AbaseRoma 2:10 - iBhayibhili Elingcwele 1978

¹⁰ kodwa inkazimulo lodumo lokuthula kuzakwehlela phezu kwabo bonke abenza okuhle, umJuda kuqala, lomGriki futhi.

IBhayibhili Elingcwele LesiNdebele

¹⁰ kodwa inkazimulo, udumo kanye lokuthula kuye wonke owenza okulungileyo, kuqala kumJuda kulandele koweZizweni.

AbaseRoma 2:10 Referans Kwoze

U-Isaya 32:17

Ukulunga kuzaletha ukuthula lokuvikeleka, kuze kube nininini.

U-Isaya 26:12

Nkosi, uzakusenzela okuhle, ngoba layo yonke imisebenzi yethu siyenzelwe nguwe.

AmaNani 6:26

INkosi iphakamise amehlo ayo ilikhangele, ilehlisele ukuthula.

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

UJakhobe 3:13

Ngubani ohlakaniphileyo loqedisisayo phakathi kwenu na? Katshengise ngokuhamba kwakhe okuhle imisebenzi yakhe ngobumnene langokuhlakanipha.

AbaseRoma 8:6

Ukunakana ngokwabantu kuyikufa; kodwa ukunakana ngoMoya kuyikuphila lokuthula.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

ULukha 1:79

ukubakhanyisela abahlezi emnyameni lasethunzini lokufa, lokuqondisa inyawo zethu endleleni yokuthula.

UJobe 22:21

Buyisana loNkulunkulu ube lokuthula, ngalokho uzazuza okuhle.

UJakhobe 2:22

Uyabona ukuthi ukukholwa kwakusebenza kanye lemisebenzi yakhe, lokuthi ukukholwa kwapheleliswa ngemisebenzi,

AbaseGalathiya 5:6

Ngoba kuKristu kakusizi lutho ukusoka lokungasoki, kodwa kuphela ukukholwa okusebenza ngothando.

AbaseRoma 5:1

Ngakhoke lokhu sesilungisisiwe ngokukholwa, asibe lokuthula kuNkulunkulu ngeNkosi yethu uJesu Kristu.

AbaseRoma 2:9

Usizi lokubandezeka kuzakwehlela abantu bonke abenza okubi, umJuda kuqala, lomGriki futhi;

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

AbaseFiliphi 4:7

Ukuthula kukaNkulunkulu okudlula ukuqedisisa konke kuzakulondoloza inhliziyo zenu lemicabango yenu kuKristu Jesu.

AbaseGalathiya 5:22

Kodwa izithelo zikaMoya ziluthando, lokuthokoza, lokuthula, lokubekezela, lobubele, lokulunga, lokuthembeka,

AbaseRoma 15:13

Kungathi uNkulunkulu wethemba angaligcwalisa ngentokozo yonke langokuthula konke ekukholweni kwenu, ukuze ngamandla kaMoya oNgcwele likhule ethembeni.

AbaseRoma 14:17

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele.

AbaseRoma 9:23

ukuze abonakalise inotho yenkazimulo ezitsheni zomusa ayezilungisele inkazimulo yakhe ngaphambili na?

AbaseRoma 9:21

Kalamandla yini umbumbi phezu kwebumba ukuba ngesigaqa sisinye enze izitsha ezimbili, esinye sibe lomsebenzi omkhulu lesinye sibe lomsebenzi omncinyane na?

Imisebenzi 10:35

kodwa ezizweni zonke omesabayo lowenza ukulunga uyamukeleka kuye.

UJohane 12:26

Uba umuntu engikhonza, kangilandele; lalapho ngikhona, uzakuba khona umfokazi wami. Uba umuntu engikhonza, uBaba uzakumdumisa yena.

ULukha 22:14

Kwathi sesifikile isikhathi, wahlala ekudleni, labaphostoli babelaye.

ULukha 19:42

esithi: Kungathi ngabe wazile lawe ngalolusuku izinto eziletha ukuthula; kodwake zifihlakele emehlweni akho.

ULukha 12:37

Zibusisiwe lezonceku okuzakuthi, inkosi nxa ifika, izifumane zilindile. Ngiqinisile ngithi kini: Izakubopha ukhalo lwayo, izihlalise ekudleni, iziphakululele.

ULukha 9:48

Wathi kubo: Ilowo lalowo owamukela lumntwana ngebizo lami wamukela mina; owamukela mina wamukela ongithumileyo; ngoba omncinyane kini lonke nguye omkhulu.

UMatewu 10:13

Aluba indlu ifanele, ukuthula kwenu kakube phezu kwayo; kodwa uba ingafanele, ukuthula kwenu kakubuyele kini.

UJeremiya 33:6

Kodwa ngizawulethela ukuphila lokusiliswa; ngizabasilisa abantu bawo, ngibatshengise ukuphumelela lokulondoloza kwami okunengi.

U-Isaya 57:19

INkosi ithi: Ukuthula, ukuthula kakube kubo abakhatshana labaseduze; ngizakubasilisa abantu bami.

U-Isaya 48:22

INkosi ithi: Kakulakuthula lakancinyane kwababi.

U-Isaya 48:18

Kungathi ngabe walalela imilayo yami! Ng’khona izibusiso zakho zazizakuba njengomfula ogelezayo, lokuphumelela kwakho kube njengamavinqo olwandle;

Izaga 11:18

Omubi uzuza umvuzo oyinkohliso, kodwa ohlanyela ukulunga uzazuza umvuzo weqiniso.

Izaga 8:18

Kimi kukhona inotho lodumo, inotho engelakuphela lempumelelo.

AmaHubo 37:37

Mqhaphelise olungileyo, umbone oqotho, ngoba umuntu wokuthula ulenzalo.

AmaHubo 29:11

INkosi inika abantu bayo amandla; iNkosi ibusise abantu bayo ngokuthula.

AmaHubo 15:2

Yilowo ohamba ngobuqotho lowenza okulungileyo, okhuluma iqiniso enhliziyweni yakhe,

1 USamuyeli 2:30

Ngakhoke iNkosi uNkulunkulu kaIsrayeli uthi: Ngathembisa ukuthi indlu yakho lendlu kayihlo zizakhonza phambi kwami kuze kube nininini; kodwa khathesi iNkosi ithi: Kakuyikuba njalo; ngoba labo abangihloniphayo, ngizabahlonipha, labangidelelayo ngizabadelela.

1 UPhethro 5:4

Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

U-Isaya 55:12

Lizakuphuma lina ngokuthokoza, liholwe ngokuthula; izintaba lamaqaqa kuzahlokoma ngokuhlabela phambi kwenu, lezihlahla zonke zeganga ziqakeze izandla zazo.

1 uTimothi 1:17

Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

AmaHebheru 2:7

Wamenza waba mncinyane kulezithunywa okwesikhatshana; wamethwesa umqhele wobukhosi lodumo;