AbaseRoma 1:8 - iBhayibhili Elingcwele 1978

⁸ Kuqalake ngibonga uNkulunkulu wami ngoJesu Kristu ngani lonke, ngoba ukukholwa kwenu kunconywa emhlabeni wonke.

IBhayibhili Elingcwele LesiNdebele

⁸ Kuqala ngibonga uNkulunkulu wami ngoJesu Khristu ngilibongela lani, ngoba ukukholwa kwenu kubikwa umhlaba wonke.

AbaseRoma 1:8 Referans Kwoze

AbaseRoma 16:19

Bonke sebezwile ngokulalela kwenu; ngakhoke ngiyathokoza ngani; kodwa ngithanda ukuba lihlakaniphe kokuhle, libe ngabangahlakaniphanga kokubi.

1 AbaseKhorinte 1:4

Ngiyambonga uNkulunkulu ngesikhathi sonke ngani ngenxa yomusa kaNkulunkulu eliwuphiweyo kuKristu Jesu,

AbaseRoma 6:17

Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo,

1 UPhethro 4:11

Uba umuntu ekhuluma, kakhulume ngokungathi ukhuluma amazwi kaNkulunkulu; uba umuntu esebenza, kasebenze ngamandla awanikwa nguNkulunkulu, ukuze uNkulunkulu adunyiswe kukho konke ngoJesu Kristu. Kukhona kuye ubukhosi lamandla kuze kube nininini. Ameni.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

AbaseKholose 1:3

Siyambonga njalo uNkulunkulu uYise weNkosi yethu uJesu Kristu nxa silikhulekela,

AbaseFiliphi 1:3

Ngiyambonga uNkulunkulu wami ekulikhumbuleni kwami konke;

Abase-Efesu 1:15

Ngenxa yalokho lami, esengizwile ngokukholwa kwenu eNkosini uJesu lothando lwenu kubo bonke abangcwele,

AbaseFiliphi 1:11

ligcwaliswe ngezithelo zokulunga ezingoJesu Kristu, kube yibukhosi lodumo kuNkulunkulu.

Abase-Efesu 5:20

limbonge njalo uNkulunkulu ngakho konke ebizweni leNkosi yethu uJesu Kristu.

UMatewu 24:14

Lelivangeli lombuso lizakutshunyayelwa emhlabeni wonke kube yibufakazi ezizweni zonke, andubana kufike ukuphela.

Abase-Efesu 3:21

kakube kuye udumo ebandleni lakuKristu Jesu ezizukulwaneni zonke kuze kube nini lanini. Ameni.

Imisebenzi 11:28

Kwasukuma omunye wabo othiwa nguAgabusi, watshengisa ngoMoya ukuthi kuzakuba khona indlala enkulu emhlabeni wonke, eyaba khona ensukwini zikaKlawudiya.

ULukha 2:1

Kwathi ngalezonsuku kwaphuma isimemezelo kuKesari uAgastasi sokuba kubalwe ilizwe lonke.

Imisebenzi 28:22

Kodwa sifisa ukuzwa okunakanayo wena, ngoba mayelana lalelihlelo siyazi ukuthi liyaphikiswa endaweni zonke.

AbaseRoma 10:18

Kodwa ngithi: Kabezwanga na? Impela, bezwa. Ngoba kuthiwa: Ilizwi labo liphumele emhlabeni wonke, lamazwi abo aphumele emikhawulweni yomhlaba.

2 AbaseKhorinte 2:14

Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

Abase-Efesu 1:16

kangiyekeli ukulibongela, ngilikhumbula emikhulekweni yami,

1 AbaseThesalonika 1:2

Sibonga uNkulunkulu ngezikhathi zonke ngani lonke, sihlala siliphatha ekukhulekeni kwethu;

1 AbaseThesalonika 2:13

Ngalokho kasiyekeli ukumbonga uNkulunkulu, ukuthi kuthe lapho lilamukela ilizwi likaNkulunkulu elalizwa ngathi, kalilamukelanga njengelizwi labantu kuphela kodwa njengelizwi likaNkulunkulu, njengoba liyilo isibili lona elisebenzayo phakathi kwenu lina elikholwayo.

2 AbaseThesalonika 1:3

Simele ukumbonga njalo uNkulunkulu ngani, bazalwane, njengoba kufanele, ngoba ukukholwa kwenu kuyanda kakhulu, lothando lwenu lonke omunye komunye luyakhula.

2 uTimothi 1:3

Ngiyambonga uNkulunkulu engimkhonzayo njengabokhokho bami ngesazela esimhlophe, lapho ngikukhumbula futhifuthi ekukhulekeni kwami.

UFilimoni 1:4

Ngiyambonga uNkulunkulu wami ngezikhathi zonke ekukukhumbuleni kwami emikhulekweni yami,