AmaHebheru 10:1 - iBhayibhili Elingcwele 1978

¹ Ngoba lokhu umlayo ulesithunzi sezinto ezinhle ezizayo, ungesiwo umfanekiso oqotho wazo uqobo, ungeze waba lamandla ngaleyomihlatshelo enikelwa njalonjalo iminyaka ngeminyaka ukubenza baphelele labo abasondelayo.

IBhayibhili Elingcwele LesiNdebele

¹ Umthetho uyisithunzi nje sezinto ezinhle ezizayo kodwa hatshi lokho okuyikho uqobo. Ngenxa yemihlatshelo efanayo ephindwaphindwa kokuphela iminyaka leminyaka ayingeke ibenze baphelele labo abasondela ekukhonzeni.

AmaHebheru 10:1 Referans Kwoze

AmaHebheru 8:5

Bakhonza endaweni engcwele engumfanekiso lesithunzi sokwasezulwini, njengoba uMose esezakwenza ithente walaywa ngokuthi: Qaphelisa ukuthi ukwenza konke ngesifanekiso owaboniswa sona entabeni.

AmaHebheru 9:11

Kodwa lokhu uKristu esefikile, engumpristi omkhulu wezinto ezinhle esezikhona, ithente lobupristi bakhe lingelikhulu lelipheleleyo, elingenziwanga ngezandla zabantu, okuyikuthi elingesilo lalumhlaba odaliweyo.

AbaseKholose 2:17

Lezizinto ziyisithunzi nje salokho okuzayo; kodwa umzimba oyiwo ngokaKristu.

AmaHebheru 9:23

Ngokunjalo kwakudingeka ukuba imifanekiso yezinto zasezulwini ihlanjululwe ngalokho, kodwa izinto zasezulwini uqobo zidinga ukuhlanjululwa ngeminikelo emihle kulale.

AmaHebheru 9:25

kungesikho futhi ukuba azinikele kanengi, njengalokhu umpristi omkhulu engena endaweni engcwele iminyaka ngeminyaka, ephethe igazi elingesilo elakhe;

AbaseRoma 8:3

UNkulunkulu ukwenzile lokho okwahlula umlayo, ngoba umlayo waba buthakathaka ngenxa yesimo somuntu; ngokuthuma iNdodana yakhe ilesimo esifana lesomuntu esibi, ibe ngumhlatshelo wesono, walahla isono kulesosimo,

AmaHebheru 7:11

Ubake kwakukhona ukuphelela ngobupristi bukaLevi, ngoba isizwe sanikwa umlayo ngenxa yabo, kwakusadingekelani ukuba kuvele omunye umpristi ngokwendlela kaMelkizedeki engabizwa ngokwendlela kukaAroni na?

AmaHebheru 10:22

ngakhoke asisondele ngenhliziyo eqinisileyo langokuthemba okupheleleyo kokukholwa, zifafaziwe inhliziyo zethu, lungasekho uvalo lokubi, lemizimba yethu igezisiwe ngamanzi acwebileyo.

ULevi 9:16

Waletha umnikelo wokutshiswa, wanikela ngawo njengokwesimiso.