AbaseKholose 2:7 - iBhayibhili Elingcwele 1978

⁷ ligxilile, lakhiwe kuye, liqiniswe ekukholweni njengokufundiswa kwenu, lande ekubongeni.

IBhayibhili Elingcwele LesiNdebele

⁷ ligxile njalo lakhelwe kuye, liqine ekukholweni njengokufundiswa kwenu, liphuphuma ngokubonga.

AbaseKholose 2:7 Referans Kwoze

Abase-Efesu 3:17

uKristu ahlale enhliziyweni zenu ngokukholwa. Lokhu selilempande, lesisekelo othandweni,

UJeremiya 17:8

Unjengesihlahla esihlanyelwe ngasemanzini, esinabisela impande zaso ngasemfuleni, esingesabi lapho kufika ukutshisa, lemahlamvu aso ahlala eluhlaza; kasethuki lasemnyakeni wokubalela kwelanga, ngoba kasiyekeli ukuthela izithelo.

AbaseKholose 1:23

uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

2 AbaseThesalonika 2:17

aduduze inhliziyo zenu, aliqinise emisebenzini yonke emihle lasemazwini amahle.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

1 UPhethro 5:10

Kodwa lapho selihluphekile okwesikhatshana, uNkulunkulu womusa wonke owalibizela ebukhosini bakhe obungapheliyo ngoKristu, yena oqobo uzakuliphelelisa, aliqinise, alinike amandla.

Abase-Efesu 5:20

limbonge njalo uNkulunkulu ngakho konke ebizweni leNkosi yethu uJesu Kristu.

AbaseRoma 16:25

Kuye olamandla okuliqinisa ngokwevangeli lami langokutshunyayelwa kukaJesu Kristu, langokwambulwa kwemfihlakalo eyayifihliwe ngezikhathi zakade,

AmaHubo 92:13

Bagxunyekiwe endlini yeNkosi, bayakhahlela emagumeni ethempeli likaNkulunkulu wethu.

AmaHubo 1:3

Unjengesihlahla esihlanyelwe ngasemifuleni yamanzi, esithela isithelo saso ngesikhathi saso, esimahlamvu aso kawabuni. Kukho konke akwenzayo uyaphumelela.

UJuda 1:24

Kuye olamandla okulilinda ukuba lingakhubeki, lokulimisa phambi kwenkazimulo yakhe lingelasici, lilokuthokoza okukhulu,

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

AbaseKholose 3:17

Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

1 AbaseThesalonika 5:18

bongani uNkulunkulu ngakho konke; ngoba lokhu kuyintando kaNkulunkulu kuKristu Jesu ngani.

ULukha 6:48

Ufana lomuntu owathi esakha indlu yakhe, wemba watshonisa, wabeka isisekelo phezu kwedwala. Ekufikeni kwempophoma umfula watshaya kuleyondlu, kodwa wawungelamandla okuyinyikinya, ngoba yayakhiwe kuhle.

Abase-Efesu 4:21

Ngoba selimzwile lafundiswa ngaye, njengoba iqiniso likuJesu,

UJuda 1:20

Kodwa lina, bathandekayo, zakheni ekukholweni kwenu okungcwele kakhulu, likhuleke ngoMoya oNgcwele;

2 AbaseKhorinte 1:21

KunguNkulunkulu osiqinisayo kanye lani kuKristu, lowasikhethayo,

UJuda 1:12

Laba balihlazo emadilini enu othando nxa besidla lani bengesabi, bezinanzelela bona bodwa. Bangamayezi angelamanzi, aphetshulwa ngumoya; bayizihlahla ezingatheliyo zebusika, ezife kabili, sezisitshulwe;

1 AbaseKhorinte 1:8

yena ozakuliqinisa kuze kube sekupheleni, lingabi lacala ngosuku lweNkosi yethu uJesu Kristu.

AmaHebheru 13:9

Lingaduhiswa yizifundiso eziyinhlobonhlobo lezingaziwayo; ngoba kuhle ukuthi inhliziyo iqiniswe ngomusa, kungabi ngokudla okungabasizanga lalabo ababebambelela kukho.