AbaseRoma 2:2 - iBhayibhili Elingcwele 1978

² Siyazi ukuthi ukuthonisisa kukaNkulunkulu kwehlela ngokweqiniso abenza okunjalo.

IBhayibhili Elingcwele LesiNdebele

² Siyakwazi ukuthi ukubahlulela kwakhe uNkulunkulu labo abenza izinto ezinje kweyame eqinisweni.

AbaseRoma 2:2 Referans Kwoze

UZefaniya 3:5

INkosi iphakathi kwawo ilungile, kayenzi okubi; insuku zonke ekuseni iyenza okufaneleyo, futhi kayiphuthi; kodwa omubi kalanhloni.

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

UJeremiya 12:1

Ulungile, wena Nkosi, loba ngisola kuwe; kanti ngizabeka ukusola kwami phambi kwakho. Kungani indlela yababi iphumelela na? Kungani bephumelela bonke ababi?

AmaHubo 98:9

phambi kweNkosi, ngoba iyeza ukwahlulela umhlaba; izakuwahlulela umhlaba ngokulunga, lezizwe ngobuqotho.

AmaHubo 96:13

phambi kweNkosi, ngoba iyeza, iyeza ukwahlulela umhlaba; izakuwahlulela umhlaba ngokulunga, labantu ngeqiniso layo.

Isambulo 19:2

ngoba ukuthonisisa kwakhe kuqotho, kulungile; usilahlile isiphingi esikhulu esonakalise umhlaba ngokuphinga kwaso, uphindisele kuso igazi lezinceku zakhe.

Isambulo 16:5

Ngezwa isithunywa samanzi sisithi: Wena oNgcwele okhona lowayekhona, ulungile ngokuthonisisa kwakho;

AbaseRoma 9:14

Phoke, sizakuthini? Kukhona ukungalungi kuNkulunkulu na? Phinde!

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

Imisebenzi 17:31

ngoba umisile usuku azakuthonisisa umhlaba ngalo ngokulunga ngomuntu ammisileyo, enika bonke abantu ithemba ngokumvusa kwabafileyo.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UHezekhiyeli 18:29

Kodwa uIsrayeli uthi: Indlela yeNkosi kayiqondanga. Wena Israyeli, indlela zami kaziqondanga na? Kakusizo ezenu indlela ezingaqondanga na?

UHezekhiyeli 18:25

Kanti lithi: Indlela yeNkosi kayiqondanga. Zwaninike, lina Israyeli; indlela yami kayiqondanga na? Kakusizo ezenu indlela ezingaqondanga na?

U-Isaya 45:21

Wozani, lilandise indaba yenu; cebisanani lonke. Ngubani owamemeza lokho endulo na? Ngubani owakubikezela kudala na? Kwakungayisimi, iNkosi na? Kakukho omunye unkulunkulu ngaphandle kwami, onguNkulunkulu olungileyo loMsilisi; kakho omunye ngaphandle kwami.

U-Isaya 45:19

Kangikhulumelanga ekusithekeni elizweni lomnyama, kangitshongo kuyo inzalo kaJakobe ukuthi: Ngidingani ezeni. Mina Nkosi ngikhuluma iqiniso, ngitsho okuqotho.

AmaHubo 9:4

Ngoba wena uyimele indaba yami lamalungelo ami, wahlulela ngokulungileyo uhlezi esihlalweni sakho sobukhosi.

UJobe 34:23

Kakukho insuku ezimiselwe abantu ukuma phambi kukaNkulunkulu, bahlulelwe.

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

AbaseRoma 2:1

Ngakhoke, wena muntu, kawulakuzilandulela, loba ungubani, lapho uthonisisa; ngoba ngalokho othonisisa ngakho omunye uyazilahla wena, ngoba wena othonisisayo uyakwenza khona lokho lawe.

AbaseRoma 2:3

Wena muntu othonisisa abenza okunjalo, ukwenza lawe, ucabanga ukuthi uzakuphepha ukuthonisisa kukaNkulunkulu na?