AbaseKholose 2:13 - iBhayibhili Elingcwele 1978

¹³ Lanike, lanxa belifile ngeziphambeko langokungasoki kwenyama yenu, uNkulunkulu ulenze laba ngabaphilayo kanye loKristu. Usithethelele iziphambeko zethu zonke;

IBhayibhili Elingcwele LesiNdebele

¹³ Ngesikhathi lifile ezonweni zenu lokungasoki kwemvelo yenu yesono, uNkulunkulu walenza laba ngabaphilayo kanye loKhristu. Wasithethelela zonke izono zethu

AbaseKholose 2:13 Referans Kwoze

Abase-Efesu 2:1

Lina lalifile ngeziphambeko langezono zenu,

AbaseRoma 8:11

Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.

2 AbaseKhorinte 5:19

okuyikuthi uNkulunkulu wayekuKristu ebuyisana lomhlaba, engababaleli iziphambeko zabo, lokuthi wanika thina ilizwi lokubuyisana

Abase-Efesu 2:11

Ngakhoke khumbulani ukuthi kwake kwaba khona isikhathi lapho elalingabezizwe, elalibizwa yilabo abasokileyo ngokuthi lingabangasokanga, ukusoka okwenziwa ngezandla emzimbeni.

ULukha 15:32

Bekufanele ukuba sijabule, sithokoze, ngoba umnawakho lo owayefile usebuye wasila; wayelahlekile, usefunyenwe.

ULukha 15:24

ngoba indodana yami le ibifile, isibuye yasila; ibilahlekile, ifunyenwe. Basebeqala ukuthokoza.

AmaHubo 71:20

Wena ongizwise inhlupheko ezinengi ezibuhlungu, uzakungivuselela futhi, ungikhuphe futhi enzikini yomhlaba.

UJakhobe 2:26

Ngoba njengalokhu umzimba ongelamoya ufile, ngokunjalo lokukholwa okungelamisebenzi kufile.

Abase-Efesu 5:14

Ngakhoke kuthiwa: Phaphama wena oleleyo, uvuke kwabafileyo, uKristu uzakukukhanyisela.

1 AbaseKhorinte 15:45

Ngakho kulotshiwe ukuthi: Umuntu wokuqala uAdamu waba ngumuntu ophilayo; uAdamu wokucina waba ngumoya ophilisayo.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

1 UJohane 2:12

Ngiyalilobela bantwana, ngoba izono zenu zithethelelwe ngenxa yakhe.

1 AbaseKhorinte 15:36

Wena siphukuphukundini! Lokho okuhlanyelayo wena kakuphili uba kungafi.

UJohane 5:21

Njengalokhu uYise evusa abafileyo, abanike ukuphila, kunjaloke leNdodana iyabanika ukuphila labo ethanda ukubasilisa.

ULukha 9:60

Kodwa wathi kuye: Yekela abafileyo bambele abafileyo babo, kodwa wena hamba, utshumayele umbuso kaNkulunkulu.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

AmaHubo 119:50

Induduzo yami ekuhluphekeni kwami yilokhu ukuthi ilizwi lakho liyangivuselela.

AmaHebheru 6:1

Ngakhoke kasedlule ezifundisweni zokuqala ngoKristu siqhubekele kokupheleleyo, singabeki futhi isisekelo sokuphenduka emisebenzini efileyo lesokukholwa kuNkulunkulu;

1 uTimothi 5:6

kanti lowo ozinikela ekuzithokoziseni ufile lanxa esekhona.

AbaseRoma 4:17

njengokulotshiweyo ukuthi: Ngikumisile ukuba ube nguyise wezizwe ezinengi. UAbrahama ungubaba wethu sonke phambi kukaNkulunkulu akholwa kuye, yena ovusa abafileyo, obiza okungekho ngokungathi kukhona.

UJohane 6:63

Kungumoya onika ukuphila, inyama kayisizi lutho; amazwi esengiwakhulume kini angumoya, ayikuphila.

UJeremiya 31:34

Kabasayikufundisana kube yilowo lalowo lomakhelwana wakhe, lalowo lalowo lomfowabo esithi: Yazi iNkosi! Ngoba bazangazi bonke, kusukela komncinyane wabo kuze kufike komkhulu, kutsho iNkosi. Ngizathethelela ububi babo, lesono sabo kangisayikusikhumbula.

U-Isaya 1:18

Wozanike, siqondisane, itsho iNkosi; loba izono zenu zibomvu gebhu, zizakuba mhlophe njengongqoqwane; loba zibomvu njengegazi, zizakuba mhlophe njengoboya bezimvu.

UJakhobe 2:20

Sithuthandini, uyathanda ukwazi ukuthi ukukholwa okungelamisebenzi kuyize na?

UJakhobe 2:17

Kunjaloke lokukholwa, uba kungelamisebenzi, kufile.

1 uTimothi 6:13

Ngiyakulaya phambi kukaNkulunkulu ophilisa konke, loKristu Jesu owavuma ukuvuma okuhle phambi kukaPontiyusi Pilatu,

AmaHubo 32:1

Ubusisiwe lowo osiphambeko sakhe sithethelelwe, osono sakhe sisitshekelwe.

AbaseKholose 2:12

Lambelwa kanye laye ngobhaphathizo, ngalo futhi lavuswa kanye laye ngokukholwa ngamandla kaNkulunkulu amvusa kwabafileyo.