AbaseKholose 3:4 - iBhayibhili Elingcwele 1978

⁴ Lapho esebonakaliswa uKristu oyikuphila kwethu, lani lizakubonakaliswa kanye laye enkazimulweni.

IBhayibhili Elingcwele LesiNdebele

⁴ Lapho uKhristu oyikuphila kwenu, ebonakala, lani futhi lizabonakala laye enkazimulweni.

AbaseKholose 3:4 Referans Kwoze

UJohane 11:25

UJesu wathi kuye: Mina ngiyikuvuka lokuphila; okholwa kimi, loba esefile, uzakuphila.

1 UJohane 3:2

Bathandekayo, khathesi singabantwana bakaNkulunkulu; kakukabonakali esizakuba yikho, kodwa siyazi ukuthi, nxa esefikile, sizakuba njengaye, ngoba sizakumbona njengoba enjalo.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

1 UPhethro 1:13

Vusani ingqondo zenu, liqonde, lithembe ngokupheleleyo umusa elizakuwamukela ekwambulweni kukaJesu Kristu.

AbaseFiliphi 3:21

ozakuphendula isimo somzimba wethu wasemhlabeni, ufane lomzimba wakhe olenkazimulo, ngamandla awaphiweyo ukuba azehlisele ngaphansi kwakhe zonke izinto.

UJohane 17:24

Baba, ngithanda ukuba labo onginike bona labo babe kanye lami lapho ngikhona, ukuze babone inkazimulo yami onginike yona; ngoba wangithanda kungakadatshulwa umhlaba.

1 UPhethro 5:4

Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.

1 UJohane 2:28

Ngakhoke, bantwana, hlalani kuye ukuze kuthi lapho ebonakala, sibe lesibindi, singabi lanhloni simcatshele ekufikeni kwakhe.

AmaHebheru 9:28

ngokunjalo loKristu, esenikelwe kanye ukuba athwale izono zabanengi uzakubonakala ngokwesibili, engasaqondani lesono, kodwa ukuba asilise labo abamlindeleyo.

Isambulo 22:14

Babusisiwe labo abagezisa ingubo zabo ukuba babe lelungelo esihlahleni sokuphila, bangene emzini ngamasango.

1 AbaseKhorinte 15:43

kuhlanyelwa kulokudelwa, kuvuswe kulenkazimulo; kuhlanyelwa kulobuthakathaka, kuvuswe kulamandla;

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,

UJuda 1:24

Kuye olamandla okulilinda ukuba lingakhubeki, lokulimisa phambi kwenkazimulo yakhe lingelasici, lilokuthokoza okukhulu,

1 UJohane 5:12

Olayo iNdodana ulokuphila; ongelayo iNdodana kalakho ukuphila.

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

UMatewu 13:43

Kung’khonake abalungileyo bazakukhanya njengelanga embusweni kaYise wabo. Olendlebe akezwe.

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

2 AbaseKhorinte 4:17

Inhlupheko yethu elula engeyomzuzwana iyasivezela ubukhosi obungapheliyo, obungelakulinganiswa;

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 14:3

Nxa ngihamba ukuyalilungisela indawo, ngizakubuya futhi, ngilamukele ukuze kuthi lapho ngikhona libe khona lani.

AmaHubo 17:15

Kodwa mina ngizakhangela ubuso bakho ekulungeni, nganeliswe yisimo sakho ekuphaphameni kwami.

2 uTimothi 1:1

Mina Pawuli, umphostoli kaKristu Jesu ngentando kaNkulunkulu ngokwesithembiso sokuphila okukuKristu Jesu,

1 AbaseThesalonika 4:17

thinake esisekhona sisasele sizakuhluthunelwa kanye labo emayezini, sihlangabeza iNkosi emoyeni; sihlale layo kokuphela.

1 AbaseKhorinte 1:7

Ngakho kalisileli lasinye isiphiwo somusa, lisalindele ukwambulwa kweNkosi yethu uJesu Kristu,

UJohane 20:31

Kodwa lezi zilotshelwe ukuba likholwe ukuthi uJesu unguKristu iNdodana kaNkulunkulu, lokuba lithi likholwe, libe lokuphila ebizweni lakhe.

AmaHubo 73:24

Uzakungihola ngeseluleko sakho, emva kwalokho ungamukele ebukhosini.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

1 uTimothi 6:14

ukuba ugcine umthetho ungelasici, ungasoleki kuze kube sekubonakaleni kweNkosi yethu uJesu Kristu,

Imisebenzi 3:15

labulala iNkosi yokuphila ayivusayo uNkulunkulu kwabafileyo, esingofakazi bakho thina.

ULukha 17:30

Kuzakuba njalo ngosuku ezakwambulwa ngalo iNdodana yomuntu.

AbaseRoma 8:18

Ngithi inhlupheko zalesisikhathi kazilakulinganiswa lenkazimulo ezakwambulwa kithi.

AbaseRoma 8:19

Ngoba okudaliweyo kulindele ngokulangatha okukhulu ukwambulwa kwabantwana bakaNkulunkulu.