AbaseKholose 3:8 - iBhayibhili Elingcwele 1978

⁸ Kodwa khathesi lahlani konke lokhu, ulaka, ukuthukuthela, inzondo, ukuhlambaza, lokukhuluma okubi ngomlomo wenu.

IBhayibhili Elingcwele LesiNdebele

⁸ Kodwa khathesi zilahleni zonke izinto ezinjengalezi: ulaka, ukuthukuthela, inzondo, ukunyeya lenkulumo ebolileyo.

AbaseKholose 3:8 Referans Kwoze

Abase-Efesu 4:29

Kakungaphumi emlonyeni wenu lalinye ilizwi elibi, kodwa kakube ngelilungele ukwakha njengokufaneleyo ngalesosikhathi, ukuze libe yisibusiso kulabo abezwayo.

Abase-Efesu 4:22

ukuba lilahle isimo esidala esokonakeleyo ngezinkanuko zenkohliso, esingesokuhamba kwenu kokuqala,

Abase-Efesu 5:4

Kakungabi khona amanyala, lokukhuluma okuyize, lokulawula okungcolileyo, okuyizinto ezingafanelanga; kodwa kakube khona ukubonga.

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

Abase-Efesu 4:26

Thukuthelani lingoni; ilanga kalingatshoni lisathukuthela;

AmaHebheru 12:1

Ngakhoke lathi, lokhu sihanqwe lixuku elingaka labofakazi, asilahle konke okusindayo lesono esithandele kangaka kithi, sigijime ngokubekezela lokhukuncintanisana esikumiselweyo,

Izaga 29:22

Umuntu ololaka oluvuthayo ubanga ukuxabana, lomuntu othukuthelayo kakhulu wandisa ukona.

AbaseKholose 3:9

Lingaqambelani amanga, lokhu selimlahlile umuntu omdala lezenzo zakhe,

1 UPhethro 2:1

Ngakho lahlani ububi bonke, lobuqili bonke, lokuzenzisa, lomhawu, lokuhleba.

2 AbaseKhorinte 12:20

Ngilovalo lokuthi ekufikeni kwami mhlawumbe ngizakulifumana lingenjengalokho engikuthandayo, lami lingifumane ngingenjengalokho elikuthandayo. Ngilovalo lokuthi mhlawumbe kungaba khona ukuxabana, lomona, lokuthukuthela, lombango, lokuhleba, lokunyeya, lokuzazisa, leziphithiphithi.

1 AbaseKhorinte 3:3

ngoba liseyibo abomhlaba. Nxa kusekhona umhawu lokuphikisana phakathi kwenu, kalisibo abomhlaba na? Kalihambisi okwabantu na?

UMatewu 5:22

Kodwa mina ngithi kini: Ilowo lalowo othukuthelela umfowabo uzakuba lecala lokuthonisiswa; lothuka umfowabo uzakuba lecala emphakathini. Lotshoyo ukuthi: Sithutha ndini! uzakuba lecala lokuphoselwa esihogweni somlilo.

AmaHubo 37:8

Zithinte ekuthukutheleni, uyekele ulaka; ungazikhathazi, ngoba kubanga ukona.

AbaseGalathiya 5:15

Kodwa uba lilumana, lidlana, qaphelani ukuba lingaqedani.

AbaseRoma 13:13

Asihambe ngokufaneleyo njengasemini, singahambi ngokuminza langokudakwa, langokufeba, langokungabi lanhloni, langokuxabana, langomona.

Izaga 17:14

Ukuqala kwenkani kunjengokufohla kwamanzi; ngakho yekela ukuxabana kungaketshisi.

UJuda 1:8

Ngokunjalo lababantu ekuphupheni kwabo bayona imizimba yabo, beyisa amandla eNkosi, bahlambaze abalenkazimulo.

2 UPhethro 2:18

Ngokuziqakisa okuyize bayabayenga ngezinkanuko zomzimba langamanyala labo asebephose baphuma ekuduheni;

UJakhobe 2:7

Kabalihlambazi ibizo elihle elibizwa ngalo na?

1 uTimothi 1:20

okukhona phakathi kwabo uHimeneyo loAleksandro engibanikele kuSathane, ukuze bafunde ukuba bangahlambazi.

1 uTimothi 1:13

loba ngangikade ngingomhlambazayo, lomzingelayo, lomthukayo. Kodwa ngahawukelwa ngoba ngangikwenza ngokungazi, ngokungakholwa;

AbaseGalathiya 5:26

Kasingazikhukhumezi, siqalane, sifelane umona.

AbaseGalathiya 5:20

lokukhonza izithombe, lokuthakatha, lobutha, lenkani, lomona, lolaka, lokubanga, lokuxabana, lokwahlukana,

UMakho 7:22

lobufebe, lomhawu, lokuxhwala, lenkohliso, lamanyala, lomona, lokunyeya, lokuzigqaja, lobuthutha;

Isambulo 16:9

Abantu batshiswa yikutshisa okukhulu; kodwa balithuka ibizo likaNkulunkulu obelamandla phezu kwalezizifo, kabaphendukanga ukuba bamdumise.

Izaga 19:19

Umuntu ololaka oluvuthayo uzatshaywa ngenxa yalo; uba wena umsiza, ng’khona umbangayo.

UJuda 1:13

bangamavinqo olwandle aphosekayo, abhubhudla amahlazo awo; bazinkanyezi eziduhayo ezigcinelwe umnyama omkhulu ongapheliyo.

2 UPhethro 2:7

Kodwa wamophula uLoti olungileyo, owahlutshwa yikuhamba okubi kwabangalunganga;

Abase-Efesu 4:25

Ngakhoke lahlani amanga, likhulume iqiniso ilowo lalowo lomakhelwane wakhe, ngoba siyizitho zomzimba munye.