, lolimi olukhuluma amazwi okuzincoma,

IBhayibhili Elingcwele LesiNdebele

³ Sengathi uThixo angaziquma zonke izindebe ezikhohlisayo kanye laluphi ulimi oluzikhukhumezayo

AmaHubo 12:3 Referans Kwoze

Izaga 18:21

Ulimi lulamandla phezu kokufa lokuphila; abaluthandayo bazakudla izithelo zalo.

Isambulo 13:5

Isilo sanikwa umlomo wokukhuluma amazwi okuzincoma lenhlamba, sanikwa amandla okwenza lokhu inyanga ezingamatshumi amane lambili.

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

AmaHubo 17:10

Inhliziyo zabo bazivalela isihawu; bayazincoma ngomlomo wabo.

UJuda 1:16

Laba bangabangungunayo labasolayo, behamba ngenkanuko zabo, bekhuluma amazwi aqatha, bezikhukhumeza, besebenzisa amazwi okulalisa ngolimi ngenxa yenzuzo.

2 UPhethro 2:18

Ngokuziqakisa okuyize bayabayenga ngezinkanuko zomzimba langamanyala labo asebephose baphuma ekuduheni;

UMalaki 3:13

Amazwi enu abelukhuni ngami, kutsho iNkosi. Kanti lina lithi: Sikhulume sathini ngawe na?

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

UHezekhiyeli 29:3

ukhulume uthi: INkosi uNkulunkulu ithi: Ngimelene lawe, wena Faro nkosi yaseGibithe, wena ngwenya enkulu elele phakathi kwemifula yayo, ethi: Umfula iNile ungowami, ngawenza.

UHezekhiyeli 28:9

Uzakutsho yini uthi: Ngingunkulunkulu mina, phambi kwalabo abakugwazayo, lanxa wena ungumuntu ungesuye unkulunkulu, ezandleni zalabo abakugwazayo?

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

1 USamuyeli 2:3

Lingabe lisakhuluma ngokuzigqaja kangaka, kungaphumi ukuziqakisa emilonyeni yenu; ngoba iNkosi inguNkulunkulu wokwazi, lezenzo ziyalinganiswa yiyo.

U-Eksodasi 15:9

Isitha sathi: Ngizaxotshana labo ngibafice, ngahlukanise impango. Inkanuko yami izakusutha bona, ngizahwatsha umhedla wami, isandla sami sizababhubhisa.

U-Isaya 10:10

Njengokuba isandla sami sifinyelele emibusweni yezithombe, emifanekiso yayo ebaziweyo mikhulu kuleyeJerusalema leyeSamariya,

UJobe 32:22

Ngoba kangikwazi ukukhukhumeza, futhi uMenzi wami angangisusa masinyane.

AmaHubo 55:22

Wethulele phezu kweNkosi umthwalo wakho, yona izakukusekela; kayiyikuvuma lanini ukuba olungileyo anyikinywe.

AmaHubo 116:11

Ngathi ekwesabeni kwami: Bonke abantu kabathembeki.

AmaHubo 140:12

Ngiyazi ukuthi iNkosi iyayimela indaba yohluphekayo, iyabenzela ukulunga abayanga.

Izaga 26:24

Ozonda umuntu angawakhuluma amazwi amnandi, kodwa afihle inkohliso enhliziyweni yakhe;

U-Isaya 59:4

Kakho omangala ngendlela eqondileyo, kakho oya emthethweni ngendlela eqotho. Bathemba okuyize, bakhulume amanga, bamitha kubi, bazale ububi.

UJeremiya 9:8

Ulimi lwabo lungumtshoko obulalayo, lukhuluma inkohliso; yilowo lalowo ukhuluma kuhle ngomlomo wakhe lomakhelwana wakhe, kodwa enhliziyweni yakhe wenza amacebo okumcathamela.

UJeremiya 12:6

Ngoba abafowenu kanye lendlu kayihlo labo bakukhohlisile, bakuzingela; ungabathembi, loba bekhuluma amazwi amnandi kuwe.