AmaHubo 102:14 - iBhayibhili Elingcwele 1978

¹⁴ Ngoba izinceku zakho ziyawathanda amatshe alo, zilesihawu othulini lwalo.

IBhayibhili Elingcwele LesiNdebele

¹⁴ Ngoba amatshe ayo aligugu ezincekwini zakho; othuli lwayo nje lubalethela usizi.

AmaHubo 102:14 Referans Kwoze

UNehemiya 4:2

Wathi phambi kwabakibo laphambi kwempi yaseSamariya: LababaJudanyana bathi benzani na? Bathi bazayilungisa indawo na? Bathi bazanikela umnikelo, bawuqede umsebenzi ngasuku lunye na? Bangenza amatshe yini ngezinqwaba zengcekeza, layo ingetshileyo na?

AmaHubo 79:1

Nkulunkulu, abezizwe sebengenile elizweni lakho; balingcolisile ithempeli lakho elingcwele, balidilizile iJerusalema.

UNehemiya 4:10

Kodwa abakoJuda bathi: Amandla abathwali asephelile, kanti izibi zisenengi; sesisahluleka ukusebenza emdulini.

UNehemiya 4:6

Sawakhake umduli, yaze yahlangana yonke ingxenye yokuphakama kwawo, ngoba abantu babezimisele ukusebenza.

UNehemiya 2:17

Ngasengisithi kibo: Liyabona inhlupheko esikiyo ukuthi iJerusalema lidilikile lamasango alo atshile. Wozani sakhe umduli waseJerusalema ukuba singabi lahlazo.

UNehemiya 2:3

ngathi enkosini: Bayethe, nkosi! Ngizayekelelani ukudana nxa umuzi wakithi, indawo yamangcwaba abokhokho, usulunxiwa, lamasango awo asatshiswa ngomlilo na?

UNehemiya 1:3

Bathi kimi: Labo ababuyayo ekuthunjweni baphakathi kokuhlupheka okukhulu lehlazo, ngoba lomduli waseJerusalema sewadilika, lamasango alo atshiswa ngomlilo.

U-Ezra 7:27

UEzra wasesithi: Kayibongwe iNkosi uNkulunkulu wabokhokho eyafaka into enjengale enhliziyweni yenkosi ukuba ithempeli eliseJerusalema libe lodumo,

U-Ezra 1:5

Kwasekusuka inhloko zezindlu zakoJuda lakoBenjamini, labapristi lamaLevi, labo bonke uNkulunkulu ayevuse inhliziyo zabo ukuba baye ukwakha ithempeli eJerusalema.

UDanyeli 9:16

Nkosi, ngakho konke ukulunga kwakho dedisa ulaka lwakho lokuthukuthela kwakho emzini waseJerusalema, entabeni yakho engcwele. Ngoba ngenxa yezono zethu langobubi babokhokho iJerusalema labantu bakho bayisiga phakathi kwabo bonke abasihanqileyo.

URuthe 1:6

Wasesuka eMowabi labomalokazana bakhe, ngoba wayesezwile eselizweni laseMowabi ukuthi iNkosi ibakhumbule abantu bayo, yabanika ukudla.

AmaHubo 119:126

Sekuyisikhathi seNkosi sokuba isebenze, ngoba abantu bawaphule umlayo wakho.

U-Isaya 14:1

INkosi izakumhawukela uJakobe, ibuye imkhethe futhi uIsrayeli, ibabeke elizweni lakibo; labezizwe bazahlangana labo, bahlale labo.

U-Isaya 40:2

Misani iJerusalema isibindi, limemeze kulo ukuthi insuku zalo zobunzima seziphelile, lokuthi lithethelelwe ububi balo, ngoba lamukelisiwe esandleni seNkosi okuphindwe kabili ngazo zonke izono zalo.

U-Isaya 51:3

Ngoba iNkosi izakuliduduza iZiyone, iduduze wonke amanxiwa alo, izakwenza inkangala yalo ifane leEdeni, lomhlaba walo olugwadule ufane lensimu yeNkosi; injabulo lentokozo kuzafunyanwa khona, lokubonga lelizwi lokuhlabelela.

UJeremiya 29:10

INkosi ithi: Lapho iminyaka engamatshumi ayisikhombisa isiphelile eBabiloni, ngizalihambela, ngigcwalise isithembiso sami, ngilibuyise kulindawo.

UJeremiya 30:18

INkosi ithi: Ngizabuyisa abantwana bakaJakobe, ngihawukele wonke amakhaya abo. Yonke imizi izakwakhiwa futhi endaweni yayo, lazo zonke izindlu zakhiwe njengakuqala.