AmaHebheru 1:1 - iBhayibhili Elingcwele 1978

¹ UNkulunkulu wakhuluma endulo kubokhokho ngabaprofethi ngamathuba amanengi langezindlela ezinengi.

IBhayibhili Elingcwele LesiNdebele

¹ Kudala uNkulunkulu wakhuluma kubokhokho kanenginengi ngabaphrofethi langezindlela ezehlukeneyo

AmaHebheru 1:1 Referans Kwoze

UJoweli 2:28

Kuzakuthi emva kwalokho ngithele umoya wami phezu kwabantu bonke; amadodana enu lamadodakazi enu azakwazisela, labadala benu baphuphe amaphupho, lensizwa zenu zibone imibono.

ULukha 24:27

Esusela kuMose lakubo bonke abaprofethi, wabachasisela emibhalweni yonke izinto eziqondene laye.

Imisebenzi 2:30

Yena engumprofethi, ekwazi ukuthi uNkulunkulu wafunga ngesifungo kuye ukuba enzalweni yakhe uzakubeka omunye esihlalweni sakhe sobukhosi,

ULukha 1:55

njengokuthembisa kwakhe kubokhokho ukuthi uzakuba lesihawu kuAbrahama lasenzalweni yakhe kuze kube nininini.

Imisebenzi 13:32

Lathi sililethela ivangeli lesithembiso esenziwa kubokhokho

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

AmaHebheru 2:2

Ngoba uba ilizwi elakhulunywa yizithunywa laqiniseka, lakho konke ukuphambuka lokungalaleli kwaphindiselwa ngokufaneleyo,

ULukha 1:72

ukubenzela isihawu okhokho lokukhumbula isivumelwano sayo esingcwele.

Imisebenzi 28:23

Kwathi sebemmisele usuku beza kuye endlini yakhe bebanengi, wabachasisela indaba kusukela ekuseni kwaze kwaba kusihlwa, wafakaza ngombuso kaNkulunkulu ezama ukubaphendula ngoJesu, ethathela emlayweni kaMose labaprofethi.

UJohane 9:29

Siyazi ukuthi uNkulunkulu wakhuluma kuMose, kodwa lumuntu kasimazi lapho avela khona.

UJohane 7:22

UMose walinika ukusoka — kungesikho ukuthi kwavela kuMose kodwa kubokhokho — liyamsoka umuntu langeSabatha.

ULukha 24:44

Wasesithi kibo: Yila amazwi ami engawakhuluma kini ngiseselani okuthi: Kumele ukuba kugcwaliseke konke okwalotshwa ngami emlayweni kaMose, lakubaprofethi, lakumahubo.

UGenesisi 6:3

INkosi yasisithi: Umoya wami kawuyikuhlala njalo emuntwini njengoba eyinyama nje; kodwa umuntu uzakuhlala iminyaka elikhulu lamatshumi amabili.

UJohane 16:13

Nxa uMoya weqiniso esefikile, yena uzakuliholela eqinisweni lonke; ngoba kayikuzikhulumela ngokwakhe, kodwa lokho akuzwayo uzakukukhuluma, alibikele izinto ezizayo.

Imisebenzi 3:21

okumele ukuba izulu limamukele, kuze kufike isikhathi sokubuyisela konke lokhu uNkulunkulu akutshoyo endulo ngomlomo wabaprofethi bakhe abangcwele.

AmaHebheru 2:3

thina sizakuphepha kanjani, uba sidelela ukusiliswa okungaka na? Kwakhulunywa kuqala yiNkosi, kwafakazwa kithi yilabo abayizwayo,

AmaHebheru 3:5

UMose kambe wayethembekile endlini yonke kaNkulunkulu njengenceku, ukuze kufakazelwe lokho obekuzakukhulunywa;

AmaHebheru 4:8

Ngoba uba uJoshuwa wayebaphumuzile, uNkulunkulu wayengayikukhuluma emva kwalokho ngolunye usuku.

AmaHebheru 5:5

Ngokunjalo loKristu kaziphakamisanga yena aze abe ngumpristi omkhulu, kodwa wamiswa yilowo owathi kuye: Wena uyiNdodana yami, lamuhla ngikuzele.

AmaHebheru 9:19

Ngoba lapho isimenyezelwe imithetho yonke yomlayo nguMose ebantwini bonke, wathatha igazi lamankonyane lelembuzi kanye lamanzi loboya obubomvu lozipho, wafafaza incwadi labantu bonke,

AmaHebheru 11:2

Abendulo bafakazelwa ngakho emibhalweni.

AmaHebheru 11:18

okwakuthiwe ngayo: Inzalo yakho izakubizwa ngoIsaka.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.