AmaHubo 101:5 - iBhayibhili Elingcwele 1978

⁵ Yena ohleba umakhelwana wakhe ensitha ngizakumchitha. Ozigqajayo lozikhukhumezayo kangiyikumvumela.

IBhayibhili Elingcwele LesiNdebele

⁵ Lowo ochothoza umakhelwane wakhe ngasese, lowo ngizamthulisa; olamehlo asesiphundu lenhliziyo ezigqajayo, lowo kangilasikhathi laye.

AmaHubo 101:5 Referans Kwoze

AmaHubo 18:27

Ngoba wena uyabakhulula abantu abathobekileyo; kodwa abantu abazigqajayo uyabehlisela phansi.

AmaHubo 15:3

ongahlebiyo ngolimi lwakhe, ongenzi okubi kumngane wakhe, longatheli ngehlazo umakhelwana wakhe;

Izaga 30:13

Kukhona labo abazikhukhumezayo, yebo, bayazikhukhumeza sibili!

AmaHubo 50:20

Uhlala unyeya umfowenu, uhlebe indodana kanyoko.

UThithu 2:3

Ngokunjalo weluleke labesifazana abadala ukuba baziphathe ngokufaneleyo, bangabi ngabahlebayo, bangafuywa yikunatha; kababe ngabafundisi bokuhle,

1 AbaseKhorinte 5:11

Kodwa ngalilobela ukuba lingahlangani lomuntu obizwa ngokuthi ungumzalwane, uba eyisiphingi, loba eyisihwaba, loba ekhonza izithombe, loba eyisithuki, loba eyisidakwa, ingabe engumphangi; lingaze ladla laye lakanye.

ULukha 18:14

Ngithi kini: Lumuntu wehlela endlini yakhe elungisisiwe emehlweni kaNkulunkulu kulalowo omunye. Ngoba ilowo lalowo oziphakamisayo uzakuthotshiswa, kodwa ozithobayo uzakuphakanyiswa.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

Izaga 20:19

Onyeyayo uhlakaza imfihlakalo; ungahlangani lomuntu ophophothayo.

UHezekhiyeli 22:9

Kukhona kuwe abantu abahlebayo ukuba bachithe igazi, labadlela phezu kwezintaba emathempelini, labawulayo.

U-Isaya 2:11

Abantu abaziphakamisayo bazakwehliselwa phansi, lokuzikhukhumeza kwabantu kuzakuthotshiswa, kuphakame iNkosi kuphela ngalolosuku.

Izaga 25:23

Njengomoya wasenyakatho uletha izulu, ngokunjalo ukunyeya kuletha ulaka.

Izaga 10:18

Okhuluma amanga ulenzondo, lohlebayo uyisithutha.

AmaHubo 138:6

Loba iNkosi iphakeme, iyakhumbula abathobekileyo; kodwa abazigqajayo iyababona ikhatshana.

1 USamuyeli 2:3

Lingabe lisakhuluma ngokuzigqaja kangaka, kungaphumi ukuziqakisa emilonyeni yenu; ngoba iNkosi inguNkulunkulu wokwazi, lezenzo ziyalinganiswa yiyo.

ULevi 19:16

Lingahambahambi linyeya phakathi kwabakini; lingamelani lomakhelwane wenu. NgiyiNkosi.

U-Eksodasi 23:1

Ungayixoxi indaba yamanga, ungahlangani lomuntu omubi ukuba ube ngufakazi wamanga.

U-Eksodasi 20:16

Ungafakazi amanga ngomakhelwana wakho.

1 uTimothi 3:11

Ngokunjalo labomkabo bafanele ukuba babe ngabahloniphekayo abanganyeyiyo, abazithintayo, abathembekileyo ezintweni zonke.

Izaga 21:4

Ukuzikhukhumeza lokuzigqaja kuyizono ezibusa ababi.