AbaseKholose 2:16 - iBhayibhili Elingcwele 1978

¹⁶ Ngakho kakungabi khona umuntu olilahla ngokudla langokunatha, loba langemikhosi, loba ngokuthwasa kwenyanga, loba ngeSabatha.

IBhayibhili Elingcwele LesiNdebele

¹⁶ Ngakho-ke, lingavumeli umuntu elahlulela ngalokho elikudlayo loba elikunathayo loba ngokuphathelane lomkhosi wokholo, ukuthokozela ukuthwasa kwenyanga loba usuku lweSabatha.

AbaseKholose 2:16 Referans Kwoze

AbaseRoma 14:10

Wenake, umsolelani umzalwane wakho na? Futhi umdelelelani umzalwane wakho na? Ngoba sonke sizakuma phambi kwesihlalo sokuthonisisa sikaNkulunkulu.

AbaseGalathiya 4:10

Ligcina insuku lezinyanga lezikhathi leminyaka!

AmaHebheru 13:9

Lingaduhiswa yizifundiso eziyinhlobonhlobo lezingaziwayo; ngoba kuhle ukuthi inhliziyo iqiniswe ngomusa, kungabi ngokudla okungabasizanga lalabo ababebambelela kukho.

UHezekhiyeli 45:17

Kuzakuba ngumsebenzi wesikhulu ukunika iminikelo yokutshiswa leminikelo yempuphu leminikelo yokuthululwa emikhosini, ngesikhathi sokuthwasa kwenyanga, langamaSabatha, lakuyo yonke imikhosi emisiweyo yakoIsrayeli. Sizanikela umnikelo wesono lomnikelo wempuphu lomnikelo wokutshiswa lomnikelo wokuthula ukubenzela ukubuyisana labakoIsrayeli.

UNehemiya 10:33

leyesinkwa esahlukaniselwe uNkulunkulu, leyomnikelo wempuphu wensuku zonke, leyomnikelo wokutshiswa wensuku zonke, leyamaSabatha, leyokuthwasa kwenyanga, leyemikhosi emisiweyo, leyeziphiwo ezingcwele, leyeminikelo yesono ukwenzela uIsrayeli ukubuyisana, leyawo wonke umsebenzi wendlu kaNkulunkulu.

1 ImiLando 23:31

langazo zonke izikhathi zokunikelwa komnikelo wokutshiswa eNkosini ngamaSabatha, langezikhathi zokuthwasa kwenyanga, langensuku zemikhosi, njengokumiswa kwenani lawo. Azakuwenzela iNkosi lumsebenzi kokuphela.

UMatewu 15:11

Kakusikho okungena emlonyeni okungcolisa umuntu; kodwa okuphuma emlonyeni yikho okungcolisa umuntu.

AmaHebheru 9:10

Kodwa yona imayelana lokudla lokunatha lokugeza okwezinhlobonhlobo, iyizimiso ezimayelana lomzimba nje kuze kufike isikhathi sokupheleliswa kwezinto.

UJakhobe 4:11

Lingahlebani, bazalwane. Lowo ohleba umzalwane, loba emahlulela umzalwane wakhe, uhleba umlayo, ahlulele umlayo. Kodwa uba usahlulela umlayo, kawusenguye owenza umlayo, kodwa usungumthonisisi wawo.

UMakho 7:19

Ngoba kakungeni enhliziyweni yakhe, kodwa kungena esiswini sakhe, kuphumele ngaphandle. Ngalokhu uJesu wenza ukudla konke kube kuhle.

Imisebenzi 15:20

kodwa asibalobele ukuba bazile amanyala ezithombe, lokufeba, lokukhanyiweyo, legazi.

UHezekhiyeli 4:14

Ngasengisithi: O Nkosi Nkulunkulu! Kangizanga ngingcoliswe. Kusukela ebutsheni bami kuze kube lamuhla kangizanga ngidle ingcuba lokubulewe zinyamazana, lenyama engcolileyo kayizanga ingene emlonyeni wami.

U-Isaya 1:13

Lingabe lisaletha iminikelo eyize; impepha yayo iyisinengiso kimi; ukuhlangana kwenu ekuthwaseni kwenyanga, langeSabatha, lezinkonzweni ezinkulu zenu, kangikuthandi; kangikuvumi lokuhlangana kwenu emikhosini.

AmaHubo 81:3

Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.

AmaHubo 42:4

Ngikhumbula lezizinto ngidabuke inhliziyo, ukuthi ngangihamba lamaxuku, ngiwakhokhele odwendweni lokuya endlini kaNkulunkulu ngenhlokomo yezingoma zokubonga, ixuku eligida umkhosi.

UNehemiya 10:31

Uba abantu balelilizwe beletha impahla loba amabele ukukuthengisa ngeSabatha, kasiyikuthenga kibo ngeSabatha langosuku olungcwele. Sizayekela ukulima ngomnyaka wesikhombisa, siyekele lemilandu yonke.

UNehemiya 8:9

UNehemiya owayengumbusi, loEzra umpristi lombhali, lamaLevi ayefundisa abantu, bathi ebantwini bonke: Lolu lusuku olungcwele eNkosini uNkulunkulu wenu; lingalili likhale. Ngoba bonke abantu bakhala lapho besizwa amazwi omlayo.

2 AmaKhosi 4:23

Wathi. Ulandani kuye lamhla na? Kakusilo usuku lokuthwasa kwenyanga loba olweSabatha. Yena wathi: Kakusilutho lokho.

1 USamuyeli 20:18

UJonathani wasesithi kuye: Kusasa inyanga izabe ithwasile; uzasweleka ngoba isihlalo sakho sizabe size.

1 USamuyeli 20:5

UDavida wathi kuJonathani: Kusasa inyanga izabe ithwasile; kangifanele ukuphutha ekudleni lenkosi; kodwa ungivumele ukuba ngiyecatsha egangeni kuze kube lusuku lwesithathu kusihlwa.

ULevi 16:31

KuliSabatha lokuphumula kini; lizakuzithoba; kuyisimiso esingelakuphela.

uAmosi 8:5

elithi: Ukuthwasa kwenyanga kuzadlula nini ukuze sithengise amabele? leSabatha lizaphela nini ukuze sidingise amabele ethu, senze isikali sokulinganisa sibe sincinyane, lemali ibe nengi, sikhohlise ngesilinganiso,

AmaNani 10:10

Langezinsuku zokuthokoza kwenu, lasemikhosini yenu emisiweyo, lasekuthwaseni kwenyanga, lizakhalisa izimpondo ekunikeleni iminikelo yenu yokutshiswa lemihlatshelweni yeminikelo yenu yokuthula, ukuze zilisize ukukhumbula uNkulunkulu wenu. Mina ngiyiNkosi uNkulunkulu wenu.

2 ImiLando 31:3

Inkosi yanika izipho kweyayo impahla ukuba zibe ngezeminikelo yokutshiswa ekuseni lantambama, leyokutshiswa ngamaSabatha lasekuthwaseni kwenyanga, leyemikhosi emisiweyo, njengokulotshiweyo emlayweni weNkosi uNkulunkulu.

AbaseKholose 2:20

Uba lafa kanye loKristu, lakhululwa kuyo impi yemimoya yalumhlaba, kungani ukuba kungathi lisaphila ngokomhlaba na? Kungani lithobela imithetho yokuthi: